Yo 7:22 - Sơ̆p Hlabơar Nơ̆r 'Bok Kei-Dei

²² Môis pơkă ăn kơ iĕm tơdrong kăt tơdra akar; mă tơpă ưh kơ sĭ kơ Môis ôh hơdrol. Tơdrong kăt tơdra akar noh đơ̆ng lu yă 'bok iĕm sơ̆ pơtơ̆p hơdrol. Na lăp năr pơdơh Sa'bat iĕm kư̆m jang kăt tơdra akar đe mơ̆n, yua kơ Môis pơkă thoi noh.

Yo 7:22 Iomraidhean Croise

Bl 21:4

Trŏ tơhngam năr, Abraham kăt tơdra akar kơ Isăk kiơ̆ thoi tơdrong juăt mă Kră Yang 'Bok Kei-Dei đei pơkă.

Lêwi 12:3

Năr mă tơhngam đe gô kăt tơdra akar kơ kon drŏ-nglo sư.

Jang 7:8

'Bok Kei-Dei pơkă khan gô tơgŭm Abraham ling-lang, na Sư athei Abraham kăt tơdra akar lu kon sư wă kơ kon sư 'blŏk tơdrong 'Bok Kei-Dei pơkă wă tơgŭm sư ling-lang. Akăn Abraham tơpŭ minh 'nu kon anăn sư Isăk. Lăp 'bă sư kăt tơdra akar sư, Isăk 'nao tơhngam năr boih. Na Isăk pơjing minh 'nu kon anăn sư Jakôp. Na Jakôp pơjing mơjĭt-'bar 'nu kon, lu đe ei boih 'bok kơdră bơ̆n sơ̆.

Galati 3:17

Tơdrong inh pơma pơtih gia gah tơdrong pơgơ̆p băl noh hei, inh wă khan thoi âu: Kră Yang 'Bok Kei-Dei pơkă kơ Abraham păng đĭ-đăng lu bơ̆n kon sâu sư sơ̆, khan wă tơgŭm lu bơ̆n, Sư wă tơgŭm tơpă. Na đơ̆ng rŏng kơ 'Bok Kei-Dei pơkă thoi noh sơ̆, truh tơ puăn-hrĕng pêng-jĭt sơnăm, na đei Môis pơkă ăn kơ yă 'bok bơ̆n tơdrong juăt 'Bok Kei-Dei dơ̆ng. Mă 'Bok Kei-Dei ăn kơ Môis pơkă ăn kơ bơ̆n tơdrong juăt đơ̆ng rŏng noh, Sư ưh kơ achăng lê̆ tơdrong Sư pơkă hơdrol khan wă tơgŭm bơ̆n noh ôh.