Yo 7:16 - Sơ̆p Hlabơar Nơ̆r 'Bok Kei-Dei

¹⁶ Yêsu khan kơ lu sư: “Tơdrong Inh bơtho âu ưh kơ sĭ lĕch đơ̆ng Inh ôh. Tơdrong âu lĕch đơ̆ng 'Bok Kei-Dei mă wơh Inh.

Yo 7:16 Iomraidhean Croise

Yo 14:10

Ih ưh kơ lui ôh hă 'Bă Inh oei lăm Inh, nhi 'Bă Inh minh jơhngơ̆m minh đon? Dôm nơ̆r Inh pơma bơtho ăn kơ iĕm ưh kơ sĭ lĕch đơ̆ng Inh kơdih ôh. Dôm tơdrong mơsêh mơyang Inh pơm ăn kơ lu iĕm 'noh lĕch đơ̆ng 'Bă Inh mă oei lăm Inh tơpă.

Yo 14:24

Bơngai bu ưh kơ 'mêm kơ Inh, bơngai 'noh ưh kơ răk nơ̆r Inh. Dôm nơ̆r iĕm kơtơ̆ng Inh bơtho ưh kơ sĭ lĕch đơ̆ng Inh kơdih ôh, mă-lei lĕch đơ̆ng 'Bă Inh mă wơh Inh.

Yo 17:14

Inh bơtho ăn kơ lu sư tơdrong Ih pơkă, na lu bơngai ala teh hil areh kơ lu sư, kơlih kơ lu sư ưh kơ sĭ bơngai đơ̆ng ala teh âu, kư̆m thoi Inh ưh kơ sĭ bơngai đơ̆ng ala teh âu mơ̆n.

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 3:11

Inh khan kơ ih tơpăt: Nhôn bơtho iĕm tơdrong nhôn; nhôn 'bôh tơpă boih na nhôn gơh roi ăn kơ iĕm; mă-lei iĕm ưh kơ wă lui dôm tơdrong nhôn bơtho.

Yo 3:31

“Bơngai mă jur đơ̆ng plĕnh ti, bơngai 'noh tih hloh kơ đĭ-đăng bơngai. Bơngai bu đơ̆ng ala teh âu, sư 'noh bơngai mơnglang đĕch păng sư băt pơma gah tơdrong ala teh âu đĕch. Bơngai mă jur đơ̆ng plĕnh ti 'noh tih hloh kơ đĭ-đăng bơngai tơpă.

Yo 5:30

“Inh ưh kơ pơm kiơ̆ thoi Inh wă ôh. Inh kơtơ̆ng 'Bă Inh pơma kơ Inh thoi yơ, Inh sek tơlang kiơ̆ thoi Sư pơma 'noh mơ̆n. Tơdrong Inh sek tơlang Inh sek tơlang mă tơpăt kiơ̆ thoi Sư, kơlih kơ Inh ưh kơ wă kiơ̆ thoi Inh kơdih, Inh athei pơm trŏ thoi 'Bă Inh mă wơh Inh wă.

Yo 6:44

'Bă Inh athei Inh truh tơ âu, na ưh kơ đei bu truh tơ Inh ôh, dah 'Bă Inh ưh kơ ăn lu sư truh. Bơngai bu mă 'Bă Inh ăn truh tơ Inh, lu bơngai 'noh đĕch truh tơ Inh, na Inh gô tơiung arih lu sư năr tôch ning-mônh.

Yo 8:28

Kơlih kơ lu sư ưh kơ hlôh thoi noh na Yêsu wih roi dơ̆ng kơ lu sư: “Lăp đang kơ iĕm pơ̆ng pơlôch Inh Kon Bơngai ning-mônh, 'bơ̆t ei boih iĕm băt kơ Inh Kon Sư. Păng iĕm gô băt kơ Inh ưh kơ pơm kiơ̆ thoi Inh tơchĕng kơdih. Inh kơtơ̆ng Sư pơma thoi yơ, na Inh bơtho đe kư̆m thoi noh mơ̆n.

II Yo 1:9

Bơngai bu khan sư băt hloh kơ bơ̆n mă sư ưh kơ wă kiơ̆ thoi Yêsu Krist bơtho, bơngai 'noh 'Bok Kei-Dei ưh kơ oei hơdai păng sư ôh. Dah bơngai bu oei kiơ̆ dôm tơdrong Yêsu Krist bơtho, bơngai 'noh 'Bă tơm bơ̆n 'Bok Kei-Dei păng Kon Sư Yêsu Krist oei hơdai păng sư.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.