Bìoball air-loidhne

Matsiyù 3:2 - Bible Dzùùngoo Unicode

² À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

Faic an caibideil Dèan lethbhreac

« Roimhe

dol air ais ⬆

Air adhart »

Matsiyù 3:2
61 Iomraidhean Croise

Matsiyù 10:7

E bekɔɔn, y'a gbango fa beè, ci Ŋaablà re Màsàbee fa waatsi tsyɛnbeò.

Faic an caibideil

Àyìwà Yesù kabagoo goo giri fau wɔ̀ nìì reè doùn, è wɔ̀ùndzin neè to na e tsiì yè e re jaamabee fau'n kur'la lakere yè e tsiì Ŋaablà ra waa, Yesù yè e maa, è ɲinìnma dèe twɛy wɔ̀ùndzin neè rà.

Faic an caibideil

Matsiyù 12:41

Tsìɛ̀ sii sèè, Ninivuka reè nà fù, yè kitsi mɛɛy ɲe re she raa mòdzian tsɛ. Tɔ nà fa, kàtsu kɛɛra Yonasì rè waajibia kamà, Ninivuka reè yè e tsiiŋ yè sèè bo gooɲaan kpɛyn, yè e re jaamabee fau'n kur'la lakere. Tɔ̀ to y'à tàrà mòo ni mìin, nìi blà kɛɛra Yonasì mà.

Faic an caibideil

Matsiyù 13:11

Yesù ci è ra ci: «Mun tɔ̀ faa, kàtsu e Ŋaablà re Màsàbee gòndoo tɔ̀, tɔ̀ twɛ̀ɛ siɔ̀n ye rìì là. Ŋà dzyee rèè, à na siɔ̀n twɛy rà waa.

Faic an caibideil

Matsiyù 13:24

Àwà, Yesù yè gooma bɔɔ kpɛrɛ dè è ra kɔn ci: «Ŋaablà re Màsàbee boo goo nìi kaatsi re, tɔ̀ rii siin: À ni a ci kpiri sɔn, nìi shìmàndzin wuu sɛun e re dzù rɔ̀n.

Faic an caibideil

Matsiyù 13:31

È gooma bɔɔ soo kpɛrɛ dè è ra kɔn ci: «Jìrànxɔɔ̀ Màsàbee boo kaanindzin ne, mòo nìi seun è b'a sì e re dzù rɔ̀n.

Faic an caibideil

Matsiyù 13:33

È gooma bɔɔ soo de è ra kɔn ci: «Jìrànxɔɔ̀ Màsàbee boo buru fua gè rè, taàn sɔn nìi seun, à y'à ji faaniin fa giri ɲan, à y'à guu. Buru fua gè rèe yè faaniin fa guuŋma rèe sapɛ fu.»

Faic an caibideil

Matsiyù 13:47

Yesù ci kɔn: «Ŋaablà re Màsàbee boo ji kuan yɔ̀ sa re. À maaŋmaà yu rɔ̀n, à ji kaatsià sapɛ kuàn.

Faic an caibideil

Matsiyù 13:52

È dzin è ra ci: «Tɔ̀ kamà, Sàrìryà Kaamoo ge o ge ye ba Jìrànxɔɔ̀ Màsàbee doùn kàràndzin, tɔ bàa boo gbàtsi re, nìi gè ye ì ko gè bɔrɔɔ ì sa boò e re nàfòrò marama nɔ̀n.»

Faic an caibideil

Matsiyù 18:23

Tɔ̀ kamà, Ŋaablà re Màsàbee boo nìi bosi, tɔ̀ rii siin: À ni a ci màsà kpiri sɔn, nìi sàò na ni à re wò yeè e re nàfor'la jàtsi kun e re faagoofadzin neè ka, yè bà ni e vu ra tsìɛ̀ sàrà.

Faic an caibideil

Matsiyù 20:1

Àyìwà Yesù yè gooma bɔɔ sɔn ka tàlen ban kɔn, nìi yɛ nèe ci: «Àwà Ŋaablà re Màsàbee boo dzùtsi sɔn ne, nìi bou gbishɛɛ̀mà nɔ̀n, è bè faagoofadzin ì gaa, ci yè bè faagoo fa wò re ɛ̀rɛ̀nzhɛ̀ndzu rɔ̀n.

Faic an caibideil

Matsiyù 22:2

«Ŋaablà re Màsàbee boo màsà kpiri sɔn ne, nìi na nà furu fa e dzin kpir'la kɔ̀.

Faic an caibideil

Matsiyù 23:13

Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.

