Isambulo 4:5 - iBhayibhili Elingcwele 1978

⁵ Lasesihlalweni sobukhosi kwakuphuma imibane, lamazwi, lokuduma; lezibane zomlilo eziyisikhombisa zazibhebha phambi kwazo, zona zingomoya abayisikhombisa bakaNkulunkulu;

IBhayibhili Elingcwele LesiNdebele

⁵ Esihlalweni sobukhosi kwaba lokuphazima kombane, lokundindizela kanye lokukhwaza kwezulu. Phambi kwesihlalo sobukhosi kwakuvutha izibane eziyisikhombisa. Lezi zazingomoya abayisikhombisa bakaNkulunkulu.

Isambulo 4:5 Iomraidhean Croise

UGenesisi 15:7

Yathi kuye: NgiyiNkosi eyakususa eUri elamaKaladiya ukuba ngikunike ilizwe leli libe yilifa lakho.

2 ImiLando 4:20

izinti zezibane lezibane zazo ezenziwe ngegolide elihle ukukhanyisa endlini engaphakathi, njengokumisiweyo,

AmaHubo 68:35

UNkulunkulu uyesabeka endaweni yakhe engcwele; UNkulunkulu kaIsrayeli, nguye onika abantu bakhe amandla. Kabongwe uNkulunkulu.

U-Eksodasi 19:16

Ngosuku lwesithathu sekusile, kwaba khona ukuduma lemibane leyezi elimnyama entabeni, kwezwakala ukukhala okukhulu kophondo; bonke abantu ababesemathenteni bathuthumela.

U-Eksodasi 20:18

Kwathi lapho abantu bonke besizwa ukuduma lokukhala kophondo, lalapho bebona imibane lokuthunqa kwentaba bathuthumela, bema khatshana;

U-Eksodasi 25:37

Uzalwenzela izibane eziyisikhombisa ezizamiswa ukuba zikhanyise phambi kwalo.

U-Eksodasi 37:23

Walwenzela izibane eziyisikhombisa, lezindlawu, lemiganu yalo ngegolide elihle.

UHezekhiyeli 1:13

Phakathi kwezidalwa eziphilayo kwakukhona okunjengamalahle omlilo ovuthayo, kunjengezibane ezihambahamba phakathi kwazo. Umlilo wawukhazimula, lasemlilweni kwakuphuma umbane.

UJoweli 3:16

INkosi iyavungama iseZiyone, izwakalisa ilizwi layo iseJerusalema, kunyikinyeke iphezulu lomhlaba. Kodwa iNkosi iyisiphephelo sabantu bayo, lenqaba yabantu bakoIsrayeli.

UZakhariya 4:2

Sathi kimi: Ubonani? Ngathi: Ngibona uluthi lwesibane olwenziwe ngegolide kuphela, phezu kwalo lulomganu wamafutha, lezibane eziyisikhombisa, lezimbobo zezibane eziyisikhombisa.

UMatewu 25:1

Ngakhoke umbuso wezulu uzakufaniswa lentombi ezilitshumi ezathatha izibane zazo, zaphuma ukuhlangabeza umyeni.

UMatewu 3:11

Mina ngilibhaphathiza ngamanzi, kube yikuphenduka; kodwa yena oza emva kwami ulamandla kulami engingafanele ukuphatha amanyathelo akhe; yena uzakulibhaphathiza ngoMoya oNgcwele langomlilo.

Imisebenzi 2:3

Kwasekubonwa yibo inlimi ezehlukeneyo kungathi ngezomlilo; zehla zahlala phezu kwalowo lalowo wabo.

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 10:3

Samemeza ngelizwi elikhulu elinjengelesilwane esibhongayo; kwathi lapho simemeza, kwezwakala imidumo eyisikhombisa.

Isambulo 11:19

Kwasekuvulwa ithempeli likaNkulunkulu elisezulwini, kwabonakala umtshokotsho wesivumelwano sakhe usethempelini; kwasekusiba khona ukuphazima kombane, lomsindo omkhulu, lokuduma, lokuzamazama komhlaba, lesiqhotho esikhulu.

Isambulo 3:1

Lakuso isithunywa sebandla eliseSardisi loba uthi: Nanku akutshoyo lowo olabomoya abayisikhombisa bakaNkulunkulu lezinkanyezi eziyisikhombisa, uthi: Ngiyayazi imisebenzi yakho ukuba kuthiwa uyaphila, kanti wena ufile.

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.

Isambulo 8:5

Isithunywa sasesithatha umganu wokutshisela impepha, sawugcwalisa ngomlilo ovela ealtareni, sawuphosela emhlabeni; kwasekusiba khona ukuduma, lomsindo, lokuphazima kombane, lokuzamazama komhlaba.