Yo 3:6 - Sơ̆p Hlabơar Nơ̆r 'Bok Kei-Dei

⁶ Mĕ bơ̆n tơpŭ kơ bơ̆n sơ̆, noh păng akâu sư kơdih. Mă-lei bơ̆n tơpŭ ming 'nao dơ̆ng, 'noh đơ̆ng Yang Bơhngol 'Lơ̆ng pơm kơ bơ̆n.

Yo 3:6 Iomraidhean Croise

Bl 5:3

Kơplah Ađam đei minh-hrĕng pêng-jĭt sơnăm, sư pơjing minh 'nu kon drŏ-nglo hơbŏ thoi sư, sư anăn Set.

Bl 6:12

Âu, Kră Yang 'Bok Kei-Dei lăng lăm teh đak, 'bôh tơdrong yoch răm, yua kơ đĭ-đăng kon bơngai pơm ăn kơ trong sư kơdih kơpal teh âu răm đĭ.

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

Jop 14:4

Bu gơh pơm đơ̆ng bơngai pơm kơnê̆ 'mê̆-'mach mă jing 'lơ̆ng rơgoh? Ưh kơ đei bu!

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Horiso 51:10

Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

Yo 1:13

Lu sư jing kon 'Bok Kei-Dei, kơlih kơ 'Bok Kei-Dei ăn, ưh kơ sĭ kiơ̆ kơ krung kơtum adrĕch adrung kon bơngai ôh.

Yo 3:7

Na dang ei đon ih 'nĕ tơchĕng hlĭch gah tơdrong Inh athei iĕm tơpŭ ming 'nao 'noh.

Rom 7:18

Na dang ei inh băt boih tơdrong 'lơ̆ng hoh-hoy kơ oei lăm inh hơya tŏ sĕt, tă ling kơnê̆ ngăl. Kiơ̆ kơ đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ kĕ.

Rom 7:25

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră, mă-lei ưh kơ kĕ, đĭ jing đĭch tơdrong kơnê̆. Na dang ei inh bơnê kơ 'Bok Kei-Dei mơnat kơ inh, đơ̆ng tơdrong kơnê̆ 'noh pơklaih ăn kơ inh rơngei boih. Păng inh bơnê kơ Kră Yang Yêsu Krist kư̆m tơgŭm inh mơ̆n.

Rom 7:5

Hơdrol sơ̆ bơ̆n oei kiơ̆ kơ akâu bơ̆n kơdih, na 'maih pơm tôm tơdrong yoch. Bơ̆n băt kơ tơdrong juăt 'Bok Kei-Dei pơkă noh khă kuă ăn bơ̆n pơm yoch ră, mă-lei bơ̆n oei pơm yoch rai dêh khŏm khŏm truh tơ lôch.

Rom 8:13

Dah bơ̆n oei gơnang kơ akâu bơ̆n kơdih, bơ̆n gô pŭ tơdrong phak. Dah bơ̆n gơnang kơ Yang Bơhngol 'Lơ̆ng wă hŭt lê̆ tơdrong bơ̆n kơdih lei ning-mônh bơ̆n gô arih ling-lang.

I Kor 6:17

Dah bơngai bu lui kơ Kră Yang Yêsu, bơngai 'noh dang minh jơhngơ̆m minh đon hăm Yêsu.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Galati 5:24

Lu bơ̆n bơngai lui kơ Kră Yang Yêsu Krist đĭ hŭt lê̆ boih dôm lu tơdrong mă đon bơ̆n juăt kơ tơchĕng pơm tơdrong kơnê̆, dang lĕ kơ bơ̆n pơ̆ng dôm tơdrong noh tơ 'long pơglang.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Kôlôsê 2:11

Yua kơ iĕm pôm đon hăm Sư na iĕm kư̆m dang bơngai kăt tơdra akar mơ̆n. Mă-lei lu iĕm ưh kơ trŏ kăt păng ti tơpă ôh, Yêsu Krist Sư dang kăt ăn kơ iĕm. Sư tŭk lê̆ akâu so bơ̆n mă juăt kơ pơm yoch.

I Yo 3:9

Bơngai bu kon 'Bok Kei-Dei, bơngai 'noh sư ưh pă pơm yoch khŏm khŏm dơ̆ng ôh kơlih kơ sư tơpŭ ming 'nao jing kon 'Bok Kei-Dei boih. Sư kon 'Bok Kei-Dei na sư ưh kơ gơh pơm yoch kư̆m thoi 'Bă sư 'Bok Kei-Dei ưh kơ pơm yoch.