Yo 3:36 - Sơ̆p Hlabơar Nơ̆r 'Bok Kei-Dei

³⁶ Bơngai bu lui kơ Kon Sư, bơngai 'noh sư gô oei hơdai hăm 'Bok Kei-Dei arih ling-lang. Bơngai bu ưh kơ lui yom kơ Kon Sư, bơngai 'noh sư ưh kơ đei arih ling-lang ôh. 'Bok Kei-Dei hil kơ sư tơpă păng sĭt gô phak sư ning-mônh.”

Yo 3:36 Iomraidhean Croise

Jop 33:28

Kră Yang dŏng pơklaih bơhngol inh huay kơ huŏng lăm sơlŭng jrŭ, Ăn kơ tơdrong arih inh chơt hiôk 'bôh hơdah.’

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 36:9

Yua kơ tơm tơdrong arih oei tơ Ih, Lăm tơdrong hơdah Ih nhôn 'bôh hơdah,

Horiso 49:19

Sư gô năm kiơ̆ tơ anih 'bok yă lu sư; Lu sư pă đei 'bôh boih tơdrong hơdah.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Jo 32:11

Lu bơngai mă lĕch đơ̆ng dêh char Êyiptơ, iŏk đơ̆ng 'bar-jĭt sơnăm tơ kơpơ̆ng, gô ưh kơ 'bôh ôh dêh char mă Inh đei pơkă pơ'ngam wă ăn kơ Abraham, Isăk, Jakôp, yua kơ lu bơngai noh ưh kơ kiơ̆ Inh tơnăp,

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Markôs 16:16

Bơngai bu lui păng iŏk 'batem, bơngai 'noh sư gơh klaih đơ̆ng tơdrong yoch. Bơngai bu ưh kơ chu lui sư gô pŭ tơdrong phak.

Luka 2:30

na dang ei inh 'bôh boih bơngai mă Ih wơh wă dŏng pơklaih đĭ-đăng kơ khŭl kon bơngai nhôn.

Luka 3:6

Na đĭ-đăng kon bơngai gô 'bôh tơdrong 'Bok Kei-Dei wă pơklaih bơ̆n đơ̆ng tơdrong yoch tơpă.’ ”

Yo 1:12

Na dôm lu bơngai mă sơng iŏk Sư tơpă păng dôm lu bơngai lui kơ Sư, Sư ăn kơ lu bơngai 'noh jing kon 'Bok Kei-Dei.

Yo 10:28

Inh ăn kơ triu Inh arih ling-lang, sư ưh kơ layơ lôch răm ôh. Ưh kơ đei bu kĕ tơgar iŏk sư đơ̆ng ti Inh.

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Yo 4:36

Na bơngai bu adrin bơtho đe lui kơ 'Bok Kei-Dei, bơngai 'noh 'Bok Kei-Dei gô apah sư, kư̆m lei-lăi thoi tơ'ngla mir apah đe jang kĕch 'ba mir sư. Lu bơngai jang pơm mir, sư đei 'ba lơ tơpă; lu bơngai jang tơdrong 'Bok Kei-Dei kư̆m thoi noh mơ̆n. Sư krao lơ bơngai lui kơ 'Bok Kei-Dei, na lu bơngai lui kơ sư bơtho 'noh gô arih ling-lang. Bơngai mă bơtho đe hơdrol păng bơngai mă bơtho đe đơ̆ng rŏng na đe lui hloi kơ sư bơtho, bre noh, bre sư chơt hiôk lei-lăi đĕch.’

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Yo 6:58

Tơmam sa âu boih jur đơ̆ng plĕnh, ưh kơ thoi tơmam sa mana mă yă 'bok iĕm sa mă lôch sơ̆ ôh. Tơmam sa âu bơngai bu sa sư gô arih ling-lang.”

Yo 8:51

Inh khan kơ iĕm tơpăt, bơngai bu răk nơ̆r Inh bơtho, bơngai 'noh huay kơ lôch ôh.”

Jang 14:2

Lu bơngai Juđê mơ'nah ưh kơ wă lui kơ Yêsu. Sư pơhlŭ lu bơngai nai mă ưh kơ khŭl sư wă kơ sư areh kơ lu bơngai lui kơ Yêsu.

Rom 4:15

Dôm lu bơngai mă gơnang kơ akâu sư kơdih wă kiơ̆ tơdrong juăt 'Bok Kei-Dei pơkă sơ̆, lu sư trŏ kơ 'Bok Kei-Dei wă phak, yua kơ lu sư ưh kơ kĕ kiơ̆ tơdrong juăt 'Bok Kei-Dei pơkă. Tơ̆ng ưh kơ đei tơdrong juăt, bơ̆n ưh kơ băt pơm yoch kơ tơdrong juăt ôh.

Rom 5:9

Na dang ei 'Bok Kei-Dei jô̆ bơ̆n jing bơngai 'lơ̆ng boih yua kơ đei Yêsu Krist lôch tang bơ̆n. 'Noh bơ̆n băt kơ Sư dŏng pơklaih bơ̆n đơ̆ng tơdrong 'Bok Kei-Dei wă phak.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Êphêsô 5:6

Iĕm 'nĕ kơ lui kơ đe pơhlŭ iĕm kiơ̆ dôm tơdrong kơnê̆ noh mă sư khan tơdrong 'lơ̆ng. Lu bơngai thoi noh ưh kơ chu 'Bok Kei-Dei. 'Bok Kei-Dei hil tơpă kơ lu sư, gô phak lu sư.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

I Tes 5:9

'Bok Kei-Dei rơih iŏk bơ̆n ưh kơ sĭ Sư wă phak ôh, Sư rơih iŏk bơ̆n Sư wă pơklaih bơ̆n đơ̆ng tơdrong yoch. Kơlih kơ tơdrong 'noh na Sư ăn Kon Sư Yêsu Krist lôch tang bơ̆n boih.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Hêbrơ 3:18

Bĭ Sư khan: Iĕm ưh kơ gơh layơ wă mơ̆t pơdơh tơ dêh char Inh, noh Sư hil kơ đe bu? Sư hil kơ lu bơngai mă ưh kơ chu Sư.

Hêbrơ 3:19

'Noh bơ̆n băt nhên boih, lu sư ưh kơ gơh mơ̆t pơdơh tơ dêh char Sư, yua kơ lu bơngai noh ưh kơ đei đon lui.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”