UMatewu 10:19 - iBhayibhili Elingcwele 1978

¹⁹ Nxa belinikela, lingakhathaleli ukuthi lizakukhuluma kanjani lokuthi lizakuthini, ngoba lizakunikwa ngalesosikhathi lokho elizakukukhuluma.

IBhayibhili Elingcwele LesiNdebele

¹⁹ Kodwa nxa belibopha lingazihluphi ngokuthi lizakuthini lokuthi likutsho kanjani. Ngalesosikhathi lizakwambulelwa okumele likutsho,

UMatewu 10:19 Iomraidhean Croise

U-Eksodasi 4:12

Ngakho hamba, ngizakuba lomlomo wakho, ngikufundise lokho ozakukukhuluma.

U-Eksodasi 4:15

Uzakukhuluma laye, ufake amazwi ami emlonyeni wakhe; ngizakuba lomlomo wakho lomlomo wakhe, ngilifundise lokho elizakukwenza.

UJeremiya 1:7

Kodwa iNkosi yathi kimi: Ungatsho ukuthi: Ngingumntwana nje; ngoba kubo bonke engikuthuma kubo uzakuya, lakho konke engikulaya khona uzakukukhuluma.

UJeremiya 1:9

INkosi yasiselula isandla sayo, yathinta umlomo wami, yathi kimi: Khangela, sengibekile amazwi ami emlonyeni wakho.

UMatewu 10:18

Lizakuholelwa phambi kwababusi lamakhosi ngenxa yami, kube yibufakazi kibo lakwabezizwe.

UMatewu 6:25

Ngakhoke ngithi kini: Lingaphisekeli ukusila kwenu ukuba lizakudlani lokuba lizakunathani, lomzimba wenu ukuba lizakwambathani. Ukusila kakudluli yini ukudla, lomzimba kawudluli izambatho na?

UMatewu 6:31

Ngakhoke lingaphisekeli lutho lisithi: Sizakudlani? ingabe: Sizakunathani? loba: Sizakwambathani na?

UMatewu 6:34

Ngakho lingaphisekeli ikusasa, ngoba ikusasa izakuziphisekela yona. Inkathazo yosuku yanele lona.

ULukha 12:11

Nxa belisa emasinagogeni, laphambi kwababusi leziphathamandla, lingaphisekeli ukuthi lizakuziphendulela kanjani, lokuthi lizakukhulumani,

ULukha 12:12

ngoba uMoya oNgcwele uzakulifundisa ngalesosikhathi lokho elifanele ukukukhuluma.

Imisebenzi 6:10

kodwa babengelamandla okumelana lokuhlakanipha loMoya ayekhuluma ngawo.

AbaseFiliphi 4:6

Lingakhathazeki ngalutho, kodwa kukho konke izicelo zenu kazaziwe nguNkulunkulu ngokukhuleka langokunxusa kanye langokubonga.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.

UJakhobe 1:5

Uba kukhona kini oswele ukuhlakanipha, kacele kuNkulunkulu ophanayo kibo bonke abantu angabasoli, uzakukunikwa.