ପ୍ରକାସିତ୍‌ 9:2 - ବ୍‌ଡ଼୍ ହ୍‌ର୍‌ଜା ବାଇବଲ

² ସେ କ୍‍ରାପ୍ ଦୂତ୍ ହାତାଳ୍ କୁଣ୍ଡାର୍ ହୁର୍‌ତା ବାଟ୍ ଉଗାଡ୍‌ଲା ମାଡେ ଜୟ୍ ବ୍‌ଟିଏ ହ୍‌ଣି ଦୁଆଁ ବାର୍‌ଲା ହର୍ ସେ ହାତାଳ୍ କୁଣ୍ଡେ ହ୍‌ଣି ଦୁଆଁ ବାର୍‌ଲି। ସେ ଦ୍ବାରା ବେଳ୍ ଆର୍ ଆକାଶ୍‌ ଅନ୍ଦାର୍ ଅଇଗ୍‌ଲି।

ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

² ସେ ହଃତାଳ୍‌ ଉଗାଳ୍‌ଲା ଦାହ୍ରେ ସେତିହୁଣି ବଃଡ୍‌ ବଃଟିର୍‌ ଜୟ୍‌ଦୁଆଁ ହର୍‌ ଦୁଆଁ ଉଟ୍‌ଲି, ଆର୍‌ ସେ ହଃତାଳାର୍‌ ଦୁଆଁର୍‌ ଗିନେ ବେଳ୍‌ ଆରେକ୍‌ ଅଃଗାସ୍‌ ଅଃନ୍ଦାର୍‌ ଅୟ୍‌ଲି ।

ପ୍ରକାସିତ୍‌ 9:2 Iomraidhean Croise

ପେରିତ୍‌ 2:19

ମୁଇ ଆକାଶେ ବିନ୍‌ବିନ୍ ଚାନିଆକାମ୍‍ ଦ୍‌କାଇନ୍ଦ୍। ଆରେକ୍‌, ହୁର୍‌ତିବି ତ୍‌ଇ ବିନ୍‌ବିନ୍ ଚିନ୍ ଦ୍‌କାଇନ୍ଦ୍, ଆର୍ ମାରାମାରି ହୁଜାହୁଜିର୍ ବ୍‌ନି ଆର୍ ଜୟ୍ ଦୁଆଁ ଅଉତାର୍ ହୁର୍‌ତିବିର୍ ଲକ୍‍ମ୍‍ନ୍ ଦ୍‍କ୍‌ତି।

ପ୍ରକାସିତ୍‌ 14:11

ସେମ୍‌ନ୍‌କାର୍ କ୍‌ଷ୍ଟାର୍ ଦୁଆଁ ସ୍‌ବୁବ୍‌ଳାର୍ ହାଇଁ ବାର୍‌ତେ ର୍‌ଇଦ୍। ସେମ୍‌ନ୍‌କେ କ୍‌ଷ୍ଟେ ହ୍‌ଣି ଦିନ୍‍ରାତି କ୍‌ବେ ହେଁ ଆରାମ୍ ମିଳିନ୍‌କେରେ, କାଇତାକ୍ ସେମ୍‌ନ୍ ସେ ପଶୁକେ ଆର୍ ତାର୍ ମୁର୍‌ତିକେ ହୁଜା କ୍‌ରିଆଚ୍‌ତି ଆର୍ ତାର୍ ନାଉଁର୍ ଚିନ୍ ରୁପ୍ ଦ୍‍ରି ଆଚ୍‌ତି।”

ପ୍ରକାସିତ୍‌ 16:10

ହାଁଚ୍ ଲ୍‌ମବ୍‌ର୍ ଦୂତ୍ ତାର୍ ଗିନା ସେ ପଶୁର୍ ରାଜ୍‌ଗାଦି ଉହ୍‍ରେ ଡାଳ୍‌ଲା। ଇତାର୍ ଲାଗି ସେ ପଶୁର୍ ରାଇଜ୍ ଅନ୍ଦାର୍ ଅଇଲି। ଆର୍ ଲକ୍‍ମ୍‍ନ୍ ବେସି କ୍‌ଷ୍ଟ୍‌ ଦ୍‍କୁ ନ୍‌ହାରି ନିଜାର୍ ଜିବ୍ ଚାବି ଅଇଲାଇ।

