୨ ତିମତି 3:17 - ବ୍‌ଡ଼୍ ହ୍‌ର୍‌ଜା ବାଇବଲ

¹⁷ ଇ ଦ୍‌ର୍‌ମ୍ ଶାସ୍‌ତରାର୍ ସାଇଜେ ତୁଇ ଇଶ୍ଵରାର୍ ଦ୍‍ଙ୍ଗ୍‍ଳା ସ୍‌ବୁ ର୍‌କମାର୍ ବ୍‌ଲ୍‌କାମ୍ କ୍‌ରୁକେ ଲଳାରିଲା ଶ୍‌କ୍‌ତି ଆର୍ ଶିକ୍ୟା ହାଇ ର୍‌ଇଦ୍।

ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

¹⁷ ଜଃନ୍‌କଃରି ଇସ୍ୱରାର୍‌ ଲକ୍‌ ହୁର୍ନ୍‌ ଅୟ୍‌ ସଃବୁ ରଃକମାର୍‌ ନିକ କାମାର୍‌ ଗିନେ ଜୟ୍‌ଗ୍‌ ଅୟ୍‌ଦ୍‌ ।

୨ ତିମତି 3:17 Iomraidhean Croise

ପେରିତ୍‌ 9:36

ଯାଫ ସହର୍ ତ୍‌ଇ ଟାବିଥା ନାଉଁର୍ ଗଟେକ୍ ବିଶ୍‍ବାସ୍ କ୍‌ର୍‌ତା ମାଇଜି ଟକି ରିଲି, ଗ୍ରୀକ୍ ବାଷାତ୍‌ଇ ତାର୍‌ନାଉଁ ଦର୍କା ତାର୍ ଅର୍ତ ଅଇଲି ଚିତାଳ୍। ସେ ତାର୍ ସ୍‌ବୁ ସମୟ୍ ବ୍‍ଲ୍ କାମେ ଆର୍ ଗ୍‌ରିବ୍ ଇନସ୍ତା ଲକ୍‌ମ୍‌ନ୍‌କାର୍‌ ସେବାତ୍‌ଇ ଦେତିରିଲା।

୨ କରନ୍ତି 9:8

ଆରେକ୍‌, ଇଶ୍ଵର୍ ତୁମାର୍‌ମ୍‌ନ୍‌କାର୍ ଦ୍‌ର୍‌କାର୍ ରିଲା ତ୍‌ଇହ୍‌ଣି ଅଦିକ୍ ଆଶିର୍‌ବାଦ୍‌ ଦେମ୍‍ ହାର୍‌ତି। ସେନ୍‌ଅଇଲେକ୍ ତୁମିମ୍‍ନ୍ ସ୍‌ବୁବ୍‌ଳ୍ ସ୍‌ବୁ ବିଷୟ୍ ବେସି ହାଉଆସ୍। ସ୍‌ବୁବ୍‌ଳ୍‌ ବ୍‌ଲ୍‌ କାମ୍‌କ୍‌ର୍‌ତା ହାଇଁ ଦାନ୍ ଦେତାର୍ ହାଇଁ ତୁମାର୍‌ମ୍‌ନ୍‌କାର୍ ଲ୍‌ଗେ ବେସି ର୍‌ଇଦ୍।

ଏପିସିୟ 2:10

କାଇତାକ୍ ଅମିମ୍‍ନ୍ ଜ୍‌ନ୍ ଅଇଲୁଆଚୁ ସେସ୍‍ବୁ ଇଶ୍ଵର୍ ହ୍‌କା କ୍‌ଲାଆଚେ, ଜୁଇସ୍‌ବୁ ସ୍‌ତ୍‌କାମ୍ ଅମିମ୍‍ନ୍ କ୍‌ରୁନ୍ଦ୍ ବ୍‌ଲି ଇଶ୍ଵର୍ ଆଗ୍‍ତୁ ଟିକ୍ କ୍‌ରିରିଲା, ଅମିମ୍‍ନ୍ ଖ୍ରୀଷ୍ଟ ଯୀଶୁର୍ ସ୍‍ଙ୍ଗ୍‍ ଚାଲିଚଳ୍‌ନି କ୍‍ରି ମିସି ରିଲାକେ ସେସ୍‍ବୁ ହୁରା ଅଇଲିଆଚେ।

୧ ତିମତି 6:11

ତୁଇ ଇଶ୍ଵରାର୍ ଦ୍‍ଙ୍ଗ୍‍ଳା ସେତାର୍‍ଗିନେ ତୁଇ ଇସ୍‌ବୁତ୍‌ଇହ୍‌ଣି ଅଲ୍‌ଗା ଅଇରେଉଅ, ଦାର୍‌ମିକ୍, ଇଶ୍ଵର୍‍କେ ଡିର୍‌ତାର୍, ବିଶ୍‌ବାସ୍‌, ଲାଡ୍, ସ୍‌ମ୍ବାଳ୍‌ତାର୍, ଇ ସ୍‌ବୁ ଗୁଣେ ହୁରା ଅମ୍‍କେ ଚେଷ୍ଟାକ୍‌ର୍।

୨ ତିମତି 2:21

ଜୁଇମାନାଇ ସ୍‌ବୁ ର୍‌କମାର୍ ପାପେହ୍‌ଣି ଅଲ୍‌ଗା ର୍‌ଇଦ୍, ସେ ମାଲିକାର୍ ବ୍‍ଲ୍ କାମେ ଲାଗେଦ୍। କାଇତାକ୍ ମାପ୍‌ରୁ ତାକେ ପବିତର୍‌ କରିର୍‌ଇଦ୍, ତାକେ ଉପ୍‍କାର୍ କାମେ ଇଶ୍ଵର୍ ଲାଗାମ୍ ହାରେ।

ତିତସ୍‌ 1:16

ସେ ମିଚ୍ ଶିକ୍ୟା ଦେତା ଲକ୍‍ମ୍‍ନ୍ କ୍‌ଉତି, ଯେ ସେମ୍‍ନ୍ ଇଶ୍ଵର୍‍କେ ଜାଣି ଆତ୍‍ତି। ମ୍‍ତର୍ ଜୁଇସ୍‌ବୁ କ୍‍ରାପ୍ କାମ୍ ସେମ୍‍ନ୍ କ୍‌ରୁଲାଇ, ସେତି ଜାଣା ଅଇଦ୍ ଯେ ସେମ୍‍ନ୍ ଇଶ୍ଵର୍‍କେ ନ୍‍ଜାଣ୍‍ତି। ସେମ୍‍ନ୍ ଗିଣ୍ ଆର୍ କ୍‌ତା ନ୍‌ମାନ୍‌ତା ଲକ୍। ସେମ୍‍ନ୍ କାଇରି ହେଁ ବ୍‌ଲ୍‌କାମ୍ କ୍‌ରୁନାହାର୍‌ତି।

ତିତସ୍‌ 2:14

ସେ ଖ୍ରୀଷ୍ଟ ଯୀଶୁ ଅମୁକେ ସ୍‌ବୁ ପାପେହ୍‌ଣି ମୁକ୍‌ତି କ୍‌ରୁକେ, ତାର୍ ନିଜାର୍ ଜୀବନ୍‍କେ ଦିଲା ଆର୍ ଅମୁକ୍‌ମ୍‌ନ୍‌କେ ନିଜାର୍ ଲକାର୍‌ ହର୍ ପବିତର୍‌ କ୍‍ରି ଅନ୍ୟାୟ୍ ଲ୍‌ଗେ ହ୍‍ଣି ମୁକ୍‌ତି କ୍‍ଲା, ଯାର୍ କି ବ୍‌ଲ୍‌କାମ୍ କ୍‌ରୁକେ ବେସି ଇଚା।

ତିତସ୍‌ 3:1

ବିଶ୍‍ବାସି ଲକ୍‌ମ୍‍ନ୍‌କେ ଇରିସ୍‌ବୁ କ୍‌ଉଆ ଯେ, ସେମ୍‍ନ୍ ଅଦିକାରି ଆର୍ ସାଶନ୍‌ କ୍‌ର୍‌ତା ଲକ୍‌ମ୍‍ନ୍‌କେ ସନ୍‌ମାନ୍ ଦେଇ, ସେମ୍‍ନ୍‍କାର୍ ଆଦେଶ୍ ମାନତ୍ ଆର୍ ବିନ୍‌ଲକାର୍ ଉପ୍‌କାର୍‌କାମ୍ କ୍‌ରୁକେ ସ୍‌ବୁବ୍‌ଳ୍ ତିଆର୍ ରେଉତ୍।

ଏବ୍ରି 10:24

ଆଶା ଅମିମ୍‌ନ୍ ବିନ୍‌ସ୍‌ବୁ ଲକ୍‌ମ୍‍ନ୍‌କେ ସାଇଜ କ୍‍ରୁମା, କାଇତାକ୍ ଅନ୍‌କ୍‌ରି ସ୍‌ତ୍‌ କାମ୍‍କ୍‍ରି ଅମିମ୍‌ନ୍ ଅମାର୍ ଲାଡ୍‌କେ ଦ୍‌କାମ୍ ହାରୁ।

ଏବ୍ରି 13:21

ଶାନ୍‌ତିଦେତା ଇଶ୍ଵର୍ ତାର୍ ଇଚାକେ ହୁରାକ୍‌ରୁକେ ତୁମୁକ୍ ଲଡାରିଲା ସ୍‌ବୁ ବିଷୟ୍ ଦାନ୍‌କ୍‌ର, ଯୀଶୁ ଖ୍ରୀଷ୍ଟର୍ ଗିନେ ଅମାର୍ ଜୀବନେ ତାର୍ ସ୍‌ର୍‌ଦା ଅଉତାର୍ କାମ୍ ହୁରାକ୍‌ର, ଯୁଗ୍ ଯୁଗ୍ ହ୍‌ତେକ୍ ଇଶ୍ଵରାର୍ ମଇମା ଅଉଅ। ଆମେନ୍।