Isambulo 13:1 - iBhayibhili Elingcwele 1978

¹ Ngasengibona isilo sikhuphuka olwandle, silempondo ezilitshumi lamakhanda ayisikhombisa lemiqhele elitshumi empondweni zaso, kukhona lebizo eliyinhlamba emakhanda aso.

IBhayibhili Elingcwele LesiNdebele

¹ Ngabuya ngabona isilo siphuma olwandle. Sasilempondo ezilitshumi lamakhanda ayisikhombisa silemiqhele elitshumi phezu kwempondo zaso njalo ekhanda ngalinye kulebizo elihlambazayo.

Isambulo 13:1 Iomraidhean Croise

UJeremiya 5:22

Kalingesabi na? kutsho iNkosi. Kalithuthumeli phambi kwami na? Ngabeka itshebetshebe laba ngumkhawulo wolwandle, umkhawulo oqinileyo olungelakuwudlula; lanxa amavinqo etshayana angeweqe, lanxa ehlokoma, kawalakudlula phezu kwalo.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 2:41

Njengoba wabona inyawo lamazwane enziwe ngengxenye yebumba lombumbi lengxenye yensimbi, uzakuba ngumbuso odabukileyo phakathi. Kodwa ingxenye yawo izakwenziwa njengensimbi njengoba wabona insimbi ihlanganiswe lebumba elibuthakathaka.

Isambulo 11:7

Kuzakuthi sebebuqedile ubufakazi babo, isilo esiphuma emgodini ongelamkhawulo silwe labo, sibanqobe, sibabulale.

Isambulo 12:3

Kwabonakala esinye isibonakaliso ezulwini; kwaba khona umgobho omkhulu obomvu, olamakhanda ayisikhombisa lempondo ezilitshumi, lemiqhele eyisikhombisa isemakhanda awo;

Isambulo 13:11

Ngasengibona esinye isilo siphuma emhlabeni, silempondo ezimbili ezinjengezewundlu, sakhuluma njengomgobho.

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 13:15

Sanikwa futhi ukuba siwuphe umfanekiso wesilo umoya, ukuze ukhulume, senze ukuba bonke abangawukhonziyo babulawe.

Isambulo 15:2

Ngabona okungathi lulwandle lwengilazi luxubene lomlilo, lalabo abasebesinqobile isilo lomfanekiso waso lesibalo sebizo laso bemi eceleni kolwandle lwengilazi, bephethe amachacho kaNkulunkulu.

Isambulo 16:13

Ngabona kuphuma emlonyeni womgobho, lasemlonyeni wesilo, lasemlonyeni womprofethi wamanga, imimoya engcolileyo emithathu efana lamaxoxo.

Isambulo 17:16

Lempondo ezilitshumi ozibonileyo zona kanye lesilo zizakusizonda isiphingi; zizakusichitha sisale siyize, zidle inyama yaso, zisitshise ngomlilo.

Isambulo 17:3

Sangisa enkangala ngehlelwe nguMoya. Ngabona owesifazana egade isilo esibomvu, sigcwele amabizo enhlamba, silamakhanda ayisikhombisa lempondo ezilitshumi.

Isambulo 17:5

ebunzini lakhe kwakulotshiwe ibizo eliyimfihlakalo lokuthi: IBabiloni elikhulu, unina weziphingi lowamanyala wonke omhlaba.

Isambulo 19:19

Ngabona isilo, lamakhosi omhlaba lezimpi zawo zibuthanele ukulwa laye ogade ibhiza kanye lezimpi zakhe.