Yo 4:7 - Sơ̆p Hlabơar Nơ̆r 'Bok Kei-Dei

⁷ Klaih kơ noh blư 'bôh minh 'nu bơngai drŏ-kăn, sư khŭl bơngai Samari năm sŏ đak. Yêsu khan kơ sư: “Asong Inh nhă đak ih bĕ.”

Yo 4:7 Iomraidhean Croise

Bl 24:17

Đam âu kơdâu tơkan găn anăp sư păng apinh: “Apinh ih asong inh nhă hơya tŏ sĕt đak đơ̆ng ge ih.”

Bl 24:43

'Nâu inh oei ngôi 'bơ̆t cheng đak sơlŭng âu; na inh apinh khan dah adruh ayơ mă năm tơ âu wă sŏ đak, dah inh pơma hăm sư thoi âu: ‘Apinh ih asong ăn kơ inh đak nhă hơya tŏ sĕt đơ̆ng ge ih.’

I Pot 17:10

Thoi noh, sư iung năm tơ Pơlei Sarepha; lăp sư truh 'bơ̆t 'măng jang pơlei, sư 'bôh minh 'nu drŏ-kăn adro oei dônh 'long ŭnh, Êli krao drŏ-kăn adro 'noh păng khan: “Inh apinh ih sŏ đak lăm ge hơya tŏ sĕt ăn kơ inh nhă.”

Mathiơ 10:42

Bơngai bu asong minh kơchŏk đak nhă kơ lu bôl bơ̆n mă pơm iĕ âu yua kơ bôl bơ̆n kiơ̆ Inh, bơngai 'noh 'Bok Kei-Dei gô apah sư tơpă.”

Yo 19:28

Yêsu băt tôm tơdrong đang boih. Wă kơ pơm 'blep trŏ thoi sơ̆p hla bơar 'Bok Kei-Dei khan lê̆ hơdrol, Sư khan: “Inh 'maih nhă đak.”

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 4:6

Tơ noh đei sơlŭng đak Jakôp sơ̆. Kơplah ei 'năr tŏk-bŏk dơ̆ng, Yêsu yak gleh tơpă yua kơ yak trong ataih. Na Sư pơdơh ngôi 'bơ̆t đak sơlŭng ei.

Yo 4:8

Lu bơngai pơhrăm păng Sư kơplah noh ưh pă tơ noh boih, lu sư đĭ năm răt tơmam sa tơ pơlei đe.