Yo 4:21 - Sơ̆p Hlabơar Nơ̆r 'Bok Kei-Dei

²¹ Yêsu khan kơ sư: “Ơ duch, Inh wă khan kơ ih tơpă, ning-mônh đe huay pă năm kơkuh kơ 'Bă bơ̆n 'Bok Kei-Dei tơ kông âu dah tơ Pơlei Jêrusalem dơ̆ng boih.

Yo 4:21 Iomraidhean Croise

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Êsêkiên 14:3

“Ơ kon bơngai, lu bơngai âu 'măn boih rup yang lăm jơhngơ̆m lu sư păng dan tơdrong yoch 'bơ̆t anăp muh măt wă pơm kơ lu sư kơtơih. Inh wă lê̆ kơ lu sư krao apinh Inh ưh?

Êsêkiên 20:3

“Ơ kon bơngai, khan bĕ kơ lu kră pơlei Isơrael: Kră Yang khan thoi âu: Hăm trŏ lu iĕm năm krao apinh Inh dah ưh? Kră Yang khan: Thoi Inh mă arih, Inh ưh kơ ăn lu iĕm krao apinh Inh.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Yo 16:32

Mă-lei pă 'biơ̆ kơnh, wă jê̆ truh boih, đĭ-đăng kơ lu iĕm kơdâu sơlah gah kơdih kơdih brŏk tơ hnam tŭk kơdrô̆ Inh đĕch. Mă tơpă Inh ưh kơ oei kơdrô̆ Inh ôh. 'Bă Inh oei hơdai păng Inh.

Yo 4:23

Ning-mônh, kư̆m thoi dang ei mơ̆n, lu bơngai mă kơkuh kơ 'Bă bơ̆n 'Bok Kei-Dei mă trŏ ưh kơ sĭ sư kơkuh păng jơ̆ng dah păng ti sư đĕch ôh. Sư kơkuh lăm jơhngơ̆m đon sư. Sư kơkuh mă tơpă na 'Bok Kei-Dei lăp đon kơ lu bơngai mă kơkuh kơ Sư thoi noh.

Yo 5:25

“Inh khan tơpăt kơ iĕm dơ̆ng, ning-mônh kư̆m thoi dang ei mơ̆n, lu bơngai lôch gô kơtơ̆ng nơ̆r Kon 'Bok Kei-Dei krao sư, na bu mă mơ̆ng Sư krao, sư 'noh gô iung arih.

Yo 5:28

Na Inh bơtho iĕm thoi noh, iĕm 'nĕ tơchĕng hlĭch kơ đon. Ning-mônh đĭ-đăng lu bơngai lôch oei lăm bơsat kơtơ̆ng 'bơ̆r Inh krao sư,

Jang 6:14

Nhôn kơtơ̆ng sư khan Yêsu gô pơrăm hnam akŭm 'Bok Kei-Dei tơm âu păng tơplih tơdrong juăt mă đêl Môis ată kơ bơ̆n sơ̆.”

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Êphêsô 3:14

Yua kơ thoi noh na inh sơtơ̆p kŭl-tăng krao khan kơ 'Bă tơm bơ̆n 'Bok Kei-Dei,

I Tim 2:8

Tơ rim anih akŭm tơduă iĕm, inh wă kơ lu drŏ-nglo krao khan kơ 'Bok Kei-Dei, lu bơngai drŏ-nglo bu mă đei jơhngơ̆m 'lơ̆ng tơpăt ưh kơ hil kơ đe.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.

Tơdrông Tơ'bôh 21:22

Gah hnam 'Bok Kei-Dei inh ưh kơ 'bôh ôh, yua kơ Sư Kră Yang Tih Hloh, Sư hăm Kon Triu gơh oei jơ̆p-jang kơ anih, mă pơlei noh kư̆m dang hnam Sư mơ̆n.