Isambulo 13:6 - iBhayibhili Elingcwele 1978

⁶ Savula umlomo waso ukuhlambaza uNkulunkulu, lokuhlambaza ibizo lakhe lendawo ahlala kiyo kanye labahlala laye.

IBhayibhili Elingcwele LesiNdebele

⁶ Savula umlomo waso ukuba sihlambaze uNkulunkulu lokuba sichothoze ibizo lakhe lendawo yakhe yokuhlala kanye lalabo abahlala ezulwini.

Isambulo 13:6 Iomraidhean Croise

UJobe 3:1

Emva kwalokho uJobe wavula umlomo wakhe, wathuka usuku lokuzalwa kwakhe.

AmaHubo 73:9

Bakhuluma okubi ngaye osezulwini, ngokuzigqaja balaya abantu.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 7:25

Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

UDanyeli 7:8

Ngisazikhangele impondo, kwaphuma olunye phakathi kwazo, oluncinyane; kwasekusitshunwa ezintathu ezokuqala ukulucentela indawo. Lwalulamehlo afana lawomuntu, lomlomo okhuluma amazwi okuzincoma.

UMatewu 12:34

Nzalo yezinyoka, lingakhuluma kanjani okuhle libabi na? Ngoba umlomo ukhuluma ngokugcwala kwenhliziyo.

UMatewu 15:19

Ngoba enhliziyweni kuvela imicabango emibi, lokubulala, lobufebe, lokuphinga, lokweba, lokufakaza amanga, lokunyeya.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

AbaseRoma 3:13

Umphimbo wabo uliliba elivulekileyo, bakhohlisa ngenlimi zabo; ubuhlungu bezinyoka busendebeni zabo,

AbaseKholose 1:19

Ngoba kwaba kuhle kuNkulunkulu ukuba ukuphelela konke kukaNkulunkulu kuhlale kiyo;

AbaseKholose 2:9

Ngoba kuhlala kuye ngomzimba ukuphelela konke kobuNkulunkulu;

AmaHebheru 9:2

Ngoba kwakhiwa ithente elokuqala elibizwa ngokuthi yiNdawo engcwele, okwakukhona kulo uluthi lwesibane letafula lezinkwa ezahlukaniselwe uNkulunkulu.

AmaHebheru 9:24

Ngoba uKristu kangenanga endaweni engcwele eyenziwe ngezandla, engumfanekiso waleyo eqotho, kodwa wangena ezulwini uqobo ukuba khathesi abonakale phambi kukaNkulunkulu ngenxa yethu;

Isambulo 11:12

Basebesizwa ilizwi elikhulu livela ezulwini lisithi kibo: Yenyukelani lapha. Basebesenyukela ezulwini ngeyezi, lezitha zabo zibabona.

Isambulo 12:12

Ngakhoke thokozani lina mazulu lani elihlalo kuwo. Kodwa maye kuwe mhlaba lakuwe lwandle! Ngoba uSathane wehlele kini elolaka olukhulu, esazi ukuthi isikhathi sakhe sifitshane.

Isambulo 15:5

Emva kwalokho ngabona, sekuvulwa ithempeli lethente lobufakazi,

Isambulo 18:20

Thokoza ngawo wena zulu, lani bangcwele labaphostoli labaprofethi; ngoba uNkulunkulu uwuthonisisile, waliphindisela.

Isambulo 21:3

Ngezwa ilizwi elikhulu livela esihlalweni sobukhosi lisithi: Khangela, indawo yokuhlala uNkulunkulu isebantwini; uzakuhlala labo, bazakuba ngabantu bakhe, uNkulunkulu uqobo uzakuba labo,

Isambulo 4:1

Emva kwalokhu ngakhangela, ngabona umnyango uvulekile ezulwini, lelizwi lokuqala engangilizwile likhuluma lami njengophondo, lathi: Yenyukela lapha, ngizakukutshengisa lokho okuzakwenzeka emva kwalokhu.

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.

Isambulo 5:13

Ngezwa konke okudaliweyo okusezulwini, lokusemhlabeni, lokungaphansi komhlaba, lokusolwandle, kusithi: Kuye ohlezi esihlalweni sobukhosi lakulo iWundlu kakube ukudunyiswa, lodumo, lobukhosi, lokunqoba, kuze kube nini lanini.

Isambulo 7:15

Ngakhoke baphambi kwesihlalo sobukhosi sikaNkulunkulu bemkhonza emini lebusuku ethempelini lakhe, lohleziyo esihlalweni sobukhosi uzakuhlala labo.

Isambulo 7:9

Emva kwalokhu ngakhangela, ngabona ixuku elikhulu elingelakubalwa muntu, elivela kuzo zonke izizwe, lakuyo yonke imihlobo, lakibo bonke abantu, lasezindimini zonke, limi phambi kwesihlalo sobukhosi laphambi kweWundlu, lambethe ingubo ezimhlophe, liphethe ingatsha zamalala ezandleni,