UMatewu 12:18 - iBhayibhili Elingcwele 1978

¹⁸ Khangela, inceku yami engiyikhethileyo, othandekayo wami, othokoza ngaye umphefumulo wami. Ngizakubeka uMoya wami phezu kwakhe, uzakutshumayela ukulunga kubo abezizwe.

IBhayibhili Elingcwele LesiNdebele

¹⁸ “Nansi inceku yami engiyikhethileyo, yona engiyithandayo, engithokoza ngayo; ngizabeka uMoya wami phezu kwayo, izamemezela ukulunga phakathi kwezizwe.

UMatewu 12:18 Iomraidhean Croise

AmaHubo 89:19

Endulo wakhuluma ngombono kubo abathembekileyo bakho, wathi: Ngibekile umqhele phezu kwakhe olamandla, ngimphakamisile okhethiweyo phakathi kwabantu.

U-Isaya 11:2

Umoya weNkosi uzakuhlala phezu kwakhe, umoya wokuhlakanipha lokuqedisisa, umoya wokuqondisa lowamandla, umoya wokwazi lowokwesaba iNkosi.

U-Isaya 42:1

INkosi ithi: Khangela inceku yami engiyisekelayo, okhethiweyo wami, othokoza ngaye umphefumulo wami; ngibekile umoya wami phezu kwakhe, ukuze alethele izizwe ukulunga.

U-Isaya 52:13

INkosi ithi: Khangela, inceku yami izakuphumelela, izakuba nkulu ibe lodumo kakhulu.

U-Isaya 53:11

Lapho ukuhlupheka kwayo sekuphelile, izakubona ukukhanya, yaneliswe; ngokwazi kwayo inceku yami elungileyo izalungisisa abanengi, ithwale izono zabo.

U-Isaya 62:2

Izizwe zizabona ukulunga kwakho, lamakhosi wonke abone inkazimulo yakho; uzakubizwa ngebizo elitsha ezakukutha lona iNkosi.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

UZakhariya 3:8

Zwanake, wena Joshuwa, mpristi omkhulu, wena labangane bakho abahlezi phambi kwakho, ngoba lingabantu abayisibonakaliso esihle. Ngizaveza inceku yami eliHlumela.

UMatewu 12:17

ukuze kugcwaliseke okwakhulunywa ngumprofethi uIsaya ukuthi:

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

UMakho 1:11

Kwezwakala ilizwi livela ezulwini, lathi: Wena uyiNdodana yami ethandekayo; ngithokozile ngawe.

UMakho 9:7

Kwasekufika iyezi, labasibekela; kwezwakala ilizwi eyezini, lathi: Lo uyiNdodana yami ethandekayo; zwanini yona.

ULukha 23:35

Abantu bema, bembukela; kodwa ababusi bamklolodela besithi: Wasilisa abanye; kazisilise yena, uba enguKristu okhethiweyo kaNkulunkulu.

ULukha 3:22

uMoya oNgcwele elesimo sejuba wehlela phezu kwakhe; kwezwakala ilizwi livela ezulwini lisithi: Wena uyiNdodana yami ethandekayo; ngithokozile ngawe.

ULukha 4:18

UMoya weNkosi uphezu kwami, ngoba ingigcobile ukuba ngitshumayele indaba ezinhle kubayanga, ingithumile ukumemezela ukukhululwa kwabathunjiweyo, lokubona kwabayiziphofu, lokukhulula ababandezelweyo,

ULukha 9:35

Kwezwakala ilizwi eyezini lisithi: Le yiNdodana yami ekhethiweyo; zwanini yona.

UJohane 3:34

Ngoba lowo uNkulunkulu amthumileyo ukhuluma amazwi kaNkulunkulu; ngoba kaniki uMoya ngesilinganiso.

Imisebenzi 10:38

lokuthi: UNkulunkulu wammisa uJesu waseNazaretha ngoMoya oNgcwele langamandla, lokuthi wahamba esenza okulungileyo, esilisa bonke labo ababesemandleni kaSathane, ngoba uNkulunkulu wayelaye.

Imisebenzi 11:18

Bathi sebekuzwile lokhu, bathula, bamdumisa uNkulunkulu besithi: Kanti uNkulunkulu unikile abezizwe labo ukuphendukela ekuphileni.

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

Abase-Efesu 1:6

ukuze adunyiswe ngomusa wakhe omangalisayo asiphe wona ngesihle ngaye oThandiweyo.

AbaseKholose 1:1

Mina Pawuli umphostoli kaKristu Jesu ngentando kaNkulunkulu, loTimothi umzalwane,

AbaseKholose 1:13

Wasikhulula emandleni omnyama, wasisa embusweni weNdodana yakhe ethandekayo,

1 UPhethro 2:4

Wozani eNkosini, kulo idwala eliphilayo elaliwa ngabantu, kodwa kuNkulunkulu lingelikhethiweyo eliligugu;

2 UPhethro 1:17

Ngoba lapho esamukela udumo lobukhosi okuvela kuNkulunkulu uBaba, lalapho kwezwakala ilizwi livela enkazimulweni yobukhosi lisithi: Lo uyiNdodana yami ethandekayo engithokoze ngayo;