Yo 9:34 - Sơ̆p Hlabơar Nơ̆r 'Bok Kei-Dei

³⁴ Lu sư khan: “Ih măt tol đơ̆ng 'nao tơpŭ kơ ih sơ̆ kơlih kơ tơdrong yoch, na liơ ih wă bơtho lu nhôn dơ̆ng?” Lu sư pơpuh tơlĕch hloi bơngai ei tơ 'ngoaih.

Yo 9:34 Iomraidhean Croise

Bl 19:9

Na kon pơlei khan: “Ih weh tơ nai!” Khan dơ̆ng: “Ih tơmoi truh tơ âu năm oei đĕch, mă-lei ih 'maih wă sek tơlang kơ nhôn hă? Thoi noh! Gô nhôn pơm kơnê̆ kơ ih păng bre tơmoi noh.” Na, lu sư tŭn drŭt Lot kơtang dêh păng tŭn drŭt wă kơ 'măng noh pơchah.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Jop 14:4

Bu gơh pơm đơ̆ng bơngai pơm kơnê̆ 'mê̆-'mach mă jing 'lơ̆ng rơgoh? Ưh kơ đei bu!

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Le 2:14

Mă-lei bơngai noh tơl khan: Bơngai bu pôk ih pơm pơtao, pơm tih sek tơlang kơ lu nhôn? Hăm trŏ ih wă pơlôch nhôn thoi lĕ ih pơlôch bơngai Êyiptơ 'noh hă? Môis hli, na khan: Trŏ tơpă, Tơdrong 'nâu rŏ lăng đe băt boih.

Tơdrông Pơđơk 22:10

Pơpuh bĕ bơngai juăt pơgreh na tơdrong pơjah weh kiơ̆ sư; Tơdrong pơjah pơjăng păng mơlâu akâu 'nâu gô đĭ.

Tơdrông Pơđơk 26:12

Ih hăm 'bôh minh 'nu bơngai khan kơ sư kơdih bơngai hlôh wao, Bơngai kơtul bơlŭk oei đei hơmĕng hloh kơ sư.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Êsai 65:5

Lu sư khan: “Dơ̆ng mă ataih, 'nĕ năm jê̆ inh, yua kơ inh rơgoh hloh kơ lu iĕm.” Lu bơngai 'nâu thoi 'nhui lĕch đơ̆ng lăm trôm muh Inh, thoi ŭnh sa prăt năr.

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Luka 11:45

Đei minh 'nu 'bok thây bơtho tơdrong juăt đe Juđê oei 'bơ̆t ei, sư khan kơ Yêsu: “Ơ 'Bok Thây, Ih pơma thoi noh Ih kư̆m dang pơjăm nhôn mơ̆n.”

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Luka 18:17

Inh khan kơ iĕm tơpă: Dah bu ưh kơ lui thoi lu hơ'lơ̆p âu lui, bơngai noh 'Bok Kei-Dei ưh kơ pơgơ̆r sư ôh.”

Luka 6:22

“Hiôk bĕ lu iĕm mă đe areh arĕnh, pơm kuă kơ iĕm, pơjăm pơjuă iĕm, khan iĕm bơngai kơnê̆ yua kơ iĕm lui kơ Inh Kon Bơngai.

Yo 6:37

Đĭ-đăng dôm lu bơngai mă 'Bă Inh ăn kơ Inh, lu sư gô lui kơ Inh. Păng bơngai bu lui kơ Inh, Inh ưh kơ tŭk sư ôh.

Yo 8:41

Iĕm pơm kiơ̆ kơ 'bă iĕm đĕch.” Lu sư khan: “Nhôn ưh kơ kiơ̆ yang nai ôh. 'Bok Kei-Dei đĕch 'Bă nhôn.”

Yo 9:2

Na lu bơngai pơhrăm păng Sư khan kơ Sư thoi âu: “Ơ 'Bok Thây, bơngai âu măt tol đơ̆ng mĕ sư tơpŭ sơ̆, na yua kơ kiơ? Yua kơ sư kơdih pơm yoch dah yua kơ mĕ 'bă sư pơm yoch?”

Yo 9:22

Mĕ 'bă sư ưh kơ wă khan Yêsu pơklaih sư yua kơ sư hli kơ lu bơngai Juđê. Lu bơngai Juđê khan bơngai bu khan Yêsu 'Bok Krist mă 'Bok Kei-Dei wơh wă pơgơ̆r kon bơngai, bơngai 'noh lu sư ưh kơ ăn năm mơ̆t akŭm tơ hnam 'Bok Kei-Dei.

Yo 9:35

Yêsu kơtơ̆ng ang lu sư pơpuh bơngai ei, na Yêsu năm chă sư dơ̆ng. Lăp 'bôh boih na Sư jet bơngai ei: “Ih hăm wă lui kơ Kon 'Bok Kei-Dei?”

Yo 9:40

Na lu bơngai Pharisi mơ'nah oei dơ̆ng jê̆ 'bơ̆t Yêsu, lu sư kơtơ̆ng thoi noh na khan: “Lu nhôn măt tol mơ̆n hă?”

Galati 2:15

Nhôn bơngai Juđê đơ̆ng mĕ bơ̆n tơpŭ. Nhôn ưh kơ sĭ bơngai nai ôh. Nhôn kiơ̆ tơdrong juăt 'Bok Kei-Dei pơkă, lu bơngai nai ưh kơ kiơ̆ ôh.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

III Yo 1:10

Mă-lei gô inh truh, inh gô roi tôm tơdrong kơnê̆ Diôtrip pơm. Sư pơchê nhôn păng hơlĕnh gah tơdrong nhôn. Sư oei pơm hloh kơ 'noh dơ̆ng; sư ưh kơ sơng iŏk 'nhŏng oh bơngai lui bơ̆n năm hơpong tơ hnam akŭm iĕm. Lăm hnam akŭm iĕm đei lu bơngai lui mơ'nah wă sơng iŏk ră, mă-lei Diôtrip khă ưh kơ ăn sơng iŏk lu bơngai năm hơpong păng pơpuh lu bơngai lui ei đơ̆ng hnam akŭm mơ̆n.

III Yo 1:9

Inh chih boih kơthơ pơtruh tơ hnam akŭm 'Bok Kei-Dei iĕm. Na 'bok Diôtrip, sư wă pơm kră bơngai lui, mă-lei sư ưh kơ wă mơ̆ng inh ôh.

Tơdrông Tơ'bôh 13:17

Tơ̆ng bu ưh kơ chu chơ̆m đŏng yâu sư noh, bơngai noh sư ưh kơ ăn mơdro sa păng ưh kơ ăn chă năm răt tơmam. Đŏng yâu noh đe chih anăn sem mă mônh, phŏ chih pôm kơsô̆ mă trŏ kơ anăn sem mă mônh noh mơ̆n.