Yo 3:3 - Sơ̆p Hlabơar Nơ̆r 'Bok Kei-Dei

³ Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Yo 3:3 Iomraidhean Croise

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Êsêkiên 36:26

Inh gô ăn kơ lu iĕm jơhngơ̆m 'nao păng ăn yang bơhngol 'nao tơ lăm lu iĕm; Inh gô iŏk hŭt lê̆ đĭ jơhngơ̆m arăng thoi tơmo đơ̆ng akâu lu iĕm păng ăn kơ lu iĕm jơhngơ̆m rơmuăn hăm sĕch wă chu kiơ̆ Inh.

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Mathiơ 19:24

Inh khan kơ iĕm thoi âu dơ̆ng, aseh lăk-đa mơ̆t bơlôh jrŭm 'bônh 'biơ̆ kơ bơngai mơdrŏng wă mơ̆t tơ dêh char 'Bok Kei-Dei.”

Mathiơ 21:31

Thoi noh boih na iĕm tơchĕng lăng, 'bar 'nu kon noh, kon ayơ chu kơ nơ̆r 'bă sư?” Lu sư khan: “Kon kơdră chu.” Na Yêsu khan: “Inh khan kơ iĕm tơpă, lu bơngai iŏk jên thuê̆, lu drŏ-kăn pơm đi, lu sư chu thoi kon kơdră noh boih. Lu sư băt ăn kơ 'Bok Kei-Dei pơgơ̆r lu sư boih mă-lei gah lu iĕm tam mă chu 'mơ̆i.

Mathiơ 5:18

Inh khan kơ iĕm tơpă, tơdrong juăt Môis oei oei ling-lang mă truh năr tôch ning-mônh ưh kơ đei hiong minh apăk dah minh nơ̆r ôh.

Markôs 10:14

Lăp Yêsu 'bôh lu bơngai pơhrăm păng Sư pơm thoi noh, Sư hil păng khan: “Lê̆ lu hơ'lơ̆p năm tơ Inh, 'nĕ pă khă lu sư, yua kơ bơngai bu lui thoi lu hơ'lơ̆p âu lui, bơngai 'noh 'Bok Kei-Dei pơgơ̆r wei-lăng sư ling-lang.

Markôs 9:47

Dah minh pah măt iĕm pơm kơ iĕm yoch, kuek hŭt minh pah măt iĕm 'noh, na oei pă minh pah 'noh iĕm gơh mơ̆t oei lăm dêh char 'Bok Kei-Dei. 'Noh 'lơ̆ng hloh kơ iĕm oei tôm 'bar pah măt, mă-lei wă huŏng lăm dơnâu ŭnh.

Yo 1:13

Lu sư jing kon 'Bok Kei-Dei, kơlih kơ 'Bok Kei-Dei ăn, ưh kơ sĭ kiơ̆ kơ krung kơtum adrĕch adrung kon bơngai ôh.

Yo 1:5

Sư pơchrang kơ lu bơngai mă oei lăm măng mu, lu bơngai oei lăm măng mu ưh kơ gơh pĭt tŭk tơdrong hơdah Sư.

Yo 1:51

Yêsu khan kơ lu sư: “Inh khan kơ iĕm tơpă, ning-mônh iĕm gô 'bôh plĕnh tơpơih na iĕm 'bôh lu linh jang 'lơ̆ng 'Bok Kei-Dei jur tơ Inh Kon Bơngai păng iĕm kư̆m 'bôh lu sư tŏk tơ plĕnh.”

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Yo 3:4

Nikôđem khan kơ Sư: “Thoi yơ bơngai kră boih gơh tơpŭ ming 'nao? Sư gơh mơ̆t lăm klak mĕ sư na tơpŭ ming dơ̆ng hă?”

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Galati 6:15

Tơdrong kăt tơdra akar ưh kơ đei kăl kiơ ôh. Tơdrong Yang Bơhngol 'Lơ̆ng ăn kơ bơ̆n jing bơngai 'nao, 'noh đĕch kăl.

Êphêsô 2:1

Sơ̆ iĕm dang lôch yua kơ tơdrong yoch hăm dôm tơdrong kơnê̆ iĕm oei juăt kơ pơm.

Both 29:4

Mă-lei truh tơ dang ei Kră Yang ưh tam ăn kơ lăm jơhngơ̆m lu iĕm hlôh băt, măt iĕm 'bôh păng đon iĕm kơtơ̆ng.

Tit 3:5

Na dang ei Sư pơklaih bơ̆n đơ̆ng tơdrong yoch tơpă. Sư pơklaih bơ̆n, ưh kơ sĭ bơ̆n pơm tơdrong 'lơ̆ng 'mơ̆i na Sư pơklaih. Sư pơklaih bơ̆n bơngai yoch yua kơ Sư 'mêm mơnat kơ bơ̆n tơpă. Yang Bơhngol 'Lơ̆ng 'nhao rơgoh jơhngơ̆m bơ̆n đơ̆ng tơdrong yoch. Sư ăn kơ bơ̆n hŭt đĭ dôm tơdrong so păng ăn kơ bơ̆n jing bơngai 'nao.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

I Yo 3:9

Bơngai bu kon 'Bok Kei-Dei, bơngai 'noh sư ưh pă pơm yoch khŏm khŏm dơ̆ng ôh kơlih kơ sư tơpŭ ming 'nao jing kon 'Bok Kei-Dei boih. Sư kon 'Bok Kei-Dei na sư ưh kơ gơh pơm yoch kư̆m thoi 'Bă sư 'Bok Kei-Dei ưh kơ pơm yoch.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

I Yo 5:4

Kơlih kơ dôm tơdrong lĕch đơ̆ng ala teh âu jei lu kon 'Bok Kei-Dei ngăl. Dôm lu tơdrong lĕch đơ̆ng ala teh âu thuơ kơ bơ̆n kơlih kơ bơ̆n lui kơjăp.

Tơdrông Tơ'bôh 3:14

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu: