Yo 5:17 - Sơ̆p Hlabơar Nơ̆r 'Bok Kei-Dei

¹⁷ Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Yo 5:17 Iomraidhean Croise

Horiso 65:6

Ih yua tơdrong mơsêh pơjing lu kông gei kơjăp, yua kơ ih tơ̆n păng tơlei tơ̆n pran kơtang;

Êsai 40:26

Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Mathiơ 10:29

Bơ̆n băt sem rĕch tĕch hơi dêh, 'bar tŏ lăp minh hlak jên, mă-lei 'Bok Kei-Dei kư̆m wei rong sư mơ̆n. Mă minh pôm păr huŏng tơ teh, Sư kư̆m băt mơ̆n.

Yo 10:36

Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.

Yo 14:10

Ih ưh kơ lui ôh hă 'Bă Inh oei lăm Inh, nhi 'Bă Inh minh jơhngơ̆m minh đon? Dôm nơ̆r Inh pơma bơtho ăn kơ iĕm ưh kơ sĭ lĕch đơ̆ng Inh kơdih ôh. Dôm tơdrong mơsêh mơyang Inh pơm ăn kơ lu iĕm 'noh lĕch đơ̆ng 'Bă Inh mă oei lăm Inh tơpă.

Yo 5:16

Kơlih kơ tơdrong noh na lu bơngai Juđê wă pơm kơnê̆ kơ Yêsu, kơlih kơ Sư pơklaih đe jĭ lăm năr pơdơh Sa'bat.

Yo 5:18

Kơlih kơ tơdrong noh lu bơngai Juđê chă tơdrong wă kơ gơh rôp pơlôch Sư, yua kơ lu sư khan Yêsu tŭk tơdrong kơ̆m lăm năr pơdơh Sa'bat; păng khan 'Bok Kei-Dei 'Bă Sư, dang wă khan Sư tih atŏ hăm 'Bok Kei-Dei.

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Jang 17:28

Tơdrong noh 'bok thây iĕm kư̆m chih mơ̆n sơ̆ khan: ‘'Bok Kei-Dei ăn kơ bơ̆n gơh arih gơh bơ̆jang.’ 'Bok thây iĕm kư̆m chih thoi âu: ‘Bơ̆n kư̆m kon 'Bok Kei-Dei mơ̆n.’

I Kor 12:6

'Bok Kei-Dei ăn kơ Yang Bơhngol 'Lơ̆ng Sư gơh tơgŭm bơ̆n phara tơdrong hơgei, mă-lei lăp minh 'nu 'Bok Kei-Dei đĕch gơh tơgŭm đĭ-đăng kơ bơ̆n lăm tôm tơdrong.

Kôlôsê 1:16

Yua kơ đơ̆ng Kon Sư na đei pơjing tôm tơdrong tơ kơpal plĕnh, tôm tơdrong tơ ala teh, tôm tơdrong măt gơh 'bôh, tôm tơdrong măt ưh kơ gơh 'bôh, mă tôm kơ lu yŏng pơgơ̆r lu yang, mă tôm kơ yŏng pơgơ̆r lu linh jang, 'Bok Kei-Dei yua Sư pơjing tôm tơdrong noh. Tôm tơdrong Kon Sư pơjing noh, wă kơ đĭ-đăng bơngai ư-ang kơ Sư.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.