Izililo 2:2 - iBhayibhili Elingcwele 1978

² INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

IBhayibhili Elingcwele LesiNdebele

² UThixo kabanga lozwelo lapho eginya yonke imizi kaJakhobe; ngolaka lwakhe udilizele phansi izinqaba zeNdodakazi kaJuda. Usewuchithile umbuso wakhe, lababusi bawo wababhuqa phansi, baba lehlazo.

Izililo 2:2 Iomraidhean Croise

UJobe 2:3

INkosi yasisithi kuSathane: Uyiqaphele yini inceku yami uJobe ukuthi kakho onjengaye emhlabeni, ongelasici loqotho, owesaba uNkulunkulu, loxwaya okubi na? Usabambelele kubo ubuqotho bakhe, lanxa wangivusa ukuba ngimchithe ngeze.

AmaHubo 21:9

Uzakubabhubhisa njengomlilo ovuthayo ekufikeni kwakho. INkosi izakubaginya ekuthukutheleni kwayo, lomlilo uzakubaqothula.

AmaHubo 74:7

Zayitshisa indlu yakho engcwele, zayidilizela phansi indlu yebizo lakho, zayidumaza.

U-Isaya 22:5

Ngoba iNkosi uNkulunkulu wamabandla imise usuku lokukhathazeka, lokunyathelwa phansi lokuphithizela esiGodini soMbono; imiduli idilizelwe phansi, lokuhlaba umkhosi kuzwakala ezintubeni.

U-Isaya 23:9

YiNkosi yamakhosi ekumisileyo, ukuba yonakalise ukuziphakamisa lobuhle balo, lokuba yenze bonke abadumileyo bomhlaba badeleleke.

U-Isaya 25:12

Imiduli yakhe emide yezinqaba iNkosi izayidilizela phansi, iyiphosele emhlabathini lasothulini.

U-Isaya 26:5

Ibehlisele phansi abahlala engqongeni, emzini ophakemeyo. Iwudilizele phansi, yawuphosela ethulini.

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

U-Isaya 43:28

izikhulu zakho zangcolisa indlu yami engcwele; ngakhoke nganikela uJakobe ekubhujisweni, loIsrayeli ekuthukweni.

U-Isaya 47:6

Ngabathukuthelela abantu bami, ngabayangisa, ngabanikela esandleni sakho, kawubahawukelanga; walenza laba nzima ijogwe lakho phezu kwabadala.

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UJeremiya 19:15

INkosi yamabandla, uNkulunkulu kaIsrayeli, ithi: Khangelani, ngizakwehlisela kulumuzi lakuyo yonke imizana yawo konke okubi engikutshiloyo, ngoba balenkani, bala ukuzwa amazwi ami.

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UJeremiya 5:10

Ngenani emavinini alo liwachithe, kodwa lingawaqedi ngokupheleleyo; susani ingatsha zalo, ngoba kazisizo zeNkosi.

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 2:21

Obhuqwini lwezindlela kulele abatsha labadala; intombi zami lensizwa zami zibulewe; osukwini lokuthukuthela kwakho uzibulele wena, wazibulala ungelasihawu.

Izililo 2:5

INkosi isinjengesitha ichithile uIsrayeli; ichithile zonke izigodlo zakhe, yadilizela phansi inqaba zakhe. Yandisa ukulila lokukhala koJuda.

Izililo 3:43

Wena uthukuthele, waxotshana lathi, wasibulala ungelasihawu.

UHezekhiyeli 5:11

Ngakhoke ngiyazifunga, kutsho iNkosi uNkulunkulu, ngoba lingcolisile impela indlu yami engcwele ngakho konke okuzondekayo langamanyala enu wonke, ngizakulibhubhisa ngingalihawukeli, ngingaliyekeli.

UHezekhiyeli 7:4

Kangiyikuliyekela, kangiyikulihawukela, kodwa ngizalitshaya ngenxa yezindlela zenu lapho amanyala enu esephakathi kwenu. Ng’khona lizakwazi ukuba ngiyiNkosi.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UHezekhiyeli 8:18

Ngizabasukela ekuthukutheleni kwami. Kangiyikubayekela ngibahawukele; lanxa bekhala kakhulu, kangiyikubezwa.

UHezekhiyeli 9:10

Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.

UMikha 5:14

Ngizakusiphula elizweni insika zenu ezimiselwe unkulunkulukazi uAshera, ngichithe lemizi yenu,

UMalaki 1:4

Uba abakoEdoma, abantwana bakaEsawu, besithi: Imizi yethu ichithiwe, kodwa sizabuya siyakhe; iNkosi yamabandla ithi: Bangakha, kodwa mina ngizadilizela phansi, baze babizwe ngokuthi yilizwe elibi, labantu iNkosi ebathukutheleleyo kokuphela.

UMatewu 18:33

ngabe kawumhawukelanga yini omunye wabayizinceku kanye lawe, njengokuba lami ngakuhawukela wena na?

2 AbaseKhorinte 10:4

ngoba izikhali zokulwa kwethu kayisizo zasemhlabeni, kodwa zilamandla kaNkulunkulu okubhidliza izinqaba.

UDutheronomi 28:52

Sizakulivimbezela kuyo yonke imizi yenu, ize idilike kulo lonke ilizwe imiduli yenu ephakemeyo leqinileyo elithembela kuyo; sizakulivimbezela emizini yenu yonke kulo lonke ilizwe lakini iNkosi uNkulunkulu wenu elinike lona.

UDutheronomi 32:22

Ngoba umlilo usubasiwe ngentukuthelo yami, uyatshisa kuze kube senzikini yendawo yabafileyo; uqeda umhlaba lezithelo zawo, utshise izisekelo zezintaba.