Yo 8:12 - Sơ̆p Hlabơar Nơ̆r 'Bok Kei-Dei

¹² Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 8:12 Iomraidhean Croise

Jop 33:28

Kră Yang dŏng pơklaih bơhngol inh huay kơ huŏng lăm sơlŭng jrŭ, Ăn kơ tơdrong arih inh chơt hiôk 'bôh hơdah.’

Horiso 18:28

Kră Yang tơ̆k ŭnh kơđeng inh khơ̆ng: Kră Yang 'Bok Kei-Dei inh, Pơchrang ăn lăm anih măng mu inh.

Horiso 49:19

Sư gô năm kiơ̆ tơ anih 'bok yă lu sư; Lu sư pă đei 'bôh boih tơdrong hơdah.

Horiso 97:11

Tơdrong hơdahb pơchrang kơ lu bơngai tơpăt. Păng chơt hiôk kơ lu bơngai đei jơhngơ̆m tơpăt.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 9:2

Kră Yang ăn kơ kon pơlei âu chek lar rai lơ păng pơthim ăn kơ lu sư chơt hiôk. Rim 'nu chơt hiôk 'bơ̆t anăp Kră Yang, thoi đe chơt hiôk kơ bơyan yuă 'ba, thoi lu bơngai jreo hiôk klah song băl tơmam đơ̆ng blah tơgar iŏk.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 5:14

“Lu iĕm thoi lĕ kơ hơdah jơ̆p kơ kon bơngai lăm teh đak, thoi minh pôm pơlei oei kơpal kông ưh kơ đei layơ hlơp.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Yo 12:36

Na Inh âu boih tơdrong hơdah pơchrang ăn kơ iĕm, na iĕm jah lui kơ Inh bĕ, na iĕm oei lăm tơdrong hơdah ling-lang.” Đang Sư bơtho thoi noh boih na Sư weh ôn tơ anih nai.

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Yo 9:5

Kơplah Inh oei ala teh âu Inh dang măt 'năr pơchrang hơdah tơ teh âu wă kơ kon bơngai băt tơdrong 'Bok Kei-Dei.”

Jang 13:47

Yua kơ Kră Yang pơkă kơ nhôn sơ̆ thoi âu: ‘Inh rơih ih pơm ŭnh pơchrang hơdah kơ đĭ-đăng khŭl bơngai, wă kơ đĭ-đăng khŭl bơngai jơ̆p kơ teh đak gơh klaih đơ̆ng tơdrong yoch.’ ”

Jang 26:23

Đơ̆ng sơ̆ sư bơtho khan 'Bok Krist khŏm đei tơdrong pơmat na lôch, klaih kơ noh iung arih đơ̆ng lôch hơdrol kơ lu bơ̆n. Na 'Bok Krist bơtho khan kơ lu bơngai Juđê hăm lu bơngai nai khan, dah lui kơ Sư na lu sư gơh klaih đơ̆ng tơdrong yoch.”

II Pet 2:17

Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

I Yo 1:6

Lu buăl bơ̆n mơ'nah khan 'Bok Kei-Dei juăt păng bơ̆n, mă-lei bơ̆n oei lăm măng mu pơm yoch, 'noh bơ̆n hơlĕnh kơ Sư đĕch, 'bơ̆r đon, tơdrong bơ̆n pơm kư̆m hơlĕnh lei-lăi đĕch.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.

Tơdrông Tơ'bôh 21:24

Rim kơ khŭl kon bơngai jơ̆p kơ teh đak gô yak nơnăm yua hơdah pơlei noh pơchrang. Kư̆m đei lu 'bok pơtao đơ̆ng jơ̆p kơ teh đak năm ư-ang kơ 'Bok Kei-Dei hăm Kon Triu tơ noh.