Yo 8:2 - Sơ̆p Hlabơar Nơ̆r 'Bok Kei-Dei

² Na pơgê hrôih dơning Yêsu hơloh năm tơ hnam akŭm 'Bok Kei-Dei tơm tơ Pơlei Jêrusalem. Na đĭ-đăng bơngai tơ ei năm mơ̆ng Sư bơtho, na Sư tơoei bơtho lu đe ei.

Yo 8:2 Iomraidhean Croise

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Je 25:3

“Đơ̆ng sơnăm mă mơjĭt-pêng lăm chăl Jôsia, kon drŏ-nglo Ammôn, pơtao đe Juđa dĭng truh dang ei đei 'bar-jĭt pêng sơnăm, nơ̆r Kră Yang pơma hăm inh. Đơ̆ng năr noh, inh iung đơ̆ng hrôih ling-lang roi tơbăt kơ iĕm, mă-lei iĕm ưh kơ wă mơ̆ng.

Je 32:33

Lu sư ưh kơ hue lăng Inh, tơwih kơ Inh rŏng. Mă khan Inh oei adrin bơtho lu sư, mă-lei lu sư kuă kơ mơ̆ng, kuă kơ chu kiơ̆ nơ̆r Inh bơtho khan.

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’

Mathiơ 26:55

Kơplah noh mơ̆n, Yêsu khan kơ lu bơngai mă năm rôp Sư: “Lơliơ iĕm năm tơ âu chĕp tak đao 'long tơnôn dang lĕ đe rôp bơngai tơtông klĕ? Bĭ rim năr Inh bơtho iĕm tơ lăm hnam akŭm tơm iĕm kuă kơ kiơ kơ rôp Inh tơ noh lĕ?

Luka 21:37

Rim năr lăm hơdôm năr noh Yêsu bơtho đe tơ hnam akŭm 'Bok Kei-Dei tơm đơ̆ng pơgê truh kơsơ̆. Tơ kơsơ̆ Sư brŏk 'bĭch tơ pơlei đe tơ kơpal kông Ôliwơ.

Luka 21:38

Rim pơgê hrôih, đĭ-đăng kon pơlei pơla năm mơ̆ng tơdrong Sư bơtho tơ hnam akŭm 'Bok Kei-Dei tơm.

Luka 4:20

Yêsu đŏk lăng tơdrong noh đang boih na Sư đơ̆p lê̆ hla bơar noh pơdrĕo ăn kơ bơngai wei-lăng lăm hnam akŭm ei. Đơ̆ng noh Sư tơoei wă bơtho thoi đe noh juăt sơ̆, na đĭ-đăng kơ lu bơngai oei lăm hnam akŭm ei pơglăn lăng tơ Sư.

Luka 5:3

Na Yêsu apinh tŏk thŏng-nan Simôn ei, na Sư athei Simôn wơ̆r thŏng-nan ataih 'biơ̆ kơ đơ̆ng jih đak. Đơ̆ng rŏng kơ noh Yêsu tơoei bơtho lu đe tơpôl ei đơ̆ng thŏng-nan.

Yo 4:34

Yêsu khan kơ lu sư: “Tơmam sa Inh jơ̆ Inh athei pơm kiơ̆ kơ 'Bok Kei-Dei wơh Inh jang mă keh tơdrong Sư. 'Noh boih tơmam sa Inh.

Yo 8:20

Yêsu bơtho tơdrong âu, Sư bơtho lăm hnam akŭm 'Bok Kei-Dei tơm, 'bơ̆t anih đe tah jên pơyơ̆r kơ Kră Yang. Mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Yo 8:3

Kơplah Yêsu oei bơtho lu sư na lu 'bok thây bơtho tơdrong juăt đe Juđê păng lu bơngai Pharisi, lu sư anhăk ba minh 'nu bơngai drŏ-kăn tơ Yêsu. Bơngai drŏ-kăn ei đe 'bôh sư ngôi pơyô kư̆ kă tơpă. Na lu sư athei drŏ-kăn mă ngôi pơyô kư̆ kă ei dơ̆ng 'bơ̆t anăp đe tơpôl.

Jang 5:21

Lu sư kơtơ̆ng thoi noh na 'năr lĕch pơgê dơning sư năm bơtho tơ hnam akŭm 'Bok Kei-Dei tơm thoi đêl. 'Bok soi tơm păng lu bôl sư năm truh tơ hnam sư akŭm. Sư krao lu kră sek tơlang păng khŭl lu kră dêh Juđê. Đơ̆ng noh lu sư wơh linh năm ba lu bơngai phak tơ lu kră sek tơlang ră.