Matsiyù 10:3 - Bible Dzùùngoo Unicode

³ Tà shɔ̀ùn Fìlipù yè gban, ko Batelemin, ko Tomà, ko Matsiyù, tɔ xɔnsɔɔntsibaa, ko Àlifù raa dzin kpiri Yàkubà, ko Tadè,

Matsiyù 10:3 Iomraidhean Croise

Matsiyù 18:17

À ye e nɔn ci wò fa twɛy tsu raà myɛ̀n, à dè ɲɛynamoo kur'là rà. À maa e tsiì è ɲɛynamoo kur'là tsu raa myɛ̀n, tà bwèy à jàtsi kun Ŋaabla tɔ bɛy, tàmafa xɔnsɔɔntsibaa.

Matsiyù 27:56

Twɛy tàan rèè ɲàn, Mariyamùn, Màngàdàràkà taàn na ni, Yàkubà ko Yusufù na Mariyamùn ni, Zhebedè dzin kpiri fii rèè naà yè bà ni.

Matsiyù 9:9

Àyìwà, Yesù bou mɔn tɔ̀un, à dɔ̀n bokɔɔn min sɔn, è xɔnsɔɔntsibaa sɔn tsuuŋma jà xɔnsɔɔntsigbaà doùn, tɔ̀ tsoo Matsiyù. È dzin à ra ci: «A gban n kpɛyn.» Tɔ̀ yeè fù, è gban à kpɛyn.

Marikì 15:40

Tɔ̀ y'a tàrà, tàan rèè swey sa na tsìiŋnà jeenà, yè bà siin faa. Twɛy tàan rèè ɲàn, Mariyamùn, Màngàdàràkà taàn na ni, Yàkubà dzininmaà ko Yosè na Mariyamùn ni, ko Salome.

Marikì 2:14

À dɔ̀n bokɔɔn tɔ̀un, è xɔnsɔɔntsibaa sɔn tsuuŋma jà xɔnsɔɔntsigbaà doùn, tɔ̀ tsoo Lɛvì, à fàà tsoo yè bà Àlifù. È dzin tɔ̀ ra ci: «A gban n kpɛyn.» Tɔ̀ sa yeè fù, è gban à kpɛyn.

Marikì 3:18

Andère yeè ɲɛn è tsɛ, ko Fìlipù, ko Batelemin, ko Matsiyù, ko Tomà, ko Àlifù raa dzin kpiri Yàkubà, ko Tadè, ko Kanaaninka kpiri Shimɔ̀n, fàtsiɛ kùùnkààfabaà,

Lukì 18:10

«Kpiri fii bèu Ŋaablà re gbà blàa doùn, yè bè Ŋaablà mafyɛ̀n. Twɛy kpiri fiɛ̀ ɲàn, soo na Faridziɲɛn, soo yè bà na xɔnsɔɔntsibaa.

Lukì 18:11

Faridziɲɛn kpir'là, è bè e tsiì e san tsɛ, è Ŋaablà mafyɛ̀ɛn e duùn nèe tsuru ci: "Ŋaablà, n ne tswɛ̀y ni a re, kàtsu, mun na ni a ci mòdzìn dzyee reè tsuru waa. Twɛy nìì reè shɔnbeè faa, è gooɲaan faa, yè bà ɲànmɔ̀ɔ̀bee faa. N ne tswɛ̀y yeè bà ni a re, kàtsu, mun na ni a ci nèe xɔnsɔɔntsibaa rèe tsu waa.

Lukì 18:13

Xɔnsɔɔntsibaa rà, tɔ̀ yeè bè e tsiì è dan gbànbe. À kùngɔ sùùruumaà ni, arì à na e jaà ɲanseen, è siin fa jìran kèrè tsu waa. À kpɛ̀yn ni nìi rà, à jaakɔrɔun kùunma nì yè e ɲiɛ̀ ban baan, è dziàn ci: "Ee, Ŋaablà, mun wo màfyɛ̀ɛn, wo yè màtsuru mun na, kàtsu, gooɲaan tsìɛ̀ ni mun vu ra."»

Lukì 19:2

Kpiri sɔn na ni tà wɔ̀ rɔ̀n, tɔ̀ tsoo yè bà na ci Zakè. Àwà, Zakè na xɔnsɔɔn tsi reè kùntsii rìì, è bà na gètsi sa.

Lukì 5:27

Àyìwà twɛy goo rèè sapɛ shɔùn, Yesù yè bo mɔn, è dɔ̀n be. À dɔ̀n bokɔɔn, è xɔnsɔɔntsibaa sɔn ja, tɔ tsùuŋnà xɔnsɔɔntsigbaà doùn. Tɔ̀ kpir'la tsoo na Lɛvì. Tɔ̀un, Yesù yè dzin Lɛvì rà ci: «A gban n kpɛyn, e bà mun ne kàràndzian sɔn.»

Yùxanà 1:48

Natanayɛlì y'à tey ci: «Wo mun tɔu dzùrù ?» Yesù yè dzin à ra ci: «È wo to fiigikuà dzuun, sani Fìlipù yè bè wo kiri, mun jaa na ni wo ra mɔn.»

