Isambulo 3:2 - iBhayibhili Elingcwele 1978

² Vuka, uqinise okuseleyo osekuzakufa, ngoba kangifumananga imisebenzi yakho iphelelisiwe phambi kukaNkulunkulu wami.

IBhayibhili Elingcwele LesiNdebele

² Vuka! Qinisa okuseleyo osekuseduze lokufa, ngoba izenzo zakho angizifumananga ziphelele emehlweni kaNkulunkulu.

Isambulo 3:2 Iomraidhean Croise

1 AmaKhosi 11:4

Ngoba kwathi uSolomoni eseluphele abafazi bakhe baphambulela inhliziyo yakhe kwabanye onkulunkulu, kayaze yabambelela ngokupheleleyo eNkosini uNkulunkulu wakhe njengenhliziyo kayise uDavida.

1 AmaKhosi 15:3

Wenza zonke izono ezenziwa nguyise ngaphambi kwakhe, lenhliziyo yakhe yayingaphelelanga eNkosini uNkulunkulu wakhe njengenhliziyo kakhokho wakhe uDavida.

2 ImiLando 25:2

Wenza okulungileyo phambi kweNkosi, kodwa kungesikho ngenhliziyo epheleleyo.

UJobe 16:5

Bengingaliqinisa ngomlomo wami, ngiliduduze ngamazwi ami, ngipholise ubuhlungu benu.

U-Isaya 35:3

Qinisani izandla ezibuthakathaka lamadolo axegayo.

U-Isaya 56:10

Abalindi bonke bakoIsrayeli bayiziphofu, kabalakwazi; bonke banjengezinja eziyizimungulu ezingakwaziyo ukukhonkotha; balala nje baphuphe, bathanda ubuthongo.

U-Isaya 57:12

Uthi okwenzayo kulungile, ngizadalula izenzo zakho, ukwenza kwakho kakuyikukusiza.

UHezekhiyeli 34:16

Ngizadinga ezilahlekileyo, ngibuyise eziduhileyo, ngibophe ezaphukileyo, ngiqinise ezibuthakathaka; lezinonileyo leziqinileyo ngizazilondoloza, ngizidlise ngokulunga.

UDanyeli 5:27

Tekeli, kutsho ukuthi wena ulinganisiwe ngezilinganiso, ufunyenwe ulula.

UZakhariya 11:16

Ngoba ngizabeka elizweni umalusi ongakhathaleli izimvu ezifayo, ongazidingiyo ezilahlekileyo, longazelaphiyo ezilimeleyo, longaziboneliyo eziphilayo, kodwa adle inyama yezinonileyo, adle lamangqina azo.

UMatewu 23:5

Imisebenzi yabo yonke bayenza ukuba babonwe ngabantu; ngoba benza izicwatsho zabo zokukhuleka zibe banzi, lentshaka zengubo zabo zibe zinkulu.

UMatewu 25:13

Ngakhoke lindani, ngoba kalilwazi usuku lesikhathi.

UMatewu 25:7

Zasezivuka lezontombi zonke, zalungisa izibane zazo.

Imisebenzi 18:23

Esehlale khona isikhathi esithile wasuka wadabula ilizwe laseGalathiya lelaseFrigiya eqinisa bonke abafundi.

UDutheronomi 3:28

Kodwa laya uJoshuwa, umkhuthaze, umqinise; ngoba yena uzakuwela phambi kwalababantu, abanike ilizwe olibonayo libe yilifa labo.

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.

1 UPhethro 5:8

Phaphamani lilinde; ngoba isitha senu, uSathane, siyahambahamba njengesilwane esibhongayo sidinga esingabadla.

Isambulo 16:15

Khangela, ngiyeza njengesela. Ubusisiwe olindayo, alondoloze ingubo zakhe ukuba angahambize, kuze kubonwe ihlazo lakhe. —

Isambulo 2:4

Kodwa ngilalokhu ngawe ukuthi udelile uthando lwakho lwakuqala.

Isambulo 3:1

Lakuso isithunywa sebandla eliseSardisi loba uthi: Nanku akutshoyo lowo olabomoya abayisikhombisa bakaNkulunkulu lezinkanyezi eziyisikhombisa, uthi: Ngiyayazi imisebenzi yakho ukuba kuthiwa uyaphila, kanti wena ufile.

Isambulo 3:3

Khumbulake lokho okwamukeleyo wakuzwa, kugcine, uphenduke. Uba ungavuki, ngizakuza kuwe njengesela, kawusoze wasazi isikhathi engizakuza ngaso kuwe.