Izililo 2:10 - iBhayibhili Elingcwele 1978

¹⁰ Abadala baseZiyone bahlezi phansi bethule, bathele uthuli emakhanda abo, bagqoke izambatho zokulila. Intombi zaseJerusalema zikhothamisele phansi amakhanda azo.

IBhayibhili Elingcwele LesiNdebele

¹⁰ Abadala beNdodakazi yeZiyoni bahlezi emhlabathini bathule zwi; bazithele ngothuli emakhanda abo, bazembathisa amasaka. Izintombi zeJerusalema zimbozele amakhanda azo phansi.

Izililo 2:10 Iomraidhean Croise

2 USamuyeli 13:19

UTamari wasezithela ngomlotha ekhanda, wadabula isigqoko sakhe esilemikhono emide ayesigqokile, wathwala imikhono ekhanda, wahamba ekhala kakhulu.

U-Isaya 15:3

ezindleleni bahamba begqoke izambatho zokulila; bayakhala izinyembezi phezu kwezindlu lasezigabeni.

U-Isaya 3:24

Kuzakuthi endaweni yamakha kube khona ukubola, endaweni yebhanti kube khona igoda, lendaweni yenwele ezilungiswe kuhle kube khona impabanga, lendaweni yezigqoko ezinhle kube khona amadabudabu, lendaweni yobuhle kube khona ukuyangeka.

U-Isaya 3:26

Emasangweni eZiyone kuzakuba khona ukukhala lokulila, lona lizakuba njengowesifazana ohlezi phansi eze.

U-Isaya 36:22

Basebefika kuHezekiya oEliyakimi indodana kaHilikiya umgcini wesigodlo, loShebina umabhalane, loJowa indodana kaAsafi owayengumbhali, izigqoko zabo zidatshuliwe, bamtshela amazwi enceku enkulu.

U-Isaya 47:1

INkosi ithi: Yehla, uhlale othulini, wena Babiloni; yehlani esihlalweni sobukhosi lihlale phansi, lina maKaladiya. Ngoba kawusayikubizwa ngokuthi uthambile, ubuthakathaka.

U-Isaya 47:5

Hlala uzithulele, ungene emnyameni, wena Kaladiya; ngoba kawusayikubizwa ngokuthi uyinkosikazi yemibuso.

UJeremiya 8:14

Silindelani na? Wozani, singene emizini ebiyelweyo, sibhubhele khona. Ngoba iNkosi uNkulunkulu wethu isimisele ukubhubha, isinikile amanzi abulalayo ukuze siwanathe, ngoba sonile eNkosini.

Izililo 1:1

Yeka ukuhlala kwawo wodwa umuzi owawugcwele abantu! Usunjengomfelwakazi wona owawumkhulu phakathi kwezizwe. Wona owawuyinkosikazi phakathi komuzi usungobuswayo.

Izililo 1:4

Imigwaqo eya eZiyone iyalila, ngoba kakho ozayo kulo emikhosini emisiweyo. Emasangweni alo kakulabantu, labapristi balo bayabubula. Intombi zalo ziyahlupheka. Liyahlupheka kakhulu.

Izililo 3:28

Kahlale yedwa athule lapho esefakiwe lona,

Izililo 4:16

INkosi uqobo ibahlakazile, kayisayikubananza. Abapristi kabasahlonitshwanga, labadala kabasenzelwanga umusa.

Izililo 4:5

Ababesidla okumnandi bafela ezindleleni, lalabo ababekhuliswa begqoka okuyibubende sebelala ezilotheni.

Izililo 5:12

Izikhulu ziphanyekwa ngezandla zazo, labadala kabahlonitshwa.

Izililo 5:14

Abadala sebatshiya inkundla, lensizwa zayekela ukuhlabela.

UHezekhiyeli 27:30

bayahlaba umkhosi, bekukhalela kakhulu; bathela uthuli emakhanda abo, bazibhuqe emlotheni,

UHezekhiyeli 27:31

baziphuce amakhanda, bagqoke izambatho zokulila, bakukhalele kakhulu, bakhale ngokukhala okubuhlungu.

UHezekhiyeli 7:18

Bonke bazagqoka izambatho zokulila, behlelwe yikwesaba, babanjwe zinhloni, baphuce amakhanda.

UJoweli 1:8

Lilani njengentombi egqoke isambatho sokulila, ililela umyeni wobutsha bayo.

uAmosi 5:13

Ngakhoke ohlakaniphileyo uzakuzithulela ngalesosikhathi, ngoba kuyisikhathi esibi.

uAmosi 8:13

Ngalolosuku intombi ezinhle lezinsizwa zizaqaleka ngenxa yokoma.

uAmosi 8:3

Izingoma zethempelini zizaphenduka zibe yikukhala mhlalokho, kutsho iNkosi uNkulunkulu; izidumbu zizagcwala indawo yonke, zikhutshelwe phandle. Thulanike!

UJona 3:6

Indaba yafinyelela enkosini yaseNineve; yasuka esihlalweni sayo sobukhosi, yakhumula ingubo yayo, yagqoka isambatho sokulila, yahlala emlotheni.

UJoshuwa 7:6

UJoshuwa labadala bakoIsrayeli basebedabula izigqoko zabo, bathi mbo ngobuso phansi phambi komtshokotsho weNkosi kwaze kwahlwa, bathela uthuli emakhanda abo.

Isambulo 18:19

Bathela uthuli emakhanda abo bekhala, belila, besithi: Maye, maye kuwe muzi omkhulu, lapho bonke ababelemikolo olwandle banothiswa yinotho yawo! Uchithekile ngesikhatshana nje.