Faic an caibideil

Matsiyù 25:1

Àyìwà, Yesù yè nèe gooma bɔɔ rèe ka tàlen ban è re kɔn. À ci: «Ŋaablà re Màsàbee goo rèè nà bà a ci canguru mokun tsyeùn nèe raa goò kaatsi. Yè e re fìtsina rèè seun fene rɔn, yè bo ci ye bèe kɔnɲɔn kpiri kuuntsima nɔ̀n.

Faic an caibideil

Matsiyù 25:14

«À ni a ci nèe kpir'lee raa goò kaatsi. À ci e ye bè jìì rà, è re jòn nèè kiri, è suun nafor'la goojaa wɔ to è suun.

Faic an caibideil

Matsiyù 4:17

Àwà Yesù yè e maaŋ tɔ̀ rii ɲàn, è waajibia faa è dziàn mòdzian nà ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

Faic an caibideil

Matsiyù 4:23

Àwà, Yesù na tsyeere beè Galile mar'la min niì sapɛ, è mòdzian kàràn beè è re ŋaablabegba rèè doùn. À Ŋaablà re Màsàbee kùnàgoo dziɔ̀ dè beè, è mòdzian rè ɲìn'nèè kuan sapɛ cɛrɛmabeè, ko è byɛnma rèè sapɛ, jàmaà fi.

Faic an caibideil

Matsiyù 5:10

Nìì reè xɔn bìiŋnà terenbee yè bà saabu, twɛy raa wùbeu, kàtsu, Ŋaablà re Màsàbee twɛy rìì laa.

Faic an caibideil

Matsiyù 5:3

«Nìì reè y'à jàa ye gbaɔ̀ Ŋaablà kajaa tsɛ, twɛy raa wùbeu, kàtsu Ŋaablà re Màsàbee twɛy rìì laa.

Faic an caibideil

Matsiyù 6:10

M'a gaa wo re Màsàbee yè jàà mùn tsɛ. Wo sàɔ faa nìi tsuru jìrànxɔ rɔ̀n, è fa tà tsuru dzɔ̀nxɔɔ̀ sa tsɛ.

Faic an caibideil

Matsiyù 6:33

Ye Ŋaablà re Màsàbee ko à re terenbee rìì gaa ŋe. Tɔ̀ ye fa, twɛy gè rèè sapɛ nà sìn ye ra, è bà twɛy tɛ̀y.

Faic an caibideil

Marikì 1:15

À na dziàn ci: «Ŋaabla waatsi riì kpàdèu, tɔ̀ dzii tsyɛun, à re Màsàbee waatsi to tsyɛnbeò. Ye e tsiì e re gooɲaan nà, ye e re jaamabee fau'n kur'la lakere, ye ɲɛn Kùnàgoo Dziɔ̀ rà.»

Faic an caibideil

Marikì 1:4

Àwà twɛy gooma reè dèu mòò riì tsɛ, tɔ̀ yeè bà mòdzìn Jààràfoobaa Yùxanà, tɔ̀ yeè e kungɔ bo jènjàà kor'nà doùn. È waajibia faa, ci mòdzian yè e re jaamabee fau'n kur'la lakere, y'à to è jaara yeè fòò Ŋaablà re shia goo rèè rà, è re gooɲaantsiɛ yè bà ni mɛɛy bo è vu ra.

Faic an caibideil

Marikì 6:12

Àwà kàràndzin neè yè bè tɔ̀un, yè bè à gbango mòdzian nà, yè bà ni e re jaamabee fau'n kur'la lakere.

Faic an caibideil

Lukì 1:16

À nà à fa Isirayɛlì mòdzin neè giri yè sèè na e Tsifa Ŋaablà kpɛyn.

Faic an caibideil

Lukì 11:20

Mun to ye ba kwey rèè kaa boò mòdzian kpɛyn Ŋaablà faan nì baraka ɲan, tɔ̀ y'a kpàdèe, ci Ŋaablà re màsàbee dziu ye tsɛ.

Faic an caibideil

Lukì 13:3

À na tɔ̀ dɛ, m'a dè e ra. Ye ma seè bo gooɲaan kpɛyn, ye yè e re jaamabee fau'n kur'la lakere, ye sapɛ sa nà san tɔ̀ rii tsuru.»

Faic an caibideil

Lukì 13:5

À na tɔ̀ dɛ, m'a dè e ra. Ye ma seè bo gooɲaan kpɛyn, ye yè e re jaamabee fau'n kur'la lakere, ye sapɛ sa nà san tɔ̀ rii tsuru.»

