Yo 8:34 - Sơ̆p Hlabơar Nơ̆r 'Bok Kei-Dei

³⁴ Yêsu khan kơ lu sư: “Inh khan kơ iĕm tơpăt, iĕm ưh kơ rơngei ôh, yua bơngai bu pơm yoch ling-lang, bơngai 'noh sư dang đĭch mơ̆n yua kơ tơdrong yoch sư.

Yo 8:34 Iomraidhean Croise

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Mathiơ 5:18

Inh khan kơ iĕm tơpă, tơdrong juăt Môis oei oei ling-lang mă truh năr tôch ning-mônh ưh kơ đei hiong minh apăk dah minh nơ̆r ôh.

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Jang 8:23

Đon ih kơnê̆ tơpă, ih oei hiong lăm tơdrong măng mu.”

Rom 6:12

Akâu bơ̆n juăt kơ pơm yoch, bơ̆n athei gơ̆t 'nĕ pă ăn pơm yoch dơ̆ng. Ning-mônh akâu kon bơngai bơ̆n gô tơ'bơ̆p tơdrong lôch.

Rom 6:16

Iĕm băt mơ̆n, tơ̆ng bơ̆n đĭch đe, bơ̆n athei chu kơ yŏng tơ'ngla. Tơ̆ng bơ̆n đĭch gah tơdrong yoch, bơ̆n gô 'bôh tơdrong lôch. Tơ̆ng bơ̆n đĭch 'Bok Kei-Dei, bơ̆n athei chu kơ 'Bok Kei-Dei, bơ̆n gô 'bôh tơdrong bơ̆n chu jing bơngai 'lơ̆ng tơpăt.

Rom 6:6

Sơ̆ bơ̆n akâu so, mă-lei dang ei dang đe pơ̆ng pơlôch bơ̆n hơdai hăm Yêsu tơ 'long pơglang boih, wă tơhiong đĭ dôm tơdrong so na mă bơ̆n gơh rơngei đơ̆ng tơdrong yoch.

Rom 7:14

Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

Rom 7:25

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră, mă-lei ưh kơ kĕ, đĭ jing đĭch tơdrong kơnê̆. Na dang ei inh bơnê kơ 'Bok Kei-Dei mơnat kơ inh, đơ̆ng tơdrong kơnê̆ 'noh pơklaih ăn kơ inh rơngei boih. Păng inh bơnê kơ Kră Yang Yêsu Krist kư̆m tơgŭm inh mơ̆n.

Rom 8:21

Tơpă ning-mônh Sư ăn kơ lu tơmam Sư pơjing noh, ưh pă pơmat lôch răm thoi dang ei dơ̆ng ôh, lu sư jing rơngei hiôk tơpă, kư̆m thoi lu bơ̆n kon 'Bok Kei-Dei mơ̆n.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

II Pet 2:19

'Bok bơtho hơlĕnh pơdăr noh, lu sư khan wă ăn kơ lu bơngai noh rơngei, mă-lei tă kơ lu sư dơ̆ng jing đĭch, yua kơ lu sư ưh kơ kĕ gơ̆t kơ tơdrong pơm yoch, jing wă pơrăm akâu kơdih. Tơdrong kiơ bơ̆n ưh kơ kĕ pơgơ̆t, tơdrong noh bơ̆n oei đĭch.