Yùxanà 11:16

Tɔ̀un, Yesù rè kàràndzin niì tsoo ci Tomà, yè bà à kir'là sa, ci fìrìkàmaa, tɔ̀ yeè dzin e koòsi kàràndzin neè rà ci: «Mùn sa y'a wa, mìn bè san à ka.»

Yùxanà 14:22

Yesù rè kàràndzin neè ɲàn, nìi tsoo Yudè, è bà e si Sikariyɔtsì rà, tɔ̀ yeè dzin Yesù rà ci: «Tsìfaà, fee y'à to, wo nà a yɛrɛ kpadè ɲe bàsɔùn nì nà, wo fa a yɛrɛ kpadè dziɲan na waa ?»

Yùxanà 14:5

Yesù rè kàràndzin neè ɲàn, nìi tsoo Tomà, tɔ̀ yeè dzin à ra ci: «Tsìfaà, wo bèe min niì, ɲe na tɔ̀ tɔ̀ waa, shi niì to bèe mɔn, ɲe nà tɔ̀ tɔ̀ dzùrù ?»

Yùxanà 14:9

Yesù yè dzin à ra ci: «Fìlipù, she na mun bà ye ka, arì she wo na mun tɔ̀ ŋe o ? Mòò riì mun jàu, tɔ Fà Ŋaablà rii jàu. Wo dzia dzin dzùrù kɔn ci: "Fà Ŋaablà kpadè mùn na ?"

Yùxanà 21:2

Shimɔn Piyɛrì tà ko Tomà, tɔ̀ niì kir'là fìrìkàmaa ko Natanayɛlì è bo Kanà wɔ̀ rɔ̀n, Galile mar'la ɲàn, ko Zhebedè raa dzin kpir'leè ko kàràndzin fii kpɛ̀rɛ̀kuru ì twɛy sapɛ na ni esire.

Kɛɛradzin neè faadziɛ 1:13

È nàu wɔ Yerusalɛmùn, è dɛ̀rɔɔ̀n yè e si ladzyee sangaso nìi doùn, yè bè dɔ̀n mɔn. À na Piyɛrì, ko Yùxanà, ko Yàkubà, ko Andère, ko Fìlipù, ko Tomà, ko Batelemin, ko Matsiyù, ko Àlifù raa dzin kpiri Yàkubà, ko Shimɔ̀n, nìi kir'là ci Zhèlɔtsì fàtsiɛ kùùnkààfabaà, tɔ̀ yeè kòmànà ɲɛn Yàkubà raa dzin kpiri Yudè tsɛ.

Kɛɛradzin neè faadziɛ 12:17

Tà doùn, Piyɛrì yè e si ŋààn è ra, ci yè e mɛnshɛ̀n. Tà shɔ̀ùn, mùn Tsìfaà y'à bou nìi tsuru kàsoò doùn, è tɔ̀ sapɛ lakɛ̀ɛ̀y è ra. Yàkùbà tsoo kpɛrɛ nìi ni, è dzin, ci yè tɔ̀ ko kàràndzìn dzyee reè sapɛ toro kɔ̀ tɔ̀ goomaa nà. Tà shɔ̀ùn, è bo mɔn, è dɔ̀n be min kpɛrɛkuru.

Kɛɛradzin neè faadziɛ 15:13

Àwà, Polì ko Barinabasì nàu dò goomaa nà waatsi riì bwèy, Yàkubà yè goomaa sen tɔ̀un. À ci: «N neema ì, dòònuùn ye e toro wɔ n ne !

Kɛɛradzin neè faadziɛ 21:18

Tɔ̀ raa gbee, Polì yè bè ɲe ka Yàkubà rè gàne rɔ̀n. Àwà, ɲɛynamoo kur'là bɔɔ rèè, twɛy sa yeè bè e ladzyèè mɔn.

Galatsika reè 1:19

Ŋà mun na kɛɛradzin kpɛrɛ jà mɔn Tsìfaà tseyn kpiri Yàkubà tɛ̀y waa.

Galatsika reè 2:9

Àwà Yàkubà, ko Piyɛrì, ko Yùxanà, twɛy nìì reè jàtsi kuɔn ɲɛynamoo kur'là tsindzin neè, twɛy Ŋaablà ɲanwùɔ tɔ̀u mun kàjaa tsɛ. Tà doùn, yè si wɔ mun ko Barinabasì suun dzyèèsìbe tàànmàshɛn, ɲe yè bà ni faagoò fa kun kpɛrɛ mòdzin neè fi, ye y'à fa Dzyèèsìbee mòdzin neè fi.

Yàkubà 1:1

Mun Yàkubà, Ŋaablà ko Tsìfa Yesù Kirisà rè jòn kpir'là, nèe mun ne sɛbɛn, m'a ka Isirayɛlidzin neè kun teeŋ fiɛ̀ rè, è gè o ge jee jiɔ̀ dziɲantsiɛ doùn. N ne tswɛy ni è re.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.