Faic an caibideil

Lukì 15:10

Àwà, tɔ̀ fau'n kuru soo rà, mun nì ci e ra, mòò sɔn dzin soo ye seè bo e re gooɲaan kpɛyn, è re jaamabee fau'n kur'la lakere, Ŋaablà re mɛ̀rɛ̀kɛ rèè taamadzibe brìsi rìì faa tà tsìfa tsoo ra.»

Faic an caibideil

Lukì 15:7

Àwà, tɔ̀ fau'n kuru soo rà, mun nì ci e ra, mòò sɔn dzin soo ye seè bo e re gooɲaan kpɛyn, è re jaamabee fau'n kur'la lakere, taamadzibe brìsi rìì faa tɔ̀ tsìfa soo tsoo ra Ŋaablà re mɔn jìran nɔ̀n. Mòkun cɛɛ̀n ko teeŋ kyeèron nìi ni, twɛy yè bà à jàa, ci ye tereòn, è taa na ni à mà, ye yè sèè bo e re gooɲaan kpɛyn, yè e re jaamabee fau'n kur'la lakere waa, tɔ̀ tsuru taamadzibe na faa twɛy tsoo ra waa.»

Faic an caibideil

Lukì 16:30

Nàfòròtsià yè dzin ci: "Mun fà Ibraximà, twɛy raa gooma reè bàsɔùn fa à wùbe waa. Mòdzin saunmaà sɔn ni fùn ye kpunan, è bè è kpɛyn, tɔ̀ rii nà à to yè nimisa, yè e re jaamabee lakere."

Faic an caibideil

Lukì 21:31

Tɔ̀ soo tsuru, e ye na twɛy goo rèè fakɔɔn ja waatsi riì bwèy, ye bà à tɔ̀, ci Ŋaablà re màsàbee fa waatsi tsyɛnbe naɔ.

Faic an caibideil

Lukì 24:47

Waajibia yè fa à tsoò ka, sànko dziɲantsiɛ mòdzian sapɛ yè sèè bo e re gooɲaan neè kpɛyn, yè e re jaamabee fau'n kur'la lakere, è re gooɲaan tsìɛ̀ yè mɛɛy bo è vu ra. Tɔ̀ waajibi ree wù à dzii yè kun Yerusalɛmùn wɔ̀ rɔ̀n.

Faic an caibideil

Lukì 6:20

Tɔ̀ ɲan, Yesù yè e jaà ɲansen, è re kàràndzin neè siin, è dzin è ra ci: «Ye nìì reè gbakɔɔn reè, ye raa wùbeu, kàtsu, ye nìn ni Ŋaablà re màsàbee ɲàn.

Faic an caibideil

Lukì 9:2

Tà shɔ̀ùn à yè è ka, ci yè bè waajibia fa, yè Ŋaablà re Màsàbee Kùnàgoo Dziɔ̀ dè mòdzian nà, yè ɲìnìnkɔɔn reè sa cɛrɛmabe.

Faic an caibideil

Kɛɛradzin neè faadziɛ 11:18

È dziu twɛy gooma reè myɛ̀n Piyɛrì dzu min niì, tɔ̀ yeè è vunun cin. Yè blàbe ɲɛn Ŋaablà tsɛ, yè dzin ci: «À sààben taki, nìì reè na Dzyèèsìbee mòdzin ì waa, twɛy nà dzi seè bo gooɲaan kpɛyn, yè e re jaamabee fau'n kur'la lakere nìi tsuru, yè jaamabe takia tàrà, Ŋaablà yeè e tsiiŋ tɔ̀ ra twɛy rè.»

Faic an caibideil

Kɛɛradzin neè faadziɛ 17:30

Àwà, mòdzian twɛy goo nìì reè sapɛ fa dɔun, è to naà à tɔ̀ ye nìi faa waa, Ŋaablà na è kpɛyn kaà tɔ̀ pɛn ka dɛ. Ŋà dòònuùn, è bè min niì sapɛ, à y'à gaa mòdzian sapɛ re, yè sèè bo twɛy goo kaatsi rèè kpɛyn, yè e re jaamabee fau'n kur'la lakere.

Faic an caibideil

Kɛɛradzin neè faadziɛ 2:38

Piyɛrì yè dzin è ra ci: «Ye sèè bo e re gooɲaan neè kpɛyn, ye e re jaamabee fau'n kur'la lakere, y'a to yè e jaara foò Ŋaablà re shia goo rèè rà Ŋaablà Jaara Moo Yesù tsoò ka, e re gooɲaan tsìɛ̀ yè mɛɛy bo e vu ra. Tɔ̀ ye fa, Ŋaablà re Dzi Fɛnɛɛ nà jàà ye tsɛ,

Faic an caibideil

Kɛɛradzin neè faadziɛ 20:21

Dzyèèsìbee mòdzin sen ɲɛn kun kpɛrɛ mòdzin ì tsɛ, min vu bou è sapɛ ra, n ci yè e re jaamabee fau'n kur'la lakere Ŋaablà ka, yè ɲɛn mùn Tsìfa Yesù rà.

