Isambulo 10:4 - iBhayibhili Elingcwele 1978

⁴ Kwathi imidumo eyisikhombisa isizwakele, ngasengizakuloba; kodwa ngezwa ilizwi livela ezulwini lisithi: Kwenze imfihlo okukhulunywe yimidumo eyisikhombisa, ungakulobi.

IBhayibhili Elingcwele LesiNdebele

⁴ Kwathi imidumo eyisikhombisa ikhuluma ngasengilungele ukuloba kodwa ngezwa ilizwi elavela ezulwini lisithi, “Vala lokho okutshiwo yimidumo eyisikhombisa njalo ungakulobi.”

Isambulo 10:4 Iomraidhean Croise

U-Isaya 29:11

Yonke imibono yabaprofethi isibe njengencwadi enanyekiweyo, enikwa owazi ukubala, kuthiwa: Bala lokhu; yena athi: Ngingekubale, ngoba kunanyekiwe.

U-Isaya 8:1

INkosi yasisithi kimi: Thatha ilitshe eliyisibhebhedu, ulobe kilo ngamabala alula ukuthi: Maherishalali‐Hashibazi,

U-Isaya 8:16

Abafundi bami kabagoqe umqulu wobufakazi, banameke imfundiso yami.

UDanyeli 12:4

Kodwa, wena Daniyeli, vala amazwi, unameke incwadi, kuze kube sesikhathini sokuphela. Abanengi bazazula baye le lale, lobubi buzabalokhu busanda.

UDanyeli 12:9

Wathi: Hamba kuhle, Daniyeli, ngoba amazwi avaliwe, ananyekwa kuze kube yisikhathi sokuphela.

UDanyeli 8:26

Umbono wezikhathi zokuhlwa lezokusa osulandisiwe uliqiniso. Kodwa kawube yimfihlo, ngoba ungowensuku ezinengi ezizayo.

UDutheronomi 29:29

Izimfihlakalo zingezeNkosi uNkulunkulu wethu, kodwa izinto ezambuliweyo zingezethu lezabantwana bethu kuze kube nininini, ukuba sigcine wonke amazwi alumlayo.

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 1:19

Ngakhoke loba okubonayo okukhona lokuzakwenzeka emva kwalokhu.

Isambulo 10:8

Ilizwi engalizwa livela ezulwini lakhuluma lami futhi lathi: Hamba uyethatha incwadi evulekileyo esesandleni sesithunywa esimi phezu kolwandle laphezu komhlabathi.

Isambulo 22:10

Sathi kimi: Ungawenzi imfihlo amazwi esiprofethi alotshiweyo kulincwadi, ngoba isikhathi siseduze.