Yo 6:68 - Sơ̆p Hlabơar Nơ̆r 'Bok Kei-Dei

⁶⁸ Pêtrôs khan kơ Sư: “Ơ 'Bok, nhôn wă kiơ̆ bu dơ̆ng lĕ? Tơdrong Ih bơtho khan wă ăn kơ nhôn gô arih ling-lang tơpă.

Yo 6:68 Iomraidhean Croise

Horiso 73:25

Tơ kơpal plĕnh inh ưh kơ đei bu, 'nguaih Kơ Kră Yang? Lăm teh đak, inh ưh kơ đei hơpơi chă bu nai 'nguaih Kơ Ih.

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Markôs 8:29

Klaih kơ noh Yêsu khan kơ lu sư: “Bĭ iĕm khan Inh bu?” Na Pêtrôs khan: “Ih 'Bok Krist mă 'Bok Kei-Dei wơh pơgơ̆r kon bơngai.”

Luka 9:20

Na Yêsu jet lu sư dơ̆ng: “Bĭ iĕm khan Inh bu?” Pêtrôs khan: “Ih 'Bok Krist mă 'Bok Kei-Dei wơh pơgơ̆r kon bơngai.”

Yo 12:49

Yua kơ ưh kơ sĭ Inh bơtho tơdrong Inh kơdih ôh. 'Bă Inh mă wơh Inh, Sư pơkă kơ Inh bơtho thoi yơ, na Inh bơtho thoi noh mơ̆n.

Yo 12:50

Inh băt tơdrong Sư pơkă ăn kơ kon bơngai noh gô ăn kon bơngai arih ling-lang. Dôm tơdrong Inh bơtho đơ̆ng 'Bă Inh ăn kơ Inh ngăl.”

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

Yo 6:63

“Dah jơhngơ̆m đon iĕm lui kiơ̆ tơdrong Inh, lei iĕm gô arih ling-lang. Dah iĕm kiơ̆ tơdrong akâu akar đĕch, lei ưh kơ đei yua kiơ ôh. Dôm nơ̆r Inh bơtho khan ăn kơ iĕm gah tơdrong sa sĕch akar Inh, Inh wă ră kơ jơhngơ̆m đon iĕm lui kiơ̆ kơ Inh na iĕm gô arih ling-lang; lei ră.

Jang 13:26

“Ơ lu 'nhŏng oh adrĕch adrung kon sâu Abraham păng lu bơngai tơmoi năm kơkuh kơ 'Bok Kei-Dei, Kră Yang 'Bok Kei-Dei ăn kơ bơ̆n dang ei tơdrong dŏng pơklaih.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Jang 5:20

“Năm tơ hnam akŭm 'Bok Kei-Dei tơm bĕ, bơtho kơ kon pơlei pơla gah tơdrong iĕm arih 'nao.”

Jang 7:38

Lăp lu đe Isơrael oei akŭm kơkuh kơ 'Bok Kei-Dei tơ char glă ei sơ̆ đei linh jang 'lơ̆ng 'Bok Kei-Dei pơma kơ Môis tơ kông Sinai, na Môis pơtruh nơ̆r ei kơ lu kơdră bơ̆n. Môis sư iŏk nơ̆r đơ̆ng 'Bok Kei-Dei wă ăn kơ bơ̆n arih ling-lang, pơtruh nơ̆r ei ăn kơ bơ̆n ră.

Jang 8:37

Philip khan: “Dah ih lui hăm đĭ jơhngơ̆m klơm klak ih, gơh mơ̆n pơm.” Na bơngai pơm tih ei khan: “Inh lui kơ Yêsu Krist Kon 'Bok Kei-Dei.”