Yo 8:51 - Sơ̆p Hlabơar Nơ̆r 'Bok Kei-Dei

⁵¹ Inh khan kơ iĕm tơpăt, bơngai bu răk nơ̆r Inh bơtho, bơngai 'noh huay kơ lôch ôh.”

Yo 8:51 Iomraidhean Croise

Horiso 89:48

Bu gơh arih hloi mă ưh kơ đei lôch? Bu gơh dŏng pơklaih bơhngol sư kơdih dơ̆ng dêh atâu pơgơ̆r.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Luka 2:26

Yang Bơhngol 'Lơ̆ng tơbăt ăn kơ sư, hơdrol sư lôch sư gô 'bôh 'Bok Krist mă 'Bok Kei-Dei wơh wă pơklaih kon bơngai bơ̆n.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.

Yo 17:6

“Inh roi tơbăt tôm tơdrong Ih kơ lu bơngai ala teh mă Ih pơjao ăn kơ Inh boih. Lu sư bơngai Ih, mă Ih pơjao ăn kơ Inh. Lu sư răk dôm nơ̆r Ih.

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Yo 6:50

Mă-lei âu tơmam sa jur đơ̆ng plĕnh mơ̆n. Dah bơngai bu sa tơmam sa âu sư huay kơ lôch hiong ôh.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 8:52

Lu bơngai Juđê khan kơ Sư: “Dang ei nhôn băt kơ Ih bơngai yang mơ̆t tơpă boih. Abraham lôch boih, lu bơngai pơtruh nơ̆r 'Bok Kei-Dei sơ̆ kư̆m hơdai lôch đĭ, mă Ih khan bơngai bu răk nơ̆r Ih bơtho, bơngai 'noh huay kơ lôch.

Yo 8:55

mă-lei iĕm ưh kơ băt kơ Sư ôh. Inh băt kơ Sư tơpă. Dah Inh khan Inh ưh kơ băt kơ Sư, lei Inh bơngai hơlĕnh thoi iĕm mơ̆n. Inh băt kơ Sư tơpă, na Inh băt kơ răk nơ̆r Sư.

Hêbrơ 11:5

'Bok Ênŏk sơ̆ kư̆m lei-lăi, sư đei đon lui na 'Bok Kei-Dei atŏk sư tơ plĕnh đơ̆ng sư oei arih, na đe chă sư ưh kơ 'bôh yua kơ 'Bok Kei-Dei iŏk sư boih. Hơdrol kơ 'Bok Kei-Dei wă iŏk sư, 'Bok Kei-Dei băt kơ sư đei đon lui na 'Bok Kei-Dei lăp đon wă iŏk sư.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.