ପିଲିପିୟ 1:25 - ବ୍‌ଡ଼୍ ହ୍‌ର୍‌ଜା ବାଇବଲ

²⁵ ଆର୍ ମୁଇ ବ୍‌ଲ୍‌କ୍‍ରି ଇରିଜାଣି ଯେ, ମୁଇ ଜୀବନ୍ ର୍‌ଇନ୍, ହେଁ, ତୁମାର୍ ବିଶ୍‍ବାସ୍ ଆର୍ ସ୍‌ର୍‌ଦା ବାଡାମ୍‌କେ ତୁମାର୍ ସ୍‍ଙ୍ଗ୍‍ ର୍‌ଇନ୍ଦ୍।

ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

²⁵ ମୁୟ୍‌ଁ ନିକକଃରି ଇରି ଜାଣି ଆଚି, ମୁୟ୍‌ଁ ରଃୟ୍‌ନ୍ଦ୍, ହେଁ, ବିସ୍ୱାସେ ତୁମିମଃନାର୍‌ ଜଃବର୍‌ ଅଃଉତାର୍‌ ଆର୍‌ ସଃର୍ଦାର୍‌ ଗିନେ ତୁମାର୍‌ ସଃବୁଲକାର୍‌ ସଃଙ୍ଗ୍ ରଃୟ୍‌ଁନ୍ଦ୍

ପିଲିପିୟ 1:25 Iomraidhean Croise

ଲୁକ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌ 22:32

ମ୍‍ତର୍ ତର୍ ବିଶ୍‌ବାସ୍‌ ଜ୍‌ନ୍‌କ୍‌ରି ଉଣା ନ୍‌ଇ ସେତାକ୍ ମୁଇ ତର୍‍ଗିନେ ପାର୍‌ତେନା କ୍‌ଲେଆଚି, ଜ୍‌ଡେବ୍‌ଳ୍ ତୁଇ ମର୍‍ଲ୍‌ଗେ ଆରେକ୍‌ ଲେଉଟି ଆସ୍‍ସି। ସେଡେବ୍‍ଳ୍ ତୁଇ ବିନ୍‌ସ୍‌ବୁ ଚେଲାମ୍‍ନ୍‍କେ ସେମ୍‍ନ୍‍କାର୍ ବିଶ୍‌ବାସ୍‌ ତ୍‌ଇ ବାଡୁକ୍ ସୁସ୍‌ତା କ୍‍ର୍।”

ପେରିତ୍‌ 11:23

ସେ ସେତି ହଚି ସେମ୍‌ନ୍‌କେ ଇଶ୍ୱର୍‌ କ୍‍ନ୍‍କ୍‍ରି ଆଶିର୍‌ବାଦ୍‌ କ୍‌ଲାଆଚେ ସେରି ଦ୍‍କି ବେସି ସ୍‍ର୍‍ଦା ଅଇଲା, ଆର୍ ସେ କଇଲା, “ମାପ୍‌ରୁର୍ ଗିନେ ତୁମାର୍ ସ୍‌ବୁ ହୁର୍‌ଦୟକେ ଦ୍‌ଇକ୍‌ରି ବ୍‍ଲ୍‌କାମ୍‌କ୍‌ରା।”

ପେରିତ୍‌ 14:22

ସେମ୍‍ନ୍ ଇ ସ୍‌ବୁ ଚେଲାମ୍‍ନ୍‍କେ ନିଜାର୍ ବିଶ୍‍ବାସେ ତିର୍‌ଅଇକ୍‍ରି ରେମ୍‌କେ ଆଦେଶ୍ ଦିଲାଇ, ଆରେକ୍‌ ସେମ୍‍ନ୍ ଶିକ୍ୟା ଦେଇ କଇଲାଇ ଯେ, ଇଶ୍ଵରାର୍ ରାଜିକେ ଜ୍‌ମ୍‌କେ ଅଲେ ଅମିମ୍‍ନ୍ ବେସି ଦୁକ୍‍କ୍‍ଷ୍ଟ ବଗୁକେ ହ୍‌ଳେଦ୍।

ପେରିତ୍‌ 20:25

ଆରେକ୍‌ ଅବେ ଦ୍‌କା, ମୁଇ ଜୁଇ ଜାଗାଇ ବୁଲି ବୁଲିକ୍‍ରି ଇଶ୍ଵରାର୍ ସୁବ୍‌କ୍‌ବର୍ ପର୍‍ଚାର୍ କ୍‌ରିଆଚି, ଆର୍ ତୁମୁକ୍‌ମ୍‌ନ୍ ହେଁ କଇଆଚି, ମ୍‍ତର୍ ମୁଇ ଅବେ ଜାଣୁଲେ ଯେ ତୁମିମ୍‍ନ୍ ମକେ ଆରେକ୍‌ ନ୍‌ଦେକାସ୍।

ରୋମୀୟ 15:13

ସେ ବ୍‌ର୍‌ସାର୍‌ ଇଶ୍ଵର୍ ତୁମୁକ୍‌ମ୍‌ନ୍ ବିଶ୍‍ବାସ୍ ଲାଗି ସ୍‌ବୁ ସ୍‌ର୍‌ଦା ଆର୍ ଶାନ୍‌ତିରେ ହୁରା କ୍‌ରତ୍, ଜ୍‌ନ୍‌କ୍‌ରି ତୁମିମ୍‍ନ୍ ପବିତର୍ ଆତ୍ମାର୍ ଶ୍‌କ୍‌ତିଏ ବ୍‌ର୍‌ସାର୍‌ ବେସି ବାଡାସ୍।