Faic an caibideil

Kɛɛradzin neè faadziɛ 26:20

Mun Dàmasì wɔ̀ùndzin neè rìì kɔ̀ɔ̀nma toro kɔ̀u à goomaa nà ŋe. Tà shɔ̀ùn, min Yerusalɛmunka reè toro kɔ̀, min Yude mar'la mòdzian sapɛ toro kɔ̀, min kòmànà kun kpɛrɛ mòdzin neè toro kɔ̀. Mun na dziàn è ra, ci yè e re jaamabee fau'n kur'la lakere, yè e tsiì Ŋaablà ra. Yè goo ì fa, nìì y'à kpàdèe, ci è re jaamabee fau'n kur'la lakereu n dzi.

Faic an caibideil

Kɛɛradzin neè faadziɛ 3:19

Dòònuùn, ye sèè bo e re gooɲaan neè kpɛyn, ye e re jaamabee fau'n kur'la lakere, ye sèè na Ŋaablà ra, sànko e re gooɲaan tsìɛ̀ yè mɛɛy bo e vu ra.

Faic an caibideil

Korɛntsika reè fiiraa 7:10

È ɲɛn à tsɛ, taamaŋununbe rìi Ŋaablà sao, tɔ nàa làkere ka jaamabee doùn, è bà saabu e tsi. Nimisa na ni tɔ̀ taamaŋununbeè ɲàn waa. Ŋà dziɲaan raa taamaŋununbeè, tɔ nàa san nì ka.

Faic an caibideil

Kolosika reè 1:13

À mùn tsi bou tsitsiɛ̀ fàan suun, è bè mùn ka e Dzin Kpiri kɛniunmaà rè màsàbee gàne rɔ̀n,

Faic an caibideil

Tsìmotè fiiraa 2:25

Sɔ̀swɛ̀y fa reè, è twɛy kàràn ko vununmacin ka. Gè sɔ̀n ge Ŋaabla dzia cinan è mà, yè e re jaamabee lakere, yè sààbeen tɔ̀.

Faic an caibideil

Dzyèèsìbee mòdzin neè 6:1

Àwà, tɔ̀ gàneè doùn, goo jɔna niì reè kàraun mùn na, Ŋaablà Jaara Moò raa goò tsɛ, mùn mà to tsùù tɔ̀ ra dɛ waa, ŋà, mìn bè jɔun, mìn bà ni mɔunma tàrà à ɲan, a ci mòòbɔɔ. Goo jɔna niì reè y'à dzunbamaà, n mà sèè twɛy tsɛ kpɛrɛ dɛ. Twɛy goo rèè rìì siin: E sèè bo fabɛy goo reè kpɛyn, e ɲɛn Ŋaablà ra.

Faic an caibideil

Piyɛrì fiiraa 3:9

Tsìfaà yè e re làyir'là bo e shi tsɛ, à na ciɔ̀n tɔ̀ faa ka a ci swey y'à kɛ̀sɛɛ̀ nìi tsuru waa. Ŋà è mɔɲɔɔ̀n ye kàjaa tsɛ rìì kàtsu à sàò na ni mòò pɛn yè bara waa, ŋà mòdzian sapɛ yeè nimisa rìì, yè e re jaamabee fau'n kur'la lakere.

Faic an caibideil

Goo kpàdèuma rèè 2:21

Mun to waatsi siɔ̀n à ra, è bà ni nimisa, è làkere dɔn e re jaamabee doùn. Arì she, à sàò to na ni è nimisa è re ɲànmɔ̀ɔ̀bee dziibà waa.

Faic an caibideil

Goo kpàdèuma rèè 2:5

Wo mɛɛy bou min niì, a taa to tɔ̀ re, e nimisa, e làkere dɔn a re jaamabee doùn. A na nìi faa bɔrɔɔ, e sèè tɔ̀ kpɛyn. Àwà, a ma nimisa, e làkere dɔn a re jaamabee doùn, n naà nà a kpɛyn, min nà a re fìtsìnà gee sen bo e gane rɔ̀n.

Faic an caibideil

Lean sinn:

Ceanglaichean taic

Sanasan

Matsiyù 3:2 - Bible Dzùùngoo Unicode

Matsiyù 3:261 Iomraidhean Croise

Matsiyù 3:2
61 Iomraidhean Croise