Yo 4:10 - Sơ̆p Hlabơar Nơ̆r 'Bok Kei-Dei

¹⁰ Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 4:10 Iomraidhean Croise

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Horiso 46:4

Đei đak glung krong ro sư wă pơm chơt hiôk ăn kơ pơlei Kră Yang 'Bok Kei-Dei. Jơ̆ anih rơgoh, pơlei mă Kră Yang Tih Hloh oei,

Le 17:6

Inh gô dơ̆ng 'bơ̆t anăp ih, kơpal tơmo tơ kông Hôrêp; ih athei teh tơmo noh, na đak gô lĕch đơ̆ng lăm tơmo noh wă ăn kơ kon pơlei nhă. Môis pơm hloi thoi noh 'bơ̆t anăp măt lu kră kon pơlei Isơrael.

Hơri Hiôk 4:15

Ih thoi đak mơlĕch ro lăm pơgar, Ih boih sơlŭng đak tơdrong arih păng thoi lu đak glung ro đơ̆ng char Liban.

Êsai 12:3

Lu iĕm gô chơt hiôk năm chhŏ iŏk đak đơ̆ng tu tơdrong dŏng pơklaih.

Êsai 35:6

Kơplah noh lu bơngai jopo gô pơplŏng nhen juei. Hơpiĕt lu bơngai kơmlo gô gơh hơri chơt hiôk. Gô đei đak ro tơ char glă, păng lu glung đak gô ro lăm bri brah.

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Êsai 43:20

Lu sem bri, kŏ bri păng sem diydui gô kơkuh ư-ang kơ Inh. Yua kơ Inh ăn đak ro lăm char glă, păng pơm lu tu glung đak tơ char glă, wă kơ kon pơlei mă inh rơih iŏk bơih lu sư đei đak nhă.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Êsêkiên 16:35

Na ơ bơngai pơm đi, athei mơ̆ng bĕ nơ̆r Kră Yang.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Sa 14:8

Lăm năr noh đak tơdrong arih gô lĕch ro đơ̆ng pơlei Jêrusalem, minh trong noh ro tơ đak dơsĭ gah hơlĕch, minh trong gô ro tơ dơsĭ gah bơmơ̆t, lăm bơyan 'mi hăm bơyan phang tă kơ đei ngăl.

Luka 11:13

Iĕm bơngai kơnê̆ ră, mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, dah bơ̆n apinh Sư, Sư gô ăn kơ bơ̆n Yang Bơhngol 'Lơ̆ng tơpă.”

Yo 16:3

Lu sư gô pơm kơ iĕm thoi noh kơlih kơ lu sư ưh kơ băt kơ 'Bă Inh păng ưh kơ băt kơ Inh mơ̆n.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 6:35

Yêsu khan kơ lu sư: “Inh boih jing tơmam sa mă ăn kon bơngai arih ei. Na bơngai bu năm tơ Inh, bơngai 'noh ưh kơ layơ pơngot; bơngai bu lui kơ Inh, bơngai 'noh ưh kơ layơ rơhing.

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

Jang 9:11

Kră Yang Yêsu khan kơ sư: “Inh athei ih năm tơ Trong Tơpăt, truh tơ hnam Juđa, chă minh 'nu bơngai đơ̆ng Pơlei Tarsơ, anăn sư Sôl. Tơ ei sư oei krao khan kơ Inh.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 10:4

păng đak nhă lu sư đơ̆ng 'Bok Kei-Dei ăn mơ̆n. Đak lĕch đơ̆ng tơmo. Tơmo 'noh kiơ̆ bơwei lu sư khŏm khŏm. Tơmo 'noh wă khan 'Bok Krist.

II Kor 9:15

Bơnê kơ 'Bok Kei-Dei ăn kơ bơ̆n tơdrong hiôk ưh kơ băt dang yơ wơh Kon Sư kơdih lôch tang bơ̆n.

Êphêsô 2:8

Bơ̆n klaih đơ̆ng tơdrong yoch oei hiôk hăm 'Bok Kei-Dei, yua kơ 'Bok Kei-Dei 'mêm mơnat kơ bơ̆n na Sư pơklaih, yua kơ bơ̆n lui păng gơnang kơ Yêsu tơpă na Sư mơnat. Ưh kơ sĭ bơ̆n gơh klaih kơdih ôh, mă-lei tơdrong noh Sư ăn đĕch.

Hêbrơ 6:4

Mă-lei gah lu bơngai mă băt nhên boih tơdrong Yêsu, 'Bok Kei-Dei ăn kơ sư arih 'nao, ăn kơ sư Yang Bơhngol 'Lơ̆ng oei hơdai hăm sư,

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

Tơdrông Tơ'bôh 21:6

Na 'Bok Kei-Dei khan dơ̆ng kơ inh thoi âu: “Inh pơm tôm tơdrong keh boih. Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh. Thoi noh bu ol kơ đak, inh asong nhă đĕch đơ̆ng tu đak ăn kơ kon bơngai gơh arih ling-lang.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

Tơdrông Tơ'bôh 7:17

Kon Triu oei hơdai Pơtao bơ̆n 'Bok Kei-Dei, Sư wei-lăng lu đe noh, anhăk ba lu sư truh boih tơ tu đak mă ăn kơ kon bơngai arih ling-lang. 'Bok Kei-Dei sut đak măt lu sư huay pă nhơ̆m hmoi boih.”