Isambulo 3:10 - iBhayibhili Elingcwele 1978

¹⁰ Ngoba ugcinile umlayo wami wokuba ubekezele, lami ngizakukugcina ngesikhathi sokulingwa okuzakufika emhlabeni wonke ukulinga bonke abakhileyo kuwo.

IBhayibhili Elingcwele LesiNdebele

¹⁰ Njengoba ugcine umlayo wami ukuba ubekezele ngesineke, lami ngizakugcina esikhathini sokulingwa esizafika emhlabeni wonke ukuhlola labo abahlala emhlabeni.

Isambulo 3:10 Iomraidhean Croise

U-Isaya 24:17

Ukwesaba lomgodi lomjibila kulilindele, lina abahlala emhlabeni.

UDanyeli 12:10

Abanengi bazazihlambulula, bazenze babe mhlophe, balungiswe; kodwa ababi bazakwenza kubi, kungabi khona loyedwa wababi oqedisisayo; kodwa labo abahlakaniphileyo bazaqedisisa.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UMatewu 24:14

Lelivangeli lombuso lizakutshunyayelwa emhlabeni wonke kube yibufakazi ezizweni zonke, andubana kufike ukuphela.

UMatewu 26:41

Lindani, likhuleke ukuze lingangeni ekulingweni; umoya uyavuma, kodwa inyama ibuthakathaka.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

UMakho 14:9

Ngiqinisile ngithi kini: Loba kungaphi emhlabeni wonke lapho kutshunyayelwa khona ivangeli, lokhu akwenzileyo kuzakukhulunywa ngakho, kube yisikhumbuzo ngaye.

ULukha 2:1

Kwathi ngalezonsuku kwaphuma isimemezelo kuKesari uAgastasi sokuba kubalwe ilizwe lonke.

UJohane 17:6

Ngilibonakalisile ibizo lakho ebantwini onginike bona emhlabeni; babengabakho, wanginika bona; baligcinile ilizwi lakho.

AbaseRoma 1:8

Kuqalake ngibonga uNkulunkulu wami ngoJesu Kristu ngani lonke, ngoba ukukholwa kwenu kunconywa emhlabeni wonke.

1 AbaseKhorinte 10:13

Kalifikelwanga yikulingwa okungejwayelekanga ebantwini. UNkulunkulu uthembekile, kayikuvuma ukuba lilingwe ngokungaphezu kwamandla enu; kodwa nxa ukulingwa kufika, uzakulinika indlela yokuphepha, ukuze libe lamandla okukuthwala.

Abase-Efesu 6:13

Ngakhoke hlomani izikhali zonke zikaNkulunkulu ukuze libe lamandla okuma ngosuku olubi, lokuze kuthi lapho seliqede umsebenzi wonke, lime.

2 uTimothi 2:12

uba sabekezela, sizakubusa kanye laye; uba simphika, laye uzakusiphika;

UJakhobe 3:12

Bazalwane bami, umkhiwa ungathela izithelo zamaoliva yini, loba ivini lithele izithelo zomkhiwa na? Lamanzi alitshwayi angeke aveze amnandi.

1 UPhethro 4:12

Bathandekayo, lingamangali ngezilingo ezinkulu eziphakathi kwenu elifikelwa yizo ukuba lilingwe ngokungathi lehlelwe yilutho olungaziwayo;

2 UPhethro 2:9

Ngakhoke iNkosi iyakwazi ukubophula ekulingweni labo abamkhonzayo uNkulunkulu, lokubagcina ababi ekutshayweni kuze kube lusuku lokuthonisiswa,

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

Isambulo 11:10

Labakhileyo emhlabeni bazakuthokoza ngabo, bathabe, banikane izipho, ngoba lababaprofethi ababili babeluhlupho kulabo abakhileyo emhlabeni.

Isambulo 13:10

Uba ekhona okumele athunjwe, uzakuthunjwa; lobulalayo ngomkhonto uzakubulawa ngomkhonto. Nanti ithuba lokubekezela lokusebenzisa ukukholwa kwabangcwele.

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

Isambulo 14:12

Nanti ithuba lokubekezela kwabangcwele, labo abagcina imilayo kaNkulunkulu lokukholwa kuJesu.

Isambulo 14:6

Ngasengibona esinye isithunywa siphapha emkhathini, silevangeli elingapheliyo ukulitshumayela kwabakhileyo emhlabeni, kuzo zonke izizwe, lemihlobo, lezindimi labantu.

Isambulo 16:14

Yona ingomoya ababi abenza izibonakaliso, abaphuma ukuya emakhosini omhlaba wonke ukuwahlanganisela ekulweni ngosuku olukhulu lukaNkulunkulu, uSomandla. —

Isambulo 17:2

aphinga laso amakhosi omhlaba, labakhileyo emhlabeni badakwe liwayini lokuphinga kwaso.

Isambulo 17:8

Isilo osibonileyo sikhona, kasisekho; kodwa sizakuphuma emgodini ongelamkhawulo, siye ekubhujisweni. Labakhileyo emhlabeni, abamabizo abo angabhalwanga encwadini yokuphila kusukela ekudatshulweni komhlaba, bazakumangala ukubona ukuthi isilo sasikhona, kasisekho, kanti sizakuba khona.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

Isambulo 3:8

uthi: Ngiyayazi imisebenzi yakho; khangela, ngimisa phambi kwakho umnyango ovuliweyo, ongelakuvalwa muntu. Ngiyazi ukuthi ulamandla amancinyane, kanti uligcinile ilizwi lami, kawuliphikanga ibizo lami.

Isambulo 6:10

Bamemeza ngelizwi elikhulu besithi: Nkosi ebusayo engcwele leqotho, koze kube nini ungathonisisi uphindisele igazi lethu kulabo abakhileyo emhlabeni na?

Isambulo 8:13

Ngasengikhangela, ngezwa ukhozi luphapha emkhathini lukhala ngelizwi elikhulu lusithi: Maye, maye, maye kulabo abakhileyo emhlabeni, lapho sekukhala impondo ezizakukhaliswa yizithunywa ezintathu zokucina!