Izililo 1:1 - iBhayibhili Elingcwele 1978

¹ Yeka ukuhlala kwawo wodwa umuzi owawugcwele abantu! Usunjengomfelwakazi wona owawumkhulu phakathi kwezizwe. Wona owawuyinkosikazi phakathi komuzi usungobuswayo.

IBhayibhili Elingcwele LesiNdebele

¹ Kuthule kuthe cwaka! Yeka lelidolobho elalinyakazela abantu! Selinjengomfelokazi, kanti lalilodumo phakathi kwezizwe. Lona elaliyindlovukazi phakathi kwezigodi, khathesi seliyisigqili.

Izililo 1:1 Iomraidhean Croise

1 AmaKhosi 4:21

USolomoni wabusa yonke imibuso kusukela emfuleni iYufrathi kuze kufike elizweni lamaFilistiya lasemingceleni yaseGibithe, yathela kuye, yamsebenzela zonke insuku zokuphila kwakhe.

2 AmaKhosi 23:33

UFaro‐Neko wambopha eRibila elizweni laseHamathi ukuba angabe esabusa eJerusalema, wathelisa ilizwe amathalenta esiliva alikhulu lethalenta elilodwa legolide.

2 AmaKhosi 23:35

UJehoyakimi wamnika uFaro isiliva legolide, wathelisa ilizwe ukuze azuze leyomali ebizwa nguFaro. Wathelisa abantu, wabathelisa bonke ngamandla abo ukuze azuze imali yokunika uFaro‐Neko.

2 ImiLando 9:26

Wawabusa wonke amakhosi kusukela emfuleni iYufrathi kwaze kwafika elizweni lamaFilistiya, lasemngceleni waseGibithe.

U-Ezra 4:20

Amakhosi alamandla ake aba khona eJerusalema abusa ilizwe lonke elingaphetsheya komfula iYufrathi, kwathelwa kuwo imithelo.

UNehemiya 5:4

Labanye bathi: Seboleka imali yokuthela enkosini ngamasimu ethu langezivini zethu.

UNehemiya 9:37

Izithelo zalo ezinengi zingezamakhosi osibekele wona ngenxa yezono zethu; alamandla phezu kwethu laphezu kwenkomo zethu azenzela ngokuthanda, sisosizini olukhulu.

AmaHubo 122:4

lapho izizwe zenyukela khona, izizwe zeNkosi, njengokumiselwa kwabakoIsrayeli, ukuba zibonge ibizo leNkosi.

U-Isaya 14:12

Yeka ukuwa kwakho ezulwini, wena Nkanyezi ekhanyayo, ndodana yoKusa! Yeka ukudilizelwa kwakho phansi, wena owathobisa izizwe!

U-Isaya 22:2

wena muzi ogcwele ukumemeza lokuxokozela lokuthokoza na? Ababuleweyo bakho kababulawanga ngomkhonto, kabafelanga empini.

U-Isaya 3:26

Emasangweni eZiyone kuzakuba khona ukukhala lokulila, lona lizakuba njengowesifazana ohlezi phansi eze.

U-Isaya 49:21

Ng’khona uzakuthi enhliziyweni yakho: Ngubani ongizalele laba na? Ngafelwa ngabantwana, ngasalaze, ngathunjwa, ngavalelwa; kodwa ngubani ongikhulisele laba na? Ngangisele ngedwa; pho, laba bavelaphi na?

U-Isaya 50:5

INkosi uNkulunkulu iyivulile indlebe yami, lami kangihlamukanga, kangibuyelanga emuva.

U-Isaya 52:2

Sukuma, uzithintithe uthuli, wena Jerusalema elithunjiweyo! khumula izibopho ezisentanyeni yakho, wena Ziyone elithunjiweyo!

U-Isaya 52:7

Zinhle kangaka phezu kwezintaba inyawo zesigijimi esiletha izindaba ezinhle ezokuthula, esimemezela ukukhululwa, esithi kulo iZiyone: UNkulunkulu wakho uyabusa.

U-Isaya 54:4

Ungesabi, ngoba kawuyikuyangeka; ungabi lenhloni, ngoba kawuyikuyangiswa; ngoba uzakhohlwa ihlazo lobutsha bakho, ungabe usakhumbula ukuyangeka kobufelwakazi bakho.

