Yo 9:41 - Sơ̆p Hlabơar Nơ̆r 'Bok Kei-Dei

⁴¹ Yêsu khan kơ lu sư: “Dah iĕm ưh kơ hlôh tơdrong 'Bok Kei-Dei lei Inh ưh kơ jô̆ kơ iĕm yoch ôh. Sơmă iĕm khan iĕm hlôh tơdrong 'Bok Kei-Dei, mă-lei iĕm ưh kơ wă lui kơ Inh, iĕm pơm thoi noh yoch boih.”

Yo 9:41 Iomraidhean Croise

Tơdrông Pơđơk 26:12

Ih hăm 'bôh minh 'nu bơngai khan kơ sư kơdih bơngai hlôh wao, Bơngai kơtul bơlŭk oei đei hơmĕng hloh kơ sư.

Êsai 5:21

Răm-'băm dêh kơ bơngai bu lăng kơdih akâu sư khan hơgei, pôk kơdih akâu sư khan bơngai hlôh wao!

Je 2:35

‘Lu iĕm oei khan nhôn ưh kơ đei yoch, Kră Yang huay hil kơ nhôn. 'Nâu yua kơ iĕm khan nhôn ưh kơ đei yoch kiơ.’ Inh gô sek tơlang kơ iĕm.

Luka 12:47

“Dôm lu đĭch đam mă băt kơ nơ̆r yŏng sư ată ră, mă-lei sư ưh kơ kơchăng păng ưh kơ pơm kiơ̆, na yŏng sư gô tôn teh sư kơtang tơpă.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Hêbrơ 10:26

Bơ̆n băt boih tơdrong Yêsu Krist, mă bơ̆n wih lê̆ tơdrong lui pơm yoch dơ̆ng, bơ̆n ưh pă đei tơdrong soi kiơ mă gơh pơklaih bơ̆n đơ̆ng tơdrong yoch,

Ya 4:17

Dang ei iĕm băt boih, na bơngai bu băt boih kơ tơdrong 'lơ̆ng tơdrong trŏ mă sư ưh kơ wă kiơ̆, bơngai noh yoch tơpă.