Yo 5:7 - Sơ̆p Hlabơar Nơ̆r 'Bok Kei-Dei

⁷ Bơngai jĭ ei khan: “Ơ 'Bok, 'bơ̆t đak tơglăk inh ưh kơ đei bôl hiot tơdŏng inh jur lăm đak dơnâu. Na ling-lang jei đe ngăl jur hơdrol kơ inh.”

Yo 5:7 Iomraidhean Croise

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Horiso 72:12

Yua kơ sư gô pơklaih lu bơngai dơnuh hin, dah lu sư krao apinh. Păng dŏng pơklaih lu pơmat-tat mă ưh kơ đei bu tơgŭm.

Yo 5:2

Tơ Pơlei Jêrusalem đei minh tŭm dơnâu đak 'bơ̆t jê̆ 'măng tơm pơlei mă đe anăn 'Măng Triu. Đak dơnâu ei lăm nơ̆r Juđê anăn khan dơnâu Betsatha. Tơ noh đei pơđăm tŏ prơng hnam.

Yo 5:3

Tơ ala prơng noh đei lơ bơngai 'bĭch păn kơ jĭ jăn. Lu mơ'nah măt tol, mơ'nah ti kue, mơ'nah jơ̆ng jo go kơdŭ. Lu bơngai jĭ ei chang gô đak dơnâu tơglăk,

Yo 5:4

yua kơ phŏ phŏ đei linh jang 'lơ̆ng 'Bok Kei-Dei jur tơ đak dơnâu ei, wă pơm kơ đak dơnâu ei tơglăk. Na bơngai bu mă hơbĕch dah kơtah lăm dơnâu ei hơdrol kơ đe, sư noh klaih hloi kơ jĭ sư.

Yo 5:6

Na Yêsu 'bôh sư 'bĭch lăm ei. Păng Yêsu băt kơ bơngai ei jĭ đunh tơpă na Yêsu jet sư: “Ih hăm wă klaih kơ jĭ?”

Rom 5:6

Sơ̆ bơ̆n ưh kơ băt tơgŭm akâu bơ̆n pơm 'lơ̆ng thoi yơ, na mưh trŏ kơ năr 'Bok Kei-Dei pơkă na đei Yêsu Krist lôch tang bơ̆n bơngai yoch.

I Kor 9:24

Iĕm kư̆m băt mơ̆n tơdrong lu bơngai pơđuơ kơdâu pơjei băl, đei lơ bơngai kơdâu ră mă-lei tơdrong apah lăp minh 'nu đĕch. Na bơ̆n kư̆m adrin tôch bơneh thoi lĕ lu bơngai pơđuơ kơdâu wă kơ bơ̆n đei tơdrong apah đơ̆ng 'Bok Kei-Dei.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.