Yo 5:21 - Sơ̆p Hlabơar Nơ̆r 'Bok Kei-Dei

²¹ Yua kơ 'Bă Inh gơh tơiung arih kon bơngai đơ̆ng lôch na Inh Kon Sư kư̆m thoi Sư mơ̆n, Inh gơh ăn tơdrong arih kơ kon bơngai gô mơ̆ng kơ Inh wă.

Yo 5:21 Iomraidhean Croise

I Pot 17:21

Đơ̆ng noh sư brom kơpal bơngai 'lơ̆p 'noh pêng wơ̆t păng krao khan kơ Kră Yang: “Ơ Kră Yang 'Bok Kei-Dei inh! Apinh Ih ăn bơhngol bơngai 'lơ̆p 'nâu wih mơ̆t lăm akâu sư dơ̆ng.”

II Pot 5:7

Lăp pơtao đe Isơrael đŏk kơthơ noh, na sư hek hloi ao sư kơdih păng khan: “Inh Kră Yang 'Bok Kei-Dei hă na gơh pơlôch păng gơh pơrih? Na bơngai âu gơih nơ̆r sư khan athei inh pơklaih bơngai jĭ chin. Bơ̆n răp lăng inh băt sư 'maih chă tơdrong pơm ayăt kơ inh 'nâu.

Yo 11:25

Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Yo 6:63

“Dah jơhngơ̆m đon iĕm lui kiơ̆ tơdrong Inh, lei iĕm gô arih ling-lang. Dah iĕm kiơ̆ tơdrong akâu akar đĕch, lei ưh kơ đei yua kiơ ôh. Dôm nơ̆r Inh bơtho khan ăn kơ iĕm gah tơdrong sa sĕch akar Inh, Inh wă ră kơ jơhngơ̆m đon iĕm lui kiơ̆ kơ Inh na iĕm gô arih ling-lang; lei ră.

Jang 26:8

Ơ lu bơngai Juđê, yua kơ kiơ lu iĕm ưh kơ tơchĕng lui kơ 'Bok Kei-Dei tơiung arih kon bơngai đơ̆ng lôch?

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

I Kor 15:45

Yua kơ thoi noh na lăm sơ̆p hla bơar 'Bok Kei-Dei đe đei chih boih thoi âu: “Bơngai kơ đĭ-đăng hơdrol sơ̆ jĭ 'bok Ađam, 'Bok Kei-Dei ăn kơ sư đei akâu đei jơhngơ̆m wă kơ gơh arih.” Na 'bok Ađam mă hơtuch âu, wă khan Yêsu Krist, Sư Yang wă anhăk đĭ-đăng kon bơngai oei hơdai hăm Sư arih ling-lang.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.