Yo 9:2 - Sơ̆p Hlabơar Nơ̆r 'Bok Kei-Dei

² Na lu bơngai pơhrăm păng Sư khan kơ Sư thoi âu: “Ơ 'Bok Thây, bơngai âu măt tol đơ̆ng mĕ sư tơpŭ sơ̆, na yua kơ kiơ? Yua kơ sư kơdih pơm yoch dah yua kơ mĕ 'bă sư pơm yoch?”

Yo 9:2 Iomraidhean Croise

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Mathiơ 16:14

Lu sư khan: “Mơ'nah đe krao Ih Yôhan bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Đei bơngai mơ'nah dơ̆ng khan Ih 'bok Jêrêmi mă kư̆m pơtruh nơ̆r 'Bok Kei-Dei sơ̆, mơ'nah khan Ih bơngai nai mă pơtruh nơ̆r 'Bok Kei-Dei sơ̆.”

Mathiơ 23:7

Lu sư wă kơ đe kơkuh kơ sư tơ anih đe akŭm tơpôl păng wă kơ đe krao lu sư 'bok thây.

Mathiơ 23:8

“Gah lu iĕm, iĕm 'nĕ ăn đe krao lu iĕm 'bok thây hŏ, yua kơ iĕm đei minh 'nu 'Bok Thây boih, đĭ-đăng kơ iĕm jing 'nhŏng oh ngăl đĕch.

Luka 13:2

Na Yêsu khan kơ lu sư: “Iĕm tơchĕng lu bơngai Galilê lôch thoi noh yua kơ lu sư bơngai yoch hloh 'biơ̆ kơ tơduă lu sư bơngai Galilê dah kiơ?

Yo 4:31

Kơplah lu sư oei nơnăm rok trong tam mă truh tơ Yêsu, na lu bơngai pơhrăm păng Sư khan kơ Sư thoi âu: “Ơ 'Bok Thây, sŏng sa bĕ.”

Yo 9:1

Kơplah Yêsu oei năm rok trong, Sư 'bôh minh 'nu bơngai măt tol đơ̆ng mĕ Sư tơpŭ sơ̆.

Yo 9:34

Lu sư khan: “Ih măt tol đơ̆ng 'nao tơpŭ kơ ih sơ̆ kơlih kơ tơdrong yoch, na liơ ih wă bơtho lu nhôn dơ̆ng?” Lu sư pơpuh tơlĕch hloi bơngai ei tơ 'ngoaih.

Jang 28:4

Lu bơngai nai oei tơ bŏl đak ei 'bôh 'bih kăp pơđom ti Pôl, na lu sư pơma dih băl: “Rŏ lăng bơngai âu chă pơlôch đe rŏ lăng; mă-lei sư huay kơ lôch tơ đak dơsĭ iih, na dang ei yang Đêke kuă kơ lăng sư yua kơ sư pơm kơnê̆ kơ đe dêh, na sư wă lôch kơ 'bih choh.”