UMatewu 11:23 - iBhayibhili Elingcwele 1978

²³ Wenake, Kapenawume, uzakuphakanyiselwa ezulwini na? Atshi! Uzakwehliselwa endaweni yabafileyo; ngoba uba yayenziwe eSodoma imisebenzi yamandla eyenziwe kuwe, ngabe lisekhona iSodoma kuze kube lamuhla.

IBhayibhili Elingcwele LesiNdebele

²³ Lawe Khaphenawume, kambe uzaphakanyiselwa emazulwini na? Hatshi, uzatshona phansi uye eHadesi. Ngoba aluba izimangaliso ezenziwa kuwe zazenziwe eSodoma ngabe ikhona lanamuhla.

UMatewu 11:23 Iomraidhean Croise

UGenesisi 13:13

Abantu baseSodoma babebabi, besona kakhulu phambi kweNkosi.

Izililo 2:1

Yeka umnyama iNkosi ekuthukutheleni kwayo ewehlisele phezu kweZiyone. Iphosele ubuhle bukaIsrayeli emhlabeni busuka ezulwini; kayikhumbulanga ithempeli layo ngosuku lokuthukuthela kwayo.

UHezekhiyeli 26:20

ng’khona ngizakukuphosela phansi kanye lalabo abehlela egodini, ebantwini basendulo, ngikwenze uhlale elizweni elingaphansi, emanxiweni asendulo, kanye lalabo abehlela egodini, ukuze kungahlali muntu kuwe, ungabi landawo elizweni labaphilayo.

UHezekhiyeli 31:14

Lokhu kwenzelwa ukuba kungabi lasihlahla ngasemanzini esikhula sibe side kakhulu, lezihloko zaso zithinte amayezi, kungabi lasihlahla esinatha amanzi esifinyelela emayezini; ngoba zonke zimiselwe ukufa, ziye elizweni elingaphansi komhlaba, njengabantu abafileyo abehlela phansi egodini.

UHezekhiyeli 32:18

Ndoda, khalela abantu bonke baseGibithe, ubehlisele elizweni elingaphansi komhlaba kulabo abehlela egodini, bona labesifazana bezizwe ezilodumo.

UHezekhiyeli 32:24

Likhona lapho iElamu lexuku lalo lonke lihanqe iliba lalo, bonke bebulewe empini, behlela elizweni elingaphansi komhlaba bengasokanga, bona ababesesatshwa elizweni labaphilayo, bathwele ihlazo labo kanye labo abehlela egodini.

uObadiya 1:4

Loba uqonga njengokhozi, loba isidleke sakho sakhiwe phakathi kwezinkanyezi, ngizakukwethula khona, kutsho iNkosi.

UMatewu 10:15

Ngiqinisile ngithi kini: Kuzakuba ngcono elizweni laseSodoma lelaseGomora ngosuku lokulahlwa kulakulowomuzi.

UMatewu 16:18

Lamike ngithi kuwe: Wena unguPetro okuyikuthi Dwala; phezu kwalelidwala ngizakulakha ibandla lami; amasango endawo yabafileyo kawayikulahlula.

UMatewu 17:24

Kwathi sebefikile eKapenawume abaqoqi bemali yethempeli beza kuPetro, bathi: Umfundisi wenu uyayithela imali yethempeli na?

UMatewu 4:13

Wakhuphuka eNazaretha, weza wahlala eKapenawume elingasolwandle emikhawulweni yakoZebuluni leyakoNafitali,

UMatewu 8:5

Kwathi esangena eKapenawume, kweza kuye induna yekhulu, yamncenga yathi:

ULukha 10:15

Lawe Kapenawume uzakuphakanyiselwa ezulwini na? Atshi! Uzakwehliselwa endaweni yabafileyo.

ULukha 14:11

Ngoba ilowo lalowo oziphakamisayo uzakuthotshiswa; lozithobayo uzakuphakanyiswa.

ULukha 16:23

Sesisendaweni yabafileyo saphakamisa amehlo aso, sisebuhlungwini, sabona uAbrahama ekhatshana, loLazaro esesifubeni sakhe.

ULukha 4:23

Wathi kibo: Impela lizakutsho kimi lesisaga lithi: Nyanga, zelaphe wena. Lokho esikuzwileyo ukwenza eKapenawume, kwenze lalapha elizweni lakini.

Imisebenzi 2:27

Ngoba kawuyikuwutshiya umphefumulo wami endaweni yabafileyo, njalo kawuyikuvuma ukuba ongcwele wakho abone ukubola.

Imisebenzi 2:31

ebonile ngaphambili, wakhuluma ngokuvuka kukaKristu ukuthi katshiywanga endaweni yabafileyo, lenyama yakhe kayikubonanga ukubola.

UJuda 1:7

Ngokunjalo iSodoma leGomora lemizi yakhona eyenza ukuphinga njengazo, yazinikela enkanukweni ezingasizo zemvelo, yenziwa isibonelo ngokutshaywa ngomlilo ongapheliyo.

Isambulo 1:18

lophilayo; ngangifile, khathesi sengikhona ngiphila kuze kube nininini, ngilamakhiye okufa lawendawo yabafileyo.

Isambulo 11:8

Lezidumbu zabo zizakusala zidindilizile emigwaqweni yomuzi omkhulu othiwa ngokomoya iSodoma leGibithe, lapho iNkosi yabo yabethelwa khona.

Isambulo 20:13

Lolwandle lwabakhupha abafileyo ababekulo, ukuFa lendawo yabafileyo kwakhupha abafileyo ababekukho; bonke bahlulelwa ngalokho ababekwenzile.

Isambulo 6:8

Ngakhangela, ngabona ibhiza eliliganu, oligadileyo ibizo lakhe kwakuthiwa ngukuFa, leHadesi lamlandela. Wanikwa amandla phezu kwengxenye yesine yokomhlaba ukuba abulale ngomkhonto, langendlala, langomkhuhlane, langezilo.