Yo 8:44 - Sơ̆p Hlabơar Nơ̆r 'Bok Kei-Dei

⁴⁴ 'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Yo 8:44 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

I Pot 22:22

Kră Yang jet: ‘Ih pơhlŭ sư thoi yơ?’ Yang 'noh tơl: ‘Inh gô năm pơm yang pơma hơlĕnh lăm 'bơ̆r lu bơngai khan lê̆ adrol mă jang kơ sư.’ Kră Yang khan: “Trŏ bơih, ih gơh năm, pơhlŭ sư lei ih năm bĕ păng pơhlŭ sư thoi nơ̆r ih pơma 'noh.’

I Ho 21:1

Yang Satan iung pơm kơ Isơrael păng pơdrŭt Đawit wă kơ jô̆ kơ̆l bơngai Isơrael.

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Mathiơ 13:15

Yua kơ đon lu sư kơtul dêh, Mă-lei lu sư oei wă pơchĭt đon sư kơdih khŏm khŏm 'mơ̆i, Păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, Đon lu sư gơh kơtơ̆ng nhên, lu sư gơh tơchĕng kơdih băt wih tơ 'Bok Kei-Dei, Na Sư gô pơklaih đĭ dôm tơdrong yoch lu sư.’

Mathiơ 13:38

Mir noh wă khan jơ̆p-jang kơ teh đak. Adrĕch 'ba 'lơ̆ng noh wă khan lu bơngai mă ăn kơ 'Bok Kei-Dei pơgơ̆r sư. 'Nhĕt noh wă khan bơngai kiơ̆ yang kơnê̆.

Yo 6:70

Yêsu khan kơ lu sư: “Inh rơih mơjĭt-'bar 'nu lu iĕm mă-lei minh 'nu lăm lu iĕm dang lĕ yang kơnê̆.”

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Yo 8:38

Inh roi kơ iĕm tơdrong mă Inh 'bôh kơplah Inh oei hơdai păng 'Bă Inh. Na iĕm pơm kiơ̆ iĕm kơtơ̆ng đơ̆ng 'bă iĕm.”

Yo 8:41

Iĕm pơm kiơ̆ kơ 'bă iĕm đĕch.” Lu sư khan: “Nhôn ưh kơ kiơ̆ yang nai ôh. 'Bok Kei-Dei đĕch 'Bă nhôn.”

Yo 8:55

mă-lei iĕm ưh kơ băt kơ Sư ôh. Inh băt kơ Sư tơpă. Dah Inh khan Inh ưh kơ băt kơ Sư, lei Inh bơngai hơlĕnh thoi iĕm mơ̆n. Inh băt kơ Sư tơpă, na Inh băt kơ răk nơ̆r Sư.

Jang 24:9

Đang kơ Têtulus pơma, lu bơngai Juđê oei lăm hnam sek tơlang ei kư̆m pơma jâu kơ Pôl mơ̆n. Lu sư khan: “Tơdrong Têtulus pơma noh trŏ tơpă.”

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

I Yo 1:8

Dah bơ̆n khan bơ̆n ưh kơ đei tơdrong yoch, 'noh bơ̆n kư̆m hơlĕnh kơdih bơ̆n mơ̆n păng 'bơ̆r bơ̆n kư̆m ưh kơ gơh pơma tơpăt tŏ sĕt.

I Yo 2:21

Inh chih ăn kơ iĕm kơthơ âu ưh kơ sĭ khan iĕm ưh kơ băt tơdrong 'Bok Kei-Dei ôh. Inh chih ăn kơ iĕm kơthơ âu yua kơ iĕm băt tơdrong 'Bok Kei-Dei tơpă păng iĕm kư̆m băt tơdrong 'Bok Kei-Dei ưh kơ hơlĕnh ôh.

I Yo 2:4

Dah bơngai bu khan: “Inh lui kơ Sư,” sơmă bơngai 'noh ưh kơ răk tơdrong Sư pơkă, bơngai 'noh hơlĕnh đĕch. Sư ưh kơ pơma tơpăt tŏ sĕt ôh.

I Yo 3:12

Bơ̆n ưh kơ gơh pơm thoi Kain ôh. Kain sư kiơ̆ yang Satan, sư pơlôch oh sư pôm mĕ 'bă. Kơlih kơ kiơ Kain pơlôch oh sư? Kơlih kơ sư pơm tơdrong kơnê̆ ling-lang, gah oh sư pơm tơdrong 'lơ̆ng tơpăt.

I Yo 3:15

Bơngai bu hil areh kơ 'nhŏng oh sư, 'noh dang sư wă pơlôch 'nhŏng oh sư mơ̆n. Iĕm băt mơ̆n lu bơngai chă pơlôch đe, ning-mônh sư ưh kơ đei arih ling-lang ôh.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.

Tơdrông Tơ'bôh 9:11

Lu sư đei yŏng pơgơ̆r kơdih, yŏng lu sư ei jĭ yang pơgơ̆r sơlŭng jrŭ, anăn sư lăm nơ̆r Hêbrơ khan Abadon; tơ̆ng kiơ̆ kơ nơ̆r Grĕk khan Apôliôn wă khan yang chă blah pơrăm đe.