Yo 6:5 - Sơ̆p Hlabơar Nơ̆r 'Bok Kei-Dei

⁵ Lăp Yêsu ngơk lăng na Sư tơmang 'bôh bơngai tơpôl lơ luh năm tơ Sư. Na Yêsu khan kơ Philip: “Bơ̆n răt tơmam sa đơ̆ng yơ wă kơ mah 'me bơngai dôm noh?”

Yo 6:5 Iomraidhean Croise

Jo 11:13

Inh gô chă đei 'nhĕm đơ̆ng yơ wă asong kơ đĭ-đăng lu kon pơlei âu? Yua kơ lu sư năm nhơ̆m tơ inh khan: Asong ăn kơ lu nhôn 'nhĕm sa.

Mathiơ 15:33

Lu bơngai pơhrăm păng Sư khan: “Thoi yơ bơ̆n gơh đei tơmam sa 'me lu sư yua kơ anih kueng chơngue thoi âu?”

Markôs 6:32

Đang kơ pơma thoi noh lu sư tŏk thŏng-nan năm tơ anih kueng kơdrô̆.

Luka 9:10

Lu jơ̆ng 'bang Yêsu wih roi kơ Sư dôm tơdrong sư jang. Na Yêsu anhăk ba kơdrô̆ lu sư tơ Pơlei 'Betsaiđa.

Yo 1:43

Năr đơ̆ng rŏng dơning dơ̆ng Yêsu wă năm tơ dêh Galilê, na Sư chă Philip pơtơm năm kiơ̆ Sư khan: “Năm kiơ̆ Inh bĕ.”

Yo 1:44

Philip sư bơngai đơ̆ng Pơlei 'Betsaiđa. Andrê hăm Pêtrôs kư̆m pơlei 'noh mơ̆n.

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 1:46

Na Nathanel khan: “Lơliơ? Tam mă biơh đei bơngai bu pơm tih đơ̆ng lăm Pơlei Nasaret ôh.” Na Philip khan dơ̆ng kơ sư: “Na ih jah năm lăng Sư deh wă kơ ih băt kơ Sư thoi yơ.”

Yo 1:48

Nathanel khan: “Ơ 'Bok Thây, lơliơ Ih băt kơ inh bơngai thoi ei lĕ?” Yêsu khan kơ sư: “Inh băt tơpă păng Inh kư̆m 'bôh ih ngôi 'bơ̆t tơm 'long hơra hơdrol kơ Philip tam năm roi kơ ih hei.”

Yo 4:35

Hăm trŏ kơ lu iĕm khan thoi âu: ‘Pă puăn khei truh bơyan kĕch 'ba?’ Mă-lei Inh khan kơ iĕm thoi âu: ‘Iĕm iung tơmang lăng kon pơlei pơla to. Lu sư wă lui kơ 'Bok Kei-Dei boih, kư̆m dang lĕ mir 'ba đe mă đum boih. Na dang ei bơ̆n kơchăng wă kĕch iŏk đĕch.