Yo 7:7 - Sơ̆p Hlabơar Nơ̆r 'Bok Kei-Dei

⁷ Yua kơ iĕm tơduă kon bơngai ala teh âu, đe huay hil areh kơ iĕm ôh. Pôm Inh đĕch lu sư hil tơpă, kơlih kơ Inh tơ'bôh kơ lu sư tơdrong kơnê̆ lu sư pơm.

Yo 7:7 Iomraidhean Croise

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

Horiso 109:5

Lu sư pơm tơdrong kơnê̆ tơplih kơ tơdrong 'lơ̆ng inh. Lu sư hil areh tơplih kơ inh 'mêm.

Tơdrông Pơđơk 15:12

Bơngai kư̆ kă kuă kơ đe chrih. Sư ưh kơ wă kuă kơ năm tơ bơngai hơgei.

Tơdrông Pơđơk 8:36

Mă-lei bơngai bu sơngah kơ Inh, gô pơrăm bơhngol sư kơdih; Bơngai bu areh kơ Inh, chă tơdrong lôch.

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Je 20:8

Mưh wă inh pơma, inh athei ôr kơtang. Inh khan: “Rŭng răng dêh tăm 'băm dêh.” Tơpă nơ̆r Kră Yang pơm boih kơ inh mơlâu păng đe hiĕk ăr kơ inh prăt năr.

Lêwi 13:10

'Bok soi gô lăng sư tơdah đei pơ'ngeh tơ lăm akar, pơm kơ sŏk sop jing kok păng đei 'breo lăm pơ'ngeh sư,

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Luka 6:26

“Dah đĭ-đăng bơngai khan iĕm bơngai 'lơ̆ng, lei ning-mônh iĕm kư̆m pơmat mơ̆n. Lu bơngai đe anăn bơngai pơtruh nơ̆r 'Bok Kei-Dei sơ̆, mă-lei sư chă hơlĕnh đĕch, lu 'bok iĕm sơ̆ kư̆m khan sư bơngai 'lơ̆ng mơ̆n.”

Yo 17:14

Inh bơtho ăn kơ lu sư tơdrong Ih pơkă, na lu bơngai ala teh hil areh kơ lu sư, kơlih kơ lu sư ưh kơ sĭ bơngai đơ̆ng ala teh âu, kư̆m thoi Inh ưh kơ sĭ bơngai đơ̆ng ala teh âu mơ̆n.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Rom 8:7

Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Galati 4:16

Đơ̆ng rŏng kơ noh lăp inh tơ nai na đei lu bơngai năm pơtuah pơhlŭ iĕm. Inh kư̆m khan kơ iĕm tơpă boih ki, tơdrong sư pơtuah pơhlŭ iĕm noh ưh kơ yua kiơ kơ iĕm ôh, mă-lei dang ei iĕm lăng inh dang bơngai ayăt kơ iĕm hă?

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

I Yo 4:5

Lu bơngai ayăt kơ Yêsu bơtho gah tơdrong ala teh âu ngăl, na lu bơngai ala teh âu mơ̆ng sư kơlih kơ lu sư tơduă bơngai ala teh.