UJeremiya 31:7

Ngoba iNkosi ithi: Mhlabeleleni uJakobe ngokuthokoza, liyimemezele induna yezizwe; limemeze, lidumise lithi: INkosi yabakhulula abantu bayo abaseleyo koIsrayeli.

UJeremiya 40:9

UGedaliya indodana kaAhikamu, kaShafani, wafunga kibo labantu babo, wathi: Lingesabi ukukhonza amaKaladiya. Hlalani elizweni, liyisebenzele inkosi yaseBabiloni, kuzalilungela.

UJeremiya 42:2

bathi kuJeremiya umprofethi: Ake uzwe ukunxusa kwethu, usikhulekele eNkosini uNkulunkulu wakho, ukhulekele bonke laba abaseleyo, ngoba sisele siyingcosana nje kwabanengi, njengalokho lawe ubona,

UJeremiya 44:2

lathi: INkosi yamabandla, uNkulunkulu kaIsrayeli, ithi: Likubonile konke okubi engakwehlisela phezu kweJerusalema laphezu kwayo yonke imizi yakoJuda. Lamhla iyinkangala, kakulamuntu ohlala khona,

UJeremiya 44:6

Ngakho ulaka lwami lokuthukuthela kwami kwavutha emizini yonke yakoJuda lasezindleleni zeJerusalema; zaphenduka zaba yinkangala, zachitheka njengalamhla nje.

UJeremiya 50:23

Yeka ukufa lokwephuka kwesando somhlaba wonke! Yeka ukwenziwa kweBabiloni into eyesabekayo phakathi kwezizwe!

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

Izililo 1:19

Ngabiza izithandwa zami, kodwa zangikhohlisa. Abapristi labadala bami bafela phakathi komuzi, besadinga ukudla ukuba baqinise amandla abo.

Izililo 2:1

Yeka umnyama iNkosi ekuthukutheleni kwayo ewehlisele phezu kweZiyone. Iphosele ubuhle bukaIsrayeli emhlabeni busuka ezulwini; kayikhumbulanga ithempeli layo ngosuku lokuthukuthela kwayo.

Izililo 2:10

Abadala baseZiyone bahlezi phansi bethule, bathele uthuli emakhanda abo, bagqoke izambatho zokulila. Intombi zaseJerusalema zikhothamisele phansi amakhanda azo.

Izililo 4:1

Yeka ukufiphala kwegolide lokuphenduka kwegolide elihle! Amatshe endlu engcwele achithekile ekuhlanganeni kwazo zonke indlela.

Izililo 5:16

Umqhele uwile emakhanda ethu. Maye thina, ngoba sonile!

UHezekhiyeli 26:16

Ng’khonake zonke izikhulu zangasolwandle zizakwehla ezihlalweni zazo zobukhosi, zikhumule izingubo zazo, zikhuphe izambatho zazo ezicecisiweyo; zigcwale ukuthuthumela, zihlale phansi zithuthumele isikhathi sonke, zimangale zonke.

UHezekhiyeli 26:2

Ndoda, iTire litshilo ngeJerusalema ukuthi: Iya! isango lezizwe selidilikile, langivulekela, sengizakunotha lokhu selichithekile.

UHezekhiyeli 5:5

INkosi uNkulunkulu ithi: Lumuzi weJerusalema ngiwumisile phakathi kwezizwe, amanye amazwe awuphahlile.

ULevi 26:31

Ngizakwenza imizi yenu ibe ngamanxiwa, ngidilize izindlu zenu ezingcwele; kangiyikwamukela iphunga elimnandi leminikelo yenu.

ULevi 26:33

Ngizakulihlakazela ezizweni, ngihwatshe umhedla ngilixotshe; ilizwe lakini lizakuba yincithakalo, lemizi yenu ichitheke.

UZefaniya 2:15

Yiwo lumuzi owajabula, owawulondolozekile, owawusithi: Mina ngikhona; kakho futhi omunye. Yeka ukuchitheka kwawo! Usuyindawo yokubuthanela inyamazana; bonke abadlula kiwo bayancifa, bawukhombe ngengqindi.

Isambulo 18:7

Linikeni ukuhlupheka lokulila okungangalokho elizidumise lazikholisa ngakho. Lithi enhliziyweni yalo: Ngihlezi ngiyinkosikazi, kangisuye umfelwakazi, futhi kangisoze ngabona ukulila.