Isambulo 17:2 - iBhayibhili Elingcwele 1978

² aphinga laso amakhosi omhlaba, labakhileyo emhlabeni badakwe liwayini lokuphinga kwaso.

IBhayibhili Elingcwele LesiNdebele

² Amakhosi omhlaba afeba laso njalo abahlezi emhlabeni badakwa yiwayini yobufebe baso.”

Isambulo 17:2 Iomraidhean Croise

UJeremiya 51:7

IBabiloni laliyinkezo yegolide esandleni seNkosi, eyayidakisa umhlaba wonke; izizwe zanatha iwayini lalo, ngakho zahlanya.

UNahume 3:4

Konke lokhu kungenxa yokuphinga okunengi kwesiphingi esibukekayo langenxa yamalumbo aso abulalayo, esithengisa izizwe ngokuphinga kwaso labantu ngamalumbo aso.

UJohane 2:10

wathi kuye: Wonke umuntu uletha iwayini elimnandi kuqala, kuthi lapho sebenathile kakhulu, alethe elibi; wena ugcinile iwayini elimnandi kwaze kwaba khathesi.

Isambulo 14:8

Salandelwa ngesinye isithunywa sesibili sisithi: Liwile, liwile iBabiloni elikhulu, elinathise izizwe zonke iwayini lolaka lokuphinga kwabo!

Isambulo 17:13

Wona ayavumelana, anika isilo amandla okubusa kwawo.

Isambulo 17:17

Ngoba uNkulunkulu ukufakile enhliziyweni zazo ukuba zenze icebo lakhe ngokubamqondo munye, zinike umbuso wazo esilweni, kuze kugcwaliseke amazwi kaNkulunkulu.

Isambulo 17:5

ebunzini lakhe kwakulotshiwe ibizo eliyimfihlakalo lokuthi: IBabiloni elikhulu, unina weziphingi lowamanyala wonke omhlaba.

Isambulo 17:8

Isilo osibonileyo sikhona, kasisekho; kodwa sizakuphuma emgodini ongelamkhawulo, siye ekubhujisweni. Labakhileyo emhlabeni, abamabizo abo angabhalwanga encwadini yokuphila kusukela ekudatshulweni komhlaba, bazakumangala ukubona ukuthi isilo sasikhona, kasisekho, kanti sizakuba khona.

Isambulo 18:23

lokukhanya kwesibane kakusayikukhanya phakathi kwakho; lelizwi lomyeni lomlobokazi kalisayikuzwakala phakathi kwakho; ngoba abathengisi bakho bebeyizikhulu zomhlaba, lezizwe zonke zikhohliswe yikuthakatha kwakho.

Isambulo 18:3

ngoba izizwe zonke zidakiwe liwayini lokungcola kwalo, lamakhosi omhlaba aphingile lalo, labathengisi bomhlaba banothiswe yinotho yalo enkulu.

Isambulo 18:9

Amakhosi omhlaba aphinga lalo ezikholisa lalo azakukhala alile, lapho ebona intuthu yokutsha kwalo.

Isambulo 2:22

Ngakhoke ngizakumlethela umkhuhlane, labaphinga laye ngibangenise ekuhluphekeni okukhulu, uba bengaphenduki emisebenzini yakhe;

Isambulo 3:10

Ngoba ugcinile umlayo wami wokuba ubekezele, lami ngizakukugcina ngesikhathi sokulingwa okuzakufika emhlabeni wonke ukulinga bonke abakhileyo kuwo.

Isambulo 9:21

Futhi kabaphendukanga ekubulaleni kwabo, lasekuthakatheni kwabo, lasekuphingeni kwabo, lasekwebeni kwabo.