ରୋମୀୟ 15:18

ମୁଇ ହ୍‌କା ସେ କ୍‌ତାମ୍‌ନ୍ କଇନ୍ଦ୍ ଜୁଇରି ଖ୍ରୀଷ୍ଟ ଯୀଶୁ ମର୍ ଲାଗି କ୍‍ରିଆଚେ, ଜୁଇତାର୍ ଲାଗି ଯିହୁଦି ଚାଡି ବିନ୍‍ଜାତି ଲକ୍‍ମ୍‍ନ୍ ଇଶ୍ଵରାର୍ କ୍‌ତାମାନି ଚାଲ୍‌ତି। ସେମ୍‌ନ୍ ମର୍‍କ୍‍ତା ଆର୍ କାମ୍ ଦ୍‍କି ଇଶ୍ୱର୍‌କେ ମାନ୍‌ଲାଇ ଆତି।

ରୋମୀୟ 15:29

ମୁଇ ଜାଣି ଯେ ଜ୍‌ଡେବ୍‌ଳ୍ ମୁଇ ତୁମାର୍ ଲ୍‌ଗେ ଆସିନ୍ଦ୍ ସ୍‌ଡେବ୍‌ଳ୍ ଖ୍ରୀଷ୍ଟର୍ ହୁରା ଆଶିର୍‌ବାଦ୍‌ ନ୍ଇକ୍‌ରି ଆସିନ୍ଦ୍।

ରୋମୀୟ 5:2

ଅବେ ଅମି ବିଶ୍‍ବାସ୍ ଦ୍ୱାରା ଇ ଦୟାରେ ଆଚୁ ଆର୍ ଅମି ଇଶ୍ଵରାର୍ ଇ ମଇମାରେ ବାଗିଦାର୍ ଅଇରେତା ଆଶାରେ ସ୍‌ର୍‌ଦା ଅମ୍‍ଲୁ।

୨ କରନ୍ତି 1:24

ତୁମାର୍‌ମ୍‌ନ୍‌କାର୍ ବିଶ୍‍ବାସ୍ ଉହ୍‌ରେ ଯେ ଅମାର୍‌ମ୍‌ନ୍‌କାର୍‌ ଅଦିକାର୍ ଆଚେ, ସେରି ନଇ, ମ୍‍ତର୍ ତୁମାର୍‌ମ୍‌ନ୍‌କାର୍ ସ୍‌ର୍‌ଦା ଲାଗି ତୁମାର୍‌ମ୍‌ନ୍‌କାର୍ ସ୍‌ଙ୍ଗ୍ କାମ୍ କ୍‌ରିଆଚୁ ସେତାକ୍ ବିଶ୍‌ବାସ୍‌ରେ ତୁମିମ୍‍ନ୍ ସୁସ୍‌ତା ଅଇର୍‌ଇ ଆଚାସ୍।

ପିଲିପିୟ 1:24

ମ୍‍ତର୍ ତୁମାର୍‌ମ୍‌ନ୍‌କାର୍ ଗିନେ ମୁଇ ଜୀବନ୍ ରେତା ଅଦିକ୍‌ ଦ୍‌ର୍‌କାର୍।

ପିଲିପିୟ 2:24

ମ୍‍ତର୍ ମୁଇ ମାପ୍‌ରୁର୍ ଲ୍‌ଗେ ବିଶ୍‍ବାସ୍ କ୍‌ରୁଲେ ଯେ, ମୁଇ ନିଜେ ତୁମାର୍ ଲ୍‌ଗେ ବେଗି ଆସିନ୍ଦ୍।

ପିଲିମନ୍ 1:22

ତାର୍‌ସ୍‍ଙ୍ଗ୍‍ ଆର୍ ଗଟେକ୍ କାମ୍‌କ୍‌ର୍, ମୁଇ ରେତାର୍ ଗିନେ ତର୍ ଗ୍‌ରେ ଗଟେକ୍ ବ୍‌କ୍‌ରା ସ୍‌ଜାଇ କ୍‍ରି ର୍‌କ୍, କାଇତାକ୍ ମୁଇ ଆଶା କ୍‌ରୁଲେ ମାପ୍‌ରୁ ତୁମାର୍ ପାର୍‌ତେନା ଶୁଣେଦ୍, ଆର୍ ତୁମୁକେ ଆର୍ ତରେକ୍ ଦ୍‌କୁକେ ଜେଇଲେ ହ୍‍ଣି ମକେ ବାର୍‌କ୍‌ରି ତୁମାର୍ ଲ୍‌ଗେ ଆଣେଦ୍।

1 ପିତର୍ 1:8

ତୁମି ଖ୍ରୀଷ୍ଟକେ ନ୍‌ଦେକି ହେଁ ଲାଡ୍ କ୍‍ରୁଲାସ୍ ଆର୍ ତୁମି ତାକେ ଅବେ ନ୍‌ଦେକି ହେଁ ବିଶ୍‍ବାସ୍ କ୍‍ରୁଲାସ୍। ତୁମି କ୍‌ତାଇ କ୍‌ମ୍ ନ୍‌ହାର୍‌ଲା ହର୍ ମଇମାରେ ବ୍‌ର୍‌ତି ସ୍‌ର୍‌ଦା ହାମ୍‌ଲାସ୍।