Isambulo 11:8 - iBhayibhili Elingcwele 1978

⁸ Lezidumbu zabo zizakusala zidindilizile emigwaqweni yomuzi omkhulu othiwa ngokomoya iSodoma leGibithe, lapho iNkosi yabo yabethelwa khona.

IBhayibhili Elingcwele LesiNdebele

⁸ Izidumbu zabo zizalala emgwaqweni wedolobho elikhulu okuthi ngokufaniswa libizwe ngokuthi yiSodoma leGibhithe lapho leNkosi yabo eyabethelwa khona esiphambanweni.

Isambulo 11:8 Iomraidhean Croise

UGenesisi 13:13

Abantu baseSodoma babebabi, besona kakhulu phambi kweNkosi.

UGenesisi 19:24

INkosi yasinisa phezu kweSodoma leGomora isolufa lomlilo, kuvela eNkosini ezulwini.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

U-Eksodasi 3:7

INkosi yasisithi: Impela ngibonile ukuhlupheka kwabantu bami abaseGibithe, ngizwile ukukhala kwabo ngenxa yabacindezeli babo; ngiyalwazi usizi lwabo;

U-Isaya 3:9

Ukubandlulula kwabo kuyafakaza ngabo; benza izono zabo obala njengeSodoma, kabazifihli. Maye kibo! Ngoba bazehlisela okubi.

UJeremiya 23:14

Kubaprofethi baseJerusalema ngibone okwesabekayo; bayafeba, baqambe amanga, baqinisa izandla zalabo abenza okubi kungasuki muntu ebubini bakhe; bonke sebefana leSodoma kimi, labakhileyo khona bafana leGomora.

UJeremiya 26:23

bamthatha uUriya eGibithe, bamletha enkosini uJehoyakimi, owambulalayo, lesidumbu sakhe wasiphosela endaweni yokungcwabela abantukazana.

UHezekhiyeli 16:46

Udadewenu omdala yiSamariya elalihlala lamadodakazi alo ngasenyakatho kwakho; lomnawakho owayehlala ngaseningizimu kwakho yiSodoma lamadodakazi alo.

UHezekhiyeli 16:49

Nanku ukona kukadadewenu iSodoma; lona lamadodakazi alo lalizigqaja, lisutha okunengi, lichelesile, kodwa kalibasizanga abayanga labaswelayo.

UHezekhiyeli 23:19

Kodwa wandisa ukuwula kwakhe, wakhumbula insuku zobutsha bakhe ezokuwula kwakhe elizweni laseGibithe,

UHezekhiyeli 23:27

Ngokunjalo ngizaqeda amanyala akho lokuwula kwakho owasuka lakho eGibithe, ukuze ungabe usakhanuka amaGibithe futhi, uwakhumbule.

UHezekhiyeli 23:3

Bawula eGibithe, bawula ebutsheni babo, babanjwa amabele abo lamathangazi abo.

UHezekhiyeli 23:8

Kakuyekelanga ukuwula kwakhe akwenza kusukela enzukwini zakhe eGibithe, ngoba ebutsheni bakhe amadoda alala laye, abamba amathangazi akhe, akholisa ukukhanuka kwawo kuye.

UHezekhiyeli 37:11

Yasisithi kimi: Ndoda, amathambo la anguIsrayeli wonke. Khangela, bathi: Amathambo ethu omile, lethemba lethu lilahlekile, sesiphelile.

uAmosi 4:11

Ngachitha abanye benu njengalokho uNkulunkulu achitha iSodoma leGomora, lalinjengesikhuni esophulwe eziko; kanti kaliphendukelanga kimi, kutsho iNkosi.

UMatewu 10:15

Ngiqinisile ngithi kini: Kuzakuba ngcono elizweni laseSodoma lelaseGomora ngosuku lokulahlwa kulakulowomuzi.

Imisebenzi 9:4

Wawela phansi, wezwa ilizwi lisithi kuye: Sawuli, Sawuli, ungizingelelani na?

AmaHebheru 13:12

Ngakho laye uJesu, ukuze enze abantu babe ngcwele ngegazi lakhe, wahlupheka ngaphandle kwesango.

AmaHebheru 6:6

kodwa emva kwalokho babuya bahlamuka, kakulakwenzeka ukuba babuye bavuswe baphenduke, lokhu besazibethelela iNdodana kaNkulunkulu beyithela ngehlazo obala.

2 UPhethro 2:6

Lemizi yaseSodoma laseGomora wayichitha ngokuyitshisa ngomlilo, eyenza ibe yisibonelo kulabo abeyisa uNkulunkulu.

UJuda 1:7

Ngokunjalo iSodoma leGomora lemizi yakhona eyenza ukuphinga njengazo, yazinikela enkanukweni ezingasizo zemvelo, yenziwa isibonelo ngokutshaywa ngomlilo ongapheliyo.

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Isambulo 11:9

Izinsuku ezintathu lengxenye yosuku abantu abavela emihlotsheni yonke lasezizweni zonke lasendimini zonke bazajolozela izidumbu zabo, bengavumi ukuba zingcwatshwe.

Isambulo 14:20

Isikhamelo sanyathelwa ngaphandle komuzi; kwaphuma igazi esikhamelweni, lakhula laze lafika ematomini amabhiza, lahamba amakhilomitha angamakhulu amathathu.

Isambulo 14:8

Salandelwa ngesinye isithunywa sesibili sisithi: Liwile, liwile iBabiloni elikhulu, elinathise izizwe zonke iwayini lolaka lokuphinga kwabo!

Isambulo 16:19

Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.

Isambulo 17:1

Kwasekusiza kimi esinye isithunywa sezithunywa eziyisikhombisa ezazilemiganu eyisikhombisa, sathi kimi: Woza lapha, ngikutshengise ukuthonisiswa kwesiphingi esikhulu esihlezi phezu kwamanzi amanengi,

Isambulo 17:18

Owesifazana ombonileyo ungumuzi omkhulu obusa phezu kwamakhosi omhlaba.

Isambulo 17:5

ebunzini lakhe kwakulotshiwe ibizo eliyimfihlakalo lokuthi: IBabiloni elikhulu, unina weziphingi lowamanyala wonke omhlaba.

Isambulo 18:10

Azakuma khatshana ngokwesaba ukuhlupheka kwalo esithi: Maye, maye kuwe muzi omkhulu waseBabiloni! Ngesikhatshana kufikile kuwe ukuthonisiswa kwakho.

Isambulo 18:18

bakhala bebona intuthu yokutsha kwalo besithi: Yiwuphi umuzi ofana lawo umuzi omkhulu na?

Isambulo 18:2

Samemeza ngelizwi elikhulu sisithi: Liwile, liwile iBabiloni elikhulu! Seliyindawo yokuhlala omoya ababi, indawo yokuhlala omoya bonke abangcolileyo lezinyoni zonke ezingcolileyo lezizondekayo;

Isambulo 18:21

Isithunywa esilamandla safukula ilitshe elinjengelokuchola, saliphosela olwandle sisithi: Ngokunjalo iBabiloni umuzi omkhulu lizakuphoselwa phansi ngamandla, lingabe lisafunyanwa.

Isambulo 18:24

Futhi kwafunyanwa phakathi kwakho igazi labaprofethi lelabangcwele lelabo bonke ababebulewe emhlabeni.