Yo 21:9 - Sơ̆p Hlabơar Nơ̆r 'Bok Kei-Dei

⁹ Lăp lu sư tŏk tơ kông boih, lu sư 'bôh ŭnh ngar păng gơnap ka oei phang kơpal ŭnh ei păng đei 'bĕng mi mơ̆n.

Yo 21:9 Iomraidhean Croise

Mathiơ 4:11

Satan kơdâu weh hloi đơ̆ng Sư, na blư bla kơ linh jang 'lơ̆ng năm tơgŭm Sư.

Markôs 8:3

Dah bơ̆n tơwih lu sư klak hoh, ưh kơ jor lu sư rơmơ̆n rok trong, yua kơ đei lu mơ'nah đơ̆ng ataih tơpă adrin năm tơ âu.”

Yo 18:18

Đei lu linh, lu đĭch đam oei nhur ŭnh ngar kơlih kơ tơngiĕt. Pêtrôs kư̆m năm nhur hơdai hăm lu đe noh mơ̆n.

Yo 21:10

Na Yêsu khan kơ lu sư: “Anhăk tơ âu 'bar pêng hlak ka đêl iĕm rôp.”

Yo 21:13

Na Yêsu iŏk 'bĕng mi asong kơ lu sư iŏk hloi; ka asong lei-lăi mơ̆n.

Yo 21:8

Lu buăl sư oei lăm thŏng-nan na lu sư hiot jal mă ka puh lơ ei tŏk tơ kông.

Yo 6:11

Klaih kơ noh Yêsu iŏk pơđăm tŏ 'bĕng mi ei krao khan bơnê kơ 'Bok Kei-Dei hơdrol, đơ̆ng noh asong kơ lu bơngai tơpôl oei lăm ei. Ka sư kư̆m asong lei-lăi thoi noh mơ̆n. Lu đe ei iŏk sa gô mơ̆ng kơ lu sư wă sa.

Yo 6:9

“Đei minh 'nu bơngai 'lơ̆p tơ âu mơ̆n, sư đei pơđăm tŏ 'bĕng mi hăm 'bar tŏ ka na liơ mah tôm kơ bơngai lơ?”