Isambulo 17:5 - iBhayibhili Elingcwele 1978

⁵ ebunzini lakhe kwakulotshiwe ibizo eliyimfihlakalo lokuthi: IBabiloni elikhulu, unina weziphingi lowamanyala wonke omhlaba.

IBhayibhili Elingcwele LesiNdebele

⁵ Umbhalo owawulotshwe ebunzini lakhe wawusesabeka: iBhabhiloni eliKhulu uNina weziPhingi kanye lamaNyala wonke oMhlaba.

Isambulo 17:5 Iomraidhean Croise

U-Isaya 3:9

Ukubandlulula kwabo kuyafakaza ngabo; benza izono zabo obala njengeSodoma, kabazifihli. Maye kibo! Ngoba bazehlisela okubi.

UHezekhiyeli 16:35

Ngakhoke, wena wule, zwana ilizwi leNkosi.

AbaseFiliphi 3:19

ukuphela kwabo kuyikubhujiswa, unkulunkulu wabo uyisisu, lodumo lwabo lusehlazweni labo, bathanda izinto zomhlaba.

2 AbaseThesalonika 2:7

Ngoba amandla afihlakeleyo obubi asesebenza. Asebenza kuphela okwalesisikhathi aze asuswe lowo owavimbeleyo.

Isambulo 1:20

Nansi imfihlakalo yezinkanyezi eziyisikhombisa ozibonileyo esandleni sami sokunene, leyezibane zegolide eziyisikhombisa; inkanyezi eziyisikhombisa ziyizithunywa zamabandla ayisikhombisa, izibane eziyisikhombisa zingamabandla ayisikhombisa.

Isambulo 11:8

Lezidumbu zabo zizakusala zidindilizile emigwaqweni yomuzi omkhulu othiwa ngokomoya iSodoma leGibithe, lapho iNkosi yabo yabethelwa khona.

Isambulo 14:8

Salandelwa ngesinye isithunywa sesibili sisithi: Liwile, liwile iBabiloni elikhulu, elinathise izizwe zonke iwayini lolaka lokuphinga kwabo!

Isambulo 16:19

Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.

Isambulo 17:1

Kwasekusiza kimi esinye isithunywa sezithunywa eziyisikhombisa ezazilemiganu eyisikhombisa, sathi kimi: Woza lapha, ngikutshengise ukuthonisiswa kwesiphingi esikhulu esihlezi phezu kwamanzi amanengi,

Isambulo 17:2

aphinga laso amakhosi omhlaba, labakhileyo emhlabeni badakwe liwayini lokuphinga kwaso.

Isambulo 17:7

Kodwa isithunywa sathi kimi: Umangalelani na? Ngizakukutshela imfihlakalo yowesifazana leyesilo esilamakhanda ayisikhombisa lempondo ezilitshumi esimthweleyo.

Isambulo 18:2

Samemeza ngelizwi elikhulu sisithi: Liwile, liwile iBabiloni elikhulu! Seliyindawo yokuhlala omoya ababi, indawo yokuhlala omoya bonke abangcolileyo lezinyoni zonke ezingcolileyo lezizondekayo;

Isambulo 18:21

Isithunywa esilamandla safukula ilitshe elinjengelokuchola, saliphosela olwandle sisithi: Ngokunjalo iBabiloni umuzi omkhulu lizakuphoselwa phansi ngamandla, lingabe lisafunyanwa.

Isambulo 19:2

ngoba ukuthonisisa kwakhe kuqotho, kulungile; usilahlile isiphingi esikhulu esonakalise umhlaba ngokuphinga kwaso, uphindisele kuso igazi lezinceku zakhe.

Isambulo 7:3

sisithi: Lingoni umhlaba lolwandle lezihlahla, size sibeke uphawu lukaNkulunkulu wethu emabunzini ezinceku zakhe.