UDutheronomi 20:1 - iBhayibhili Elingcwele 1978

¹ Lapho liphuma impi ukuyahlasela izitha zenu, beselibona amabhiza lezinqola, labantu abanengi kulani, lingabesabi; ngoba iNkosi uNkulunkulu wenu eyalikhupha eGibithe ilani.

IBhayibhili Elingcwele LesiNdebele

¹ “Lapho liphuma ukuyakulwa lesitha senu empini libe selibona amabhiza lezinqola kanye lebutho elikhulu ukwedlula elenu, lingabesabi, ngoba uThixo uNkulunkulu wenu, owalikhupha eGibhithe, uzakuba lani.

UDutheronomi 20:1 Iomraidhean Croise

UGenesisi 26:3

hlala kulelilizwe, ngizakuba lawe ngikubusise; ngoba ngizakunika wena lenzalo yakho wonke lamazwe, ngiqinise isifungo engasifunga kuAbrahama uyihlo.

2 ImiLando 14:10

UAsa waphuma ukumhlangabeza, bahlangana ukulwa esihotsheni saseZefatha eMaresha.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 20:12

Nkulunkulu wethu, wena kawuyikubahlulela na? Ngoba thina kasilawo amandla ukulwa lalimpi enkulu kangaka ezekusihlasela; kasikwazi esingakwenza, kodwa sikhangele kuwe.

2 ImiLando 20:15

Wathi: Lalelani lina lonke abakoJuda labaseJerusalema, lawe nkosi Jehoshafati; iNkosi ithi: Lingesabi litshaywe luvalo ngenxa yalimpi enkulu, ngoba ukulwa kakusikho okwenu, kungokukaNkulunkulu.

AmaHubo 118:6

INkosi ingakimi, kangiyikwesaba; umuntu angenzani kimi na?

AmaHubo 20:7

Abanye bathemba inqola zokulwa, abanye bathemba amabhiza, kodwa thina sithemba ibizo leNkosi uNkulunkulu wethu.

AmaHubo 23:4

Loba ngidabula esihotsheni esimnyama, kangesabi okubi, ngoba wena ulami; intonga yakho lodondolo lwakho kuyangivikela.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

AmaHubo 46:8

Wozani libone izenzo zeNkosi, incithakalo ayenzileyo emhlabeni.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

U-Isaya 31:1

Maye kulabo abehlela eGibithe ukudinga ukusizwa, abathemba amabhiza, bethemba inqola zokulwa ngoba zinengi, bethemba abakhweli bamabhiza ngoba belamandla, kodwa bengathembeli koNgcwele kaIsrayeli, bengaceli usizo eNkosini!

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

U-Isaya 43:2

Lapho udabula emanzini ngizakuba lawe; lalapho udabula emifuleni, kayiyikukukhukhula; lalapho uhamba emlilweni, kawuyikutsha, lelangabi kaliyikukutshisa.

U-Isaya 7:14

Ngakhoke iNkosi uqobo izakukunika isibonakaliso. Khangela, intombi izakuthatha isisu, ibelethe indodana ezakubizwa ngokuthi nguEmanuweli.

UJeremiya 16:14

Ngakhoke insuku zizakufika, kutsho iNkosi, lapho kungasayikuthiwa: Ngifunga iNkosi eyabakhupha abakoIsrayeli elizweni laseGibithe;

UZakhariya 10:5

Bebonke bazakuba njengamaqhawe ekulweni anyathela udaka lwezindlela; bazakulwa ngoba iNkosi ilabo, bayangise abagadi bamabhiza.

AmaNani 10:9

Kuzakuthi lapho liphuma impi elizweni lakini ukuyakulwa lezitha ezilicindezelayo, lihlabe umkhosi ngezimpondo, ukuba iNkosi uNkulunkulu wenu ilikhumbule, likhululwe ezitheni zenu.

AmaNani 23:21

Ububi kabufunyaniswanga kuJakobe, lokuhlupheka kakubonakalanga kuIsrayeli. INkosi uNkulunkulu wabo ilabo, kumenyezelwa phakathi kwabo ukuthi iyinkosi.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

UDutheronomi 1:29

Ngasengisithi kini: Lingatshaywa luvalo, lesabe.

UDutheronomi 2:7

Ngoba iNkosi uNkulunkulu wenu ilibusisile emsebenzini wonke wezandla zenu; ililondolozile ekuhambeni kwenu kulinkangala enkulu. INkosi uNkulunkulu wenu ibe lani liminyaka engamatshumi amane, kaliswelanga lutho.

UDutheronomi 20:2

Nxa selizakuhlasela, umpristi keze akhulume labantu, athi kubo:

UDutheronomi 20:3

Zwana, Israyeli! Selisondela empini lamhla ukuhlasela izitha zenu; inhliziyo yenu kayingapheli amandla; lingesabi, lingathuthumeli, lingatshaywa luvalo ngabo;

UDutheronomi 31:6

Qinani, lime isibindi, lingazesabi, lingatshaywa luvalo ngenxa yazo; ngoba yona iNkosi uNkulunkulu wenu ihamba lani; kayiyikulilahla, kayiyikulitshiya.

UDutheronomi 31:8

INkosi uqobo ihamba phambi kwenu; izakuba lani, ingalilahli, ingalitshiyi; lingesabi, lingakhathazeki.

UDutheronomi 7:1

Kuzakuthi lapho iNkosi uNkulunkulu wakho isikungenisa elizweni oya kulo ukulithumba ixotshe izizwe ezinengi phambi kwakho, amaHethi lamaGirigashi lamaAmori lamaKanani lamaPerizi lamaHivi lamaJebusi, izizwe eziyisikhombisa ezinkulu lezilamandla kulawe,

UDutheronomi 7:18

Lingazesabi, kodwa khumbulani lokho iNkosi uNkulunkulu wenu eyakwenza kuFaro lakulo lonke iGibithe,

UDutheronomi 7:21

Kaliyikubesaba, ngoba iNkosi uNkulunkulu wenu iphakathi kwenu, inguNkulunkulu omkhulu lowesabekayo.

UDutheronomi 9:3

Ngakhoke yazi lamuhla ukuthi yiNkosi uNkulunkulu wakho echapha ngaphambi kwakho enjengomlilo oqothulayo; yona izakubachitha, ibanqobe phambi kwakho; uzakubaxotsha, ubabhubhise masinyane, njengokukuthembisa kwayo.

UJoshuwa 1:5

Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

UJoshuwa 11:9

UJoshuwa wenza kibo njengokutsho kweNkosi; waquma imisipha yamabhiza abo, watshisa ngomlilo inqola zabo zokulwa.

Abahluleli 6:12

Isithunywa seNkosi sabonakala kuye, sathi kuye: INkosi ilawe, wena qhawe elilamandla.

Abahluleli 6:16

INkosi yathi kuye: Mina ngizakuba lawe, uzawabulala amaMidiyani kungathi angumuntu munye.

1 USamuyeli 17:32

UDavida wathi kuSawuli: Ungabi lomhedehede ngalowomuntu, nkosi; inceku yakho izakuyakulwa lalowomFilistiya.