Yo 8:15 - Sơ̆p Hlabơar Nơ̆r 'Bok Kei-Dei

¹⁵ Iĕm sek tơlang tơdrong Inh kiơ̆ kơ đon iĕm tơchĕng kơdih. Gah Inh ưh kơ đei sek tơlang bu ôh.

Yo 8:15 Iomraidhean Croise

Am 5:7

Lu iĕm, tơplih tơdrong tơpăt na iŏk tơm 'long tăng păng klơ̆m lê̆ tơdrong 'lơ̆ng tơpăt tơ teh.

Am 6:12

Iĕm hăm lah ăn kơ aseh kơdâu kơpal tơmo tih? Đe hăm choh rơmo tơ kơpal tơmo? Mă-lei lu iĕm tơplih tơdrong tơpăt jing tơdrong chhŭr nuih păng tơplih plei 'lơ̆ng tơpăt jing plei tăng.

Habakuk 1:4

Thoi noh khôi juăt pă đei yua boih păng tơdrong tơpăt ưh pă pơdah. Lu bơngai kơnê̆ wang tăp dăr kơ lu bơngai tơpăt, yua kơ thoi noh na tơdrong sek tơlang jing ưh kơ hơnơ̆ng.

Luka 12:14

Yêsu khan: “Ơ bơngai ah, bu ăn kơ Inh pơm kră sek tơlang wă dô̆ asong mŭk biĕm?”

Yo 12:47

Bơngai bu mơ̆ng nơ̆r Inh bơtho, mă-lei sư ưh kơ lui, bơngai 'noh Inh ưh kơ sek tơlang sư ôh; kơlih kơ Inh jur tơ ala teh âu ưh kơ sĭ wă sek tơlang kon bơngai ôh. Inh jur tơ ala teh âu wă pơklaih kon bơngai yoch.

Yo 18:36

Yêsu khan: “Tơdrong Inh pơm Pơtao ưh kơ sĭ thoi lu 'bok pơtao tơ ala teh âu ôh. Dah Inh pơm pơtao thoi lu sư, đei bơngai linh kiơ̆ Inh, tơblah păng lu bơngai Juđê 'noh wă kơ lu sư huay kơ rôp Inh. Tơdrong Inh pơm Pơtao ưh kơ sĭ đơ̆ng kon bơngai ăn kơ Inh pơm ôh.”

Yo 3:17

'Bok Kei-Dei wơh Kon Sư jur tơ ala teh âu wă pơklaih kon bơngai đơ̆ng tơdrong yoch, ưh kơ sĭ wă phak kon bơngai ôh.

Yo 7:24

Iĕm 'nĕ kơ sek tơlang kiơ̆ kơ jơhngơ̆m iĕm pran. Iĕm athei sek tơlang mă tơpăt, athei tơchĕng mă tôm tơdrong hơdrol 'mơ̆i.”

Yo 8:11

Drŏ-kăn ei khan: “Ơ 'Bok Thây, ưh pă đei bu jâu areh kơ inh dơ̆ng ôh.” Na Yêsu khan: “Inh kư̆m ưh kơ jâu ih mơ̆n. Na dang ei brŏk mă 'lơ̆ng kơ ih bĕ, 'nĕ pă pơm yoch dơ̆ng hŏ.”

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

I Kor 2:15

Lu bơngai mă đei Yang Bơhngol 'Lơ̆ng, lu sư hlôh băt tôm tơdrong trŏ glăi; gah lu bơngai mă ưh kơ đei Yang Bơhngol 'Lơ̆ng, lu sư ưh kơ hlôh minh tơdrong trŏ glăi gah lu bơ̆n thoi yơ.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Ya 2:4

Dah iĕm pơma kơ đe thoi noh, iĕm yoch tơpă boih, iĕm ưh kơ 'mêm kơ 'nhŏng oh lei-lăi. Iĕm pơm thoi noh iĕm wă kơ yua akâu kơdih đĕch.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.