Yo 5:39 - Sơ̆p Hlabơar Nơ̆r 'Bok Kei-Dei

³⁹ “Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Yo 5:39 Iomraidhean Croise

Horiso 1:2

Mă-lei chơt hiôk lăm tơdrong juăt Kră Yang, păng tơchĕng tơdrong juăt ei măng năr.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 133:3

Kŭm thoi đak ngom tơ kông Hermôn. Ro jur tơ kông Siôn, Yua kơ tơ noh Kră Yang đei ăn boih tơdrong pŭn hiôk, Wă khan tơdrong arih ling-lang hlŏng hloi.

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 21:4

Sư apinh Ih tơdrong arih, Ih ăn hloi kơ sư Ih ăn kơ sư năr đunh sot ling-lang hlŏng hloi.

Horiso 36:9

Yua kơ tơm tơdrong arih oei tơ Ih, Lăm tơdrong hơdah Ih nhôn 'bôh hơdah,

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Êsai 34:16

Chă lăng bĕ lăm sơ̆p hla bơar Kră Yang păng đŏk: Lăm lu kon sem 'nâu ưh kơ đei minh pôm sem ayơ mă ưh kơ đei, kư̆m ưh kơ đei minh pôm sem ayơ mă ưh kơ tôm hơgrop, yua kơ đơ̆ng 'bơ̆r Kră Yang pơkă bơih păng Yang Bơhngol Sư đei akŭm bơih lu sư.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Mathiơ 22:29

Yêsu khan kơ lu sư: “Iĕm ưh kơ hlôh tơdrong noh yua kơ iĕm ưh kơ pơwao sơ̆p hla bơar 'Bok Kei-Dei, na iĕm ưh kơ băt Sư gơh pơm tôm tơdrong.

Markôs 10:3

Na Yêsu khan: “Môis pơkă kơ iĕm sơ̆ liơ?”

Markôs 12:10

Mă tơdrong 'noh kư̆m thoi iĕm đŏk boih đe chih lăm sơ̆p hla bơar tơdrong 'Bok Kei-Dei thoi âu: ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man pơklop sư 'bơ̆t mum hnam.

Luka 16:29

Na Abraham khan kơ bơngai mơdrŏng 'nei: ‘Tơ ala teh đe oei bơtho kiơ̆ kơ tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei mơ̆n. Lu 'nhŏng oh ih oei gơh mơ̆ng đe bơtho tơdrong noh mơ̆n.’

Luka 16:31

Na Abraham khan: ‘Dah lu sư ưh kơ wă mơ̆ng lu đe bơtho tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei, mă sư 'bôh bơngai iung arih đơ̆ng lôch, sư kư̆m ưh kơ lui 'mơ̆i.’ ”

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 5:32

Mă-lei đei minh 'nu nai pơma bơ̆ng Inh tơpă păng Inh kư̆m băt kơ Sư pơma tơpăt tơpă tơdrong Inh.

Yo 5:36

Mă-lei Inh đei minh 'nu tih hloh kơ Yôhan, Sư tơbăt ăn kơ iĕm tơdrong Inh. Na dôm tơdrong mơsêh mơyang đơ̆ng Sư ăn kơ Inh, na Inh bơ̆jang ahrei âu, dôm tơdrong noh wă kơ iĕm băt 'Bă Inh wơh Inh tơpă.

Yo 5:40

mă-lei iĕm ưh kơ wă năm iŏk tơdrong arih đơ̆ng Inh ôh.

Yo 5:46

Dah iĕm lui kơ nơ̆r Môis tơpă, noh iĕm kư̆m wă lui kơ Inh mơ̆n, kơlih kơ sư chih roi tơdrong Inh.

Yo 7:52

Na lu bôl buăl sư khan kơ sư: “Ih bơngai đơ̆ng dêh Galilê mơ̆n hă? Ih đŏk lăng lăm sơ̆p hla bơar 'Bok Kei-Dei bĕ, na ih gô băt đe ưh kơ đei chih roi khan bơngai mă pơtruh nơ̆r 'Bok Kei-Dei lĕch đơ̆ng dêh Galilê ôh, mă Sư âu lĕch đơ̆ng dêh Galilê.”

Jang 13:27

Lu bơngai Pơlei Jêrusalem păng lu kră pơgơ̆r bơngai Juđê, lu sư ưh kơ kơnăl kơ Yêsu 'Bok Dŏng Pơklaih ôh. Rim năr pơdơh Sa'bat lu sư kơtơ̆ng đe đŏk sơ̆p hla bơar lu bơngai khan lê̆ hơdrol gah Yêsu sơ̆. Mă-lei lu sư ưh kơ hlôh ôh. Lu sư pơma jâu wă pơlôch Yêsu đĕch, na 'blep thoi lu bơngai khan lê̆ hơdrol sơ̆ tơpă.

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

Jang 26:27

Ơ 'bok Agripa, ih lui kơ tơdrong lu bơngai pơtruh nơ̆r 'Bok Kei-Dei khan lê̆ adrol sơ̆, inh băt kơ ih lui tơpă.”

Rom 1:2

Hơdrol kơ Yêsu jur sơ̆ 'Bok Kei-Dei ăn kơ lu bơngai pơtruh nơ̆r Sư chih roi lê̆ hơdrol tơdrong noh tơ lăm sơ̆p hla bơar Sư.

Rom 3:2

Lu bơngai Juđê tih hloh kơ lu bơngai nai 'biơ̆ mơ̆n yua kơ 'Bok Kei-Dei chih pơkă kơ lu sư tơdrong juăt Sư hơdrol kơ lu bơngai nai păng pơkă khan wă tơgŭm lu sư tơpă.

Both 18:15

Đơ̆ng lăm lu iĕm Kră Yang 'Bok Kei-Dei iĕm gô pôk minh 'nu bơngai pơm 'bok khan lê̆ adrol thoi inh; đơ̆ng lăm lu 'nhŏng oh iĕm, lu iĕm athei mơ̆ng kiơ̆ sư!

Both 18:18

Inh gô rơih pôk ăn minh 'nu bơngai khan lê̆ adrol thoi ih đơ̆ng, lăm 'nhŏng oh lu sư. Inh gô ăn nơ̆r Inh pơma lăm 'bơ̆r sư, na sư gô pơma ăn kơ lu sư dôm tơdrong Inh tơtă kơ lu sư.

Both 29:29

Dôm tơdrong hlơp Kră Yang 'Bok Kei-Dei lu bơ̆n đĕch băt; mă-lei dôm lu tơdrong Sư tơ'bôh ăn kơ lu bơ̆n păng kơ lu kon sâu bơ̆n ling-lang hlŏng hloi, noh lăm khôi juăt âu, wă kơ lu bơ̆n chu pơm kiơ̆.

Both 32:47

'Nâu ưh kơ sĭ nơ̆r pơma ngôi đĕch, mă-lei noh jơ̆ tơdrong arih lu iĕm; kơplah gơnang kơ nơ̆r 'nâu, na lu iĕm gô oei arih sot tơ kơpal teh đak mă lu iĕm gô iŏk mưh iĕm tŏk hlôi kơ đak Krong Jôrđăn.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Hêbrơ 11:35

Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”