Yo 6:2 - Sơ̆p Hlabơar Nơ̆r 'Bok Kei-Dei

² Đei lơ bơngai tơpôl lơ kiơ̆ Sư kơlih kơ lu sư 'bôh tơdrong mơsêh mơyang Yêsu ming pơklaih lu bơngai jĭ jăn.

Yo 6:2 Iomraidhean Croise

Mathiơ 12:15

Yêsu băt thoi noh Sư lĕch đơ̆ng noh năm tơ nai, đei lơ bơngai kiơ̆ Sư; Sư kư̆m ming pơklaih đĭ-đăng lu bơngai jĭ jăn.

Mathiơ 13:2

Đei lơ bơngai akŭm tăp dăr kơ Sư, na Sư tŏk oei kơpal thŏng-nan tơ đak, lu bơngai tơpôl oei tơ jih đak.

Mathiơ 14:14

Lăp Yêsu jur đơ̆ng thŏng-nan Sư 'bôh lơ bơngai kiơ̆ Sư na Sư mơnat dêh kơ lu bơngai noh, na Sư pơklaih hloi lu bơngai jĭ jăn.

Mathiơ 8:1

Lăp Yêsu jur đơ̆ng kông lu bơngai tơpôl lơ noh kư̆m jur kiơ̆ Sư mơ̆n.

Markôs 1:45

Mă-lei bơngai 'noh lĕch, sư chă roi kơ đe. Mă sư năm tơ yơ yơ kư̆m roi kơ đe tơdrong 'noh mơ̆n. Na Yêsu jing ưh kơ gơh mơ̆t mă pơlei tơ yơ yơ yua kơ kon pơlei pơla chă Sư lơ tơpă. Na Sư oei hơdai hăm lu bơngai pơhrăm păng Sư tơ anih kueng kơdrô̆. Mă-lei jơ̆p tơring tơrang oei năm chă Sư 'mơ̆i.

Markôs 6:33

Mă-lei kư̆m đei lơ bơngai 'bôh Sư mơ̆n. Đe kơnăl kơ Sư boih na jơ̆p kơ tơring kiơ̆ ei năm kơdâu hơdrol gô tơ anih kueng 'noh.

Yo 11:47

Na lu bơngai Pharisi păng lu 'bok soi tih krao akŭm lu kră sek tơlang. Akŭm boih lu sư khan: “Bơ̆n wă pơm thoi yơ kơ Yêsu, yua kơ Sư gơh pơm lơ tơdrong mơsêh mơyang.

Yo 12:18

Lu kon pơlei pơla kơtơ̆ng ang tơdrong Yêsu pơm mơsêh mơyang thoi noh, kơlih thoi noh na lu sư đih sơng Yêsu kơplah Sư wă mơ̆t tơ Pơlei Jêrusalem.

Yo 12:37

Yêsu pơm lơ tơdrong mơsêh mơyang 'bơ̆t anăp lu sư ră, mă-lei lu sư ưh kơ lui kơ Sư.

Yo 2:11

Tơdrong mơsêh mơyang âu boih Yêsu pơm tơ'bôh kơ đe mă hơdrol. Sư pơm tơ Pơlei Kanna, dêh Galilê. Thoi noh boih na lu bơngai pơhrăm păng Sư lui kơ Sư đơ̆ng 'Bok Kei-Dei tơpă.

Yo 2:23

Kơplah Yêsu oei tơ Pơlei Jêrusalem lăm năr đe pơm Giĕng Năm Brih, na Sư tơ'bôh kơ đe tơdrong mơsêh mơyang Sư. Na đei lơ bơngai lui kơ Sư.

Yo 20:30

'Bơ̆t anăp lu bơngai pơhrăm păng Sư, Yêsu đei pơm lơ tơdrong mơsêh mơyang nai mă ưh kơ đei chih lăm hla bơar âu.

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Yo 6:14

Thoi noh na dôm lu bơngai tơpôl ei 'bôh Yêsu pơm tơdrong mơsêh mơyang Sư thoi noh na lu sư khan: “'Bok âu boih 'Bok mă bơ̆n chang gô đơ̆ng sơ̆ khan gô truh tơ ala teh âu wă pơtruh nơ̆r 'Bok Kei-Dei.”

Yo 6:22

Năr đơ̆ng rŏng dơning lu bơngai tơpôl oei pah to cheng đak dơsĭ, lu sư tam mă tŏk pah âu dơsĭ. Na năr brei lu sư 'bôh lăp minh pôm thŏng-nan đĕch tơ ei păng lu sư kư̆m băt kơ Yêsu ưh kơ tŏk thŏng-nan ei hơdai păng lu bơngai pơhrăm păng Sư ôh. Bơngai pơhrăm năm kơdrô̆ lu sư đĕch.

Yo 6:26

Yêsu khan kơ lu sư: “Inh khan tơpăt kơ iĕm, iĕm chă Inh ưh kơ sĭ yua kơ iĕm 'bôh Inh pơm tơdrong mơsêh mơyang wă tơbăt kơ iĕm Inh đơ̆ng 'Bok Kei-Dei ôh. Iĕm chă Inh yua kơ iĕm sŏng sa phĭ mah đơ̆ng Inh ăn kơ iĕm tơmam sa.

Yo 6:30

Lu bơngai tơpôl ei khan: “Lei Ih pơm tơ'bôh kơ nhôn tơdrong mơsêh mơyang Ih bĕ, na nhôn lui kơ Ih. Ih wă pơm kơ nhôn tơdrong mơsêh mơyang kiơ?