ପ୍ରକାସିତ୍‌ 8:12

ଜ୍‌ଡେବ୍‌ଳ୍ ଚାରି ଲମ୍‌ବର୍ ଦୂତ୍ ମରି ହୁକ୍‌ଲା, ତିନ୍‌ବାଗ୍ ହ୍‌ଣି ଗଟେବାଗ୍ ବେଳ୍, ତିନ୍‌ବାଗ୍ ହ୍‌ଣି ଗଟେବାଗ୍ ଜନ୍ ଆର୍ ତିନ୍‌ବାଗ୍ ହ୍‌ଣି ଗଟେବାଗ୍ ତାରାମ୍‌ନ୍ ମାଡ୍ ଆଇ ନ୍‌ଷ୍ଟ ଅଇଲି। ସେତାକ୍ ସେମ୍‌ନ୍‌କାର୍‌ ବିତ୍‌ରେହ୍‌ଣି ତିନ୍‌ବାଗ୍ ହ୍‌ଣି ଗଟେବାଗ୍ ଅନ୍ଦାର୍ ଅଇଗ୍‌ଲି। ଦିନ୍ ଆର୍ ରାତିର୍ ତିନ୍‌ବାଗ୍ ହ୍‌ଣି ଗଟେବାଗ୍ ଉଜାଡ୍ ଅଇନ୍‌କେଲି।

ପ୍ରକାସିତ୍‌ 9:1

ଇତାର୍ ହ୍‌ଚେ ହାଁଚ୍ ଲମ୍‌ବର୍ ଦୂତ୍ ମରି ହୁକ୍‌ଲା। ସ୍‌ଡେବ୍‌ଳ୍ ମୁଇ ଆକାଶେ ହ୍‌ଣି ଗଟେକ୍ କ୍‍ରାପ୍ ଦୂତ୍ ଯେ ତାରାହର୍ ହୁର୍‌ତିବି ଉହ୍‌ରେ ଅଦୁର୍‌ତାର୍ ଦ୍‌କ୍‌ଲେ। ସେ କ୍‍ରାପ୍ ଦୂତ୍‌କେ ହାତାଳ୍ କୁଣ୍ଡାର୍ କୁଚିକାଡା ଦିଆଅଇଲି।

ପ୍ରକାସିତ୍‌ 9:11

ହାତାଳ୍ କୁଣ୍ଡେ ସେ ଦୂତ୍ କହା ମ୍‌ନ୍‌କାର୍ ର୍‌ଜା ରିଲା। ତାର୍ ନାଉଁ ଏବ୍ରୀ ବାସାଇ ଆବଦ୍ଦୋନ୍ ବ୍‌ଲେକ୍ ବିନାସ୍ କ୍‌ର୍‌ତାର୍ ଆର୍ ଗ୍ରୀକ୍ ବାସାଇ ଅପଲ୍ଲିୟୋନ୍ ବ୍‌ଲେକ୍ ବିନାସ୍।

ପ୍ରକାସିତ୍‌ 9:17

ମର୍‌ ଚ୍‍ହ୍‍ନେ ମୁଇ ଗଡା ଆର୍ ଗଡା ଚାଲାଉତା ଲକ୍‌ମ୍‍ନ୍‌କେ ଦ୍‌କ୍‌ଲେ। ସେମ୍‌ନ୍ ହିନ୍ଦ୍‌ଲା ଜ୍‌ତର୍ ଜୟ୍‌ହର୍ ର୍‌ତା, ନିଳି ର୍‌ଙ୍ଗ୍ ଆର୍ ଅଳ୍‌ଦି ର୍‌ଙ୍ଗ୍ ରିଲି ଗଡାମ୍‌ନ୍‌କାର୍ ମୁଣ୍ଡ୍ ସିଂହ ବାଗାର୍ ମୁଣ୍ଡ୍ ହର୍ ଡିସ୍‌ତେରିଲି, ସେମ୍‌ନ୍‌କାର୍ ଟଣ୍ଡେ ହ୍‌ଣି ଜୟ୍, ଦୁଆଁ ଆର୍ ଗ୍‌ନ୍ଦକ୍ ବାର୍‌ତେ ରିଲି।