Yo 9:8 - Sơ̆p Hlabơar Nơ̆r 'Bok Kei-Dei

⁸ Lu buăl sư păng lu bơngai juăt 'bôh sư pơm ăn-mai krô hmă jet thoi âu: “Bơngai âu sơ̆ sư pơm ăn-mai iih?”

Yo 9:8 Iomraidhean Croise

Markôs 10:46

Lu sư truh tơ Pơlei Jêrikô. Yêsu păng lu bơngai pơhrăm păng Sư yak đơ̆ng pơlei 'noh hơdai hăm đe tơpôl lơ. Tơ anăp lu sư đei minh 'nu bơngai măt tol. Sư arih kơ chă apinh sa tơmam đe. Anăn sư 'Bartimê, kon Timê. Sư oei ngôi 'bơ̆t cheng trong.

Luka 1:58

Lu bôl buăl hăm kon pơlei pơla kơtum kơtŏng 'nhŏng oh sư kơtơ̆ng ang tơdrong 'Bok Kei-Dei mơnat kơ sư tơpă ăn kơ sư kon, na lu sư kư̆m wang hiôk chơt mơ̆n.

Luka 18:35

Yêsu năm rok trong wă jê̆ truh tơ Pơlei Jêrikô. Tơ anăp Sư đei minh 'nu bơngai măt tol oei ngôi 'bơ̆t cheng trong chă apinh jên đe.

Yo 9:9

Đei buăl mơ'nah khan: “Jơ̆ sư âu tơpă.” Buăl mơ'nah khan dơ̆ng: “Ưh kơ sĭ sư âu ôh, hơbŏ sư âu đĕch thoi sư.” Mă-lei bơngai đêl măt tol ei khan kơ lu sư: “Trŏ kơ inh âu boih măt tol pơm ăn-mai sơ̆.”

Ru 1:19

Thoi noh na bre sư năm hơdai truh tơ pơlei Betlehem. Kơplah bre sư truh tơ pơlei Betlehem đĭ-đăng bơngai lăm pơlei 'bôh 'brơ̆k mơnat, lu drŏ-kăn tơpinh băl, noh hăm trŏ kơ Naômi ưh?

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

I Sam 21:11

Lu đĭch đam Akis jet: 'Nâu hăm trŏ kơ Đawit, pơtao dêh noh dah kiơ? Hăm trŏ kơ Đawit 'nâu mă lu bơngai drŏ-kăn hơri suang khan: Sôl pơlôch rơbâu rơbâu 'nu, gah Đawit pơlôch mơjĭt-rơbâu rơbâu 'nu?