Isambulo 18:9 - iBhayibhili Elingcwele 1978

⁹ Amakhosi omhlaba aphinga lalo ezikholisa lalo azakukhala alile, lapho ebona intuthu yokutsha kwalo.

IBhayibhili Elingcwele LesiNdebele

⁹ Lapho amakhosi asemhlabeni afeba lalo njalo abelana lalo inotho yalo ebona intuthu yokutsha kwalo azalikhalela alililele.

Isambulo 18:9 Iomraidhean Croise

UGenesisi 19:28

Wakhangela ngaseSodoma laseGomora, langaselizweni lonke legceke, wabona intuthu yelizwe ithunqa njengentuthu yesithando somlilo.

AmaHubo 58:10

Olungileyo uzakuthokoza lapho ebona impindiselo, uzakugezisa inyawo zakhe egazini lababi.

U-Isaya 13:19

IBabiloni, udumo lwemibuso ubucwazicwazi lokuziqhenya kwamaKaladiya, lizakuchithwa nguNkulunkulu njengeSodoma leGomora.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

UJeremiya 50:40

Njengoba uNkulunkulu wachitha iSodoma leGomora lemizi eyakhelene lalo, kutsho iNkosi, ngokunjalo kakusayikusala muntu khona, kakusayikuhamba muntu khona.

UJeremiya 50:46

Ngomsindo wokuthunjwa kweBabiloni umhlaba uzathuthumela, lelizwi lokukhala kwalo lizakuzwakala phakathi kwezizwe.

UJeremiya 51:8

IBabiloni seliwile masinyane, lachitheka; likhaleleni, lilidingele umuthi wezilonda, mhlawumbe lingasila.

UHezekhiyeli 27:35

Bonke abakhileyo emazweni angasolwandle bayamangala ngawe, lamakhosi abo ayesaba kakhulu, lobuso bawo bunyukumele.

UDanyeli 4:14

Samemeza sathi: Sigamuleleni phansi isihlahla, liqume ingatsha zaso, lisiphundle amahlamvu, lichithachithe izithelo zaso. Izinyamazana kazibaleke ngaphansi kwaso, lenyoni engatsheni zaso.

UDutheronomi 29:23

lonke ilizwe elitshiswe yisolufa letshwayi, elingelakho okuhlanyelweyo lokumilayo, lotshani, elichithwe njengeSodoma leGomora leAdima leZoboyimi, imizi eyachithwa yiNkosi ngentukuthelo yayo lolaka lwayo,

1 uTimothi 5:11

Kodwa abafelwakazi abatsha ubale; ngoba lapho inkanuko zabo sezibahlukanise loKristu bafuna ukwenda;

Isambulo 14:11

Lentuthu yomlilo wokuhlutshwa kwabo ithunqa kuze kube nininini; kabalakuphumula emini lebusuku laba abakhonza isilo lomfanekiso waso, lalowo obekwe uphawu lwebizo laso.

Isambulo 17:2

aphinga laso amakhosi omhlaba, labakhileyo emhlabeni badakwe liwayini lokuphinga kwaso.

Isambulo 18:18

bakhala bebona intuthu yokutsha kwalo besithi: Yiwuphi umuzi ofana lawo umuzi omkhulu na?

Isambulo 18:20

Thokoza ngawo wena zulu, lani bangcwele labaphostoli labaprofethi; ngoba uNkulunkulu uwuthonisisile, waliphindisela.

Isambulo 18:3

ngoba izizwe zonke zidakiwe liwayini lokungcola kwalo, lamakhosi omhlaba aphingile lalo, labathengisi bomhlaba banothiswe yinotho yalo enkulu.

Isambulo 18:7

Linikeni ukuhlupheka lokulila okungangalokho elizidumise lazikholisa ngakho. Lithi enhliziyweni yalo: Ngihlezi ngiyinkosikazi, kangisuye umfelwakazi, futhi kangisoze ngabona ukulila.

Isambulo 19:3

Bamemeza ngokwesibili bathi: Haleluya! Intuthu yokutsha kwawo yathunqa kwaze kwaba nini lanini.

Isambulo 2:22

Ngakhoke ngizakumlethela umkhuhlane, labaphinga laye ngibangenise ekuhluphekeni okukhulu, uba bengaphenduki emisebenzini yakhe;