Isambulo 14:2 - iBhayibhili Elingcwele 1978

² Ngasengisizwa ilizwi livela ezulwini, linjengelizwi lamanzi amanengi lanjengomdumo omkhulu; lelizwi engalizwayo lalinjengelabatshaya amachacho abo.

IBhayibhili Elingcwele LesiNdebele

² Ngezwa umdumo ovela ezulwini ufana lokuhuba kwamanzi agelezayo lanjengokukhwaza okukhulu kwezulu. Umdumo engawuzwayo wawunjengowabatshayi bamachacho betshaya amachacho abo.

Isambulo 14:2 Iomraidhean Croise

2 USamuyeli 6:5

UDavidi labo bonke abakoIsrayeli babesina phambi kweNkosi ngamandla wonke, behlabela, betshaya imihubhe, lamachacho, lezingungu, lamachachwana lezigubhu.

2 ImiLando 20:28

Bangena eJerusalema betshaya amachacho lemihubhe lezimpondo zokukhaliswa, baya ethempelini.

AmaHubo 147:7

Hlabelelani iNkosi ingoma yokubonga; limdumise uNkulunkulu wethu ngamachacho.

AmaHubo 149:3

Kabadumise ibizo layo ngokusina, bayitshayele isigubhu lechacho.

AmaHubo 33:2

Dumisani iNkosi ngechacho, lihlabelele kuyo ngechacho elilentambo ezilitshumi.

AmaHubo 43:4

Ng’khona ngizakuya ealtareni likaNkulunkulu, kuNkulunkulu wenjabulo yami enkulu; ngizakukudumisa ngechacho, Nkulunkulu, Nkulunkulu wami.

AmaHubo 57:8

Vuka, mphefumulo wami! Vukani, mhubhe lechacho! Ngizakuvusa ukusa.

AmaHubo 92:3

ngokutshaya ichacho elilentambo ezilitshumi, langechacho elikhala kamnandi.

AmaHubo 93:4

INkosi iphakeme ilamandla, ilamandla kulokuduma kwamanzi amanengi, lamavinqo olwandle.

AmaHubo 98:5

Dumisani iNkosi ngechacho, ngechacho langehubo elimnandi.

U-Eksodasi 19:16

Ngosuku lwesithathu sekusile, kwaba khona ukuduma lemibane leyezi elimnyama entabeni, kwezwakala ukukhala okukhulu kophondo; bonke abantu ababesemathenteni bathuthumela.

U-Eksodasi 20:18

Kwathi lapho abantu bonke besizwa ukuduma lokukhala kophondo, lalapho bebona imibane lokuthunqa kwentaba bathuthumela, bema khatshana;

U-Isaya 17:13

Izizwe ziduma njengamanzi amanengi, kodwa uNkulunkulu uzakuzikhuza zibaleke, zizaphephuka njengamakhoba aphetshulwa ngumoya ezintabeni, lanjengothuli olubangwa yisiphepha.

UHezekhiyeli 43:2

Inkazimulo kaNkulunkulu kaIsrayeli yavelela ngasempumalanga, lomdumo wokuza kwakhe wawunjengowamanzi amanengi, lomhlaba wakhanya ngenkazimulo yakhe.

UZakhariya 9:14

INkosi izabonakala ngaphezu kwabo, lomtshoko wayo uphazime njengombane; iNkosi uNkulunkulu izakhalisa uphondo, iphume ngezivunguzane zaseningizimu.

1 AbaseKhorinte 13:1

Loba ngingakhuluma ngendimi zabantu lezezithunywa, kodwa uba ngingelalo uthando, ngiyisigubhu esikhalayo lensimbi encencethayo.

Isambulo 1:10

Ngehlelwa nguMoya ngosuku lweNkosi, ngezwa ngemva kwami ilizwi elikhulu kungathi ngelophondo lisithi:

Isambulo 1:15

lenyawo zakhe zifana lethusi elikhazimulayo elihlanjululwe ngokutshiswa esithandweni somlilo, lelizwi lakhe lalinjengenhlokomo yamanzi amanengi.

Isambulo 11:12

Basebesizwa ilizwi elikhulu livela ezulwini lisithi kibo: Yenyukelani lapha. Basebesenyukela ezulwini ngeyezi, lezitha zabo zibabona.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

Isambulo 15:2

Ngabona okungathi lulwandle lwengilazi luxubene lomlilo, lalabo abasebesinqobile isilo lomfanekiso waso lesibalo sebizo laso bemi eceleni kolwandle lwengilazi, bephethe amachacho kaNkulunkulu.

Isambulo 18:22

Umsindo wabatshaya amachacho, lowabahlabeleli labatshaya imihlanga lezimpondo, kawusoze uphinde uzwakale phakathi kwakho; labaleminwe yokwenza imisebenzi kabasayikufunyanwa phakathi kwakho; lomsindo welitshe lokuchola kawusoze uphinde uzwakale phakathi kwakho;

Isambulo 5:8

Kuthe seliyithethe incwadi, izidalwa ezine eziphilayo labadala abangamatshumi amabili lane baziwisela phansi phambi kweWundlu, kuyilowo lalowo ephethe ichacho lemiganu yegolide igcwele impepha eyimikhuleko yabangcwele.

Isambulo 6:1

Ngasengibona lapho iWundlu livula olunye lwezimpawu eziyisikhombisa, ngezwa esinye sezidalwa ezine eziphilayo sisithi ngelizwi elidumayo: Woza!

Isambulo 8:7

Isithunywa sokuqala salukhalisa uphondo; kwasekusiba khona isiqhotho lomlilo kuhlanganiswe legazi, kwaphoselwa emhlabeni; kwathi ingxenye yesithathu yomhlaba yatsha lengxenye yesithathu yezihlahla, labo bonke utshani obuluhlaza